完整藏文原文 · 德格版页 当前仅加载第 99 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
ཡ་ཨ་ལ་ལ་ཧོ་ཞེས་རྡོ་རྗེའི་གླུ་བླངས་སོ། །པདྨོ་གར་མཛད་དོ། །བདེ་བ་ཆེན་པོས་མཆོད་པས་ཚིམ་པར་འགྱུར་རོ། །དེའི་དུས་ན་བདུད་ལ་སོགས་པ་རྣམས་བསྒྲལ་བའི་ཚོགས་རྣམས་བྱང་ཆུབ་སེམས་བདེ་བ་ཆེན་པོའི་ཡེ་ཤེས་ཀྱིས་བརྒྱན་ཏེ། །དབང་བསྐུར་
D839.099.0121a01.01བའི་མཐུ་སོགས་ཀྱིས། །བདག་པོ་རིག་འཛིན་ཐམས་ཅད་ཀྱི་བདག་པོ་ཞེས་བྱ་བར་འགྱུར་རོ། །དཀྱིལ་འཁོར་ཆེན་པོའི་ཕྱི་རོལ་དུ་འཁོད་ཅིང་གསང་བའི་དཀྱིལ་འཁོར་འཛིན་པར་གྱུར་ཏོ། །དེའི་འཁོར་རྣམས་ཀྱང་དམ་ཚིག་གི་སྙིང་པོ་བླངས་ན་བྲན་དུ་མཛད་པར་ཁས་བླངས་
D839.099.0121a02.01སོ། །སྙིང་པོ་བརྗོད་པ་ནི། །མ་མ་ཏྲག་ཤ་རུ་ཏྲ་མ་མ་བྷྱོ། སླར་བསྒོ་བའི་སྔགས་ནི། ཨོྃ་རུ་ལུ་རུ་ལུ་ཧཱུྃ་བྷྱོ་པདྨ་ཧྲྀ་དྡྷ་རུ་རུ་ཧཱུྃ་བྷྱོ་ཧཱུྃ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་གསང་ཆེན་འདུས་
D839.099.0121a03.01པའི་ལེའུ་སྟེ་ཉི་ཤུ་གཅིག་པའོ།། །།དེ་ནས་བཅོམ་ལྡན་གར་དབང་གིས། །རིགས་ཀྱི་དཀྱིལ་འཁོར་བསྡུ་མཛད་ནས། །བདག་དང་གཉིས་མེད་རོལ་པའི་མཐུས། །ཁྲོ་བོའི་རྒྱལ་པོ་སྐུ་ཆེན་དག །སངས་རྒྱས་ཀུན་གྱི་སྐུ་གསུང་ཐུགས། །གསང་གསུང་
D839.099.0121a04.01དམ་ཚིག་ཕྱག་རྒྱ་ཆེ། །དཀྱིལ་འཁོར་རྒྱུ་ཡི་དམ་ཚིག་སྐུ། །བཀོད་པའི་དཀྱིལ་འཁོར་མཛེས་པའོ། །ཆོས་དབྱིངས་ཡོན་ཏན་འབྱུང་གནས་གཞལ་ཡས་ཁང་། །རྒྱལ་བའི་དཀྱིལ་འཁོར་རིགས་ཀྱི་ཅོད་པན་ཅན། །རིགས་ཀྱི་དབང་ཕྱུག་སྐྱེ་འགྲོ་མ་ལུས་སྒྲོལ། །རྡོ་རྗེ་
D839.099.0121a05.01བཀོད་པ་རྒྱན་གྱི་དཀྱིལ་འཁོར་ཆེ། །དབང་པོ་ཡུལ་ཚོགས་རིགས་ཀྱི་སྐུ་ལྔར་ལྡན། །ཤེས་རབ་ཐབས་དང་མི་གཉིས་འདུ་འབྲལ་མེད། །དུས་གསུམ་ཅིག་ཆར་སྒྲོལ་བས་ཚར་གསུམ་རྒྱན། །ཁམས་གསུམ་ཡོངས་སྒྲོལ་མཛད་ཀྱི་རྒྱན་དུ་ཆེ། །མི་གནས་མྱ་ངན་
D839.099.0121a06.01གསུང་རབ་རྒྱ་མཚོ་སྒྲོགས། །མ་བསྒྲིབས་མ་གསལ་གོ་འཕང་མཛེས་པར་མཐོང་། །མི་ལྡོག་ཡུལ་སྒྲོལ་སྟབས་དྲུག་མཛེས་པར་མགྱོགས། །གར་ཡང་ཐོགས་མེད་བྱིན་བརླབས་ཤུགས་དང་ལྡན། །འཚེར་སྐད་གདངས་སྙན་མ་སྲིང་སྤྲོ་བ་འགྱེད། །ཁམ་དམར་
D839.099.0121a07.01