完整藏文原文 · 德格版页 当前仅加载第 99 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
སླར་ཉིད་རང་གི་དཀྱིལ་འཁོར་རྫོགས། །ཤངས་ཀྱི་རླུང་སྒྲོམ་འབར་བ་ནས། །འཇིག་རྟེན་ཐམས་ཅད་འབར་བྱེད་པ། །རྡོ་རྗེའི་འགྲོས་ལས་བྱུང་བ་ཡི། །སྣ་ཚོགས་ས་གཞིར་བརྟན་པར་བྱས། །ཨོཾ་སུམྦྷ་ནི་སུམྦྷ་ཧཱུྃ། གྲྀཧྞ་གྲྀཧྞ་ཧཱུྃ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུྃ་
D839.099.0094a01.01ཧཱུྃ། ཨཱ་ན་ཡ་ཧོ་བྷ་ག་བཱན་བིདྱཱ་རཱ་ཛ་ཡ་ཧཱུྃ་ཧཱུྃ་ཧཱུྃ་ཕཊ། ཕྱག་གི་མཚན་མ་ཀུན་འཁྲོལ་ཞིང་། །ཁྲོ་བོའི་དཀྱིལ་འཁོར་སྤྲོ་བར་བྱེད། །ཧཱུྃ་ལྷ་དབང་རླུང་ལྷ་ཡི་ཚོགས། །གནོད་སྦྱིན་དྲི་ཟ་སྲིན་པོ་དང་། །ཤ་ཟ་གཤིན་རྗེ་མ་མོའི་ཚོགས། །མཁའ་འགྲོ་གནོད་སྦྱིན་མ་ལུས་
D839.099.0094a02.01རྣམས། །གང་དག་ས་གཞི་འདིར་གནས་པ། །སྲུང་བྱེད་ས་ཡི་བདག་པོར་བས། །ཐོས་པ་ཙམ་གྱིས་མྱུར་བར་དེངས། །ང་ཡི་བཀའ་ལས་འདའ་མ་བྱེད། །གང་ཞིག་གནས་པའི་མཐུ་བོ་ཆེ། །པདྨ་རྡོ་རྗེ་ཁ་ཊྭཱཾ་ག། །ཐལ་བའི་ཚོགས་བཞིན་རླག་པར་བྱེད། །
D839.099.0094a03.01རབ་འབར་ཁྲོ་བོའི་གནས་འཇོམས་པའོ། །པདྨའི་འབར་བའི་གཟུགས་འདི་ཡིས། །གལ་ཏེ་གང་གི་དམ་ཚིག་བཅག །འདོད་གསུམ་སྐྱེ་གནས་གསལ་བྱས་ཏེ། །འཇིགས་པར་འགྱུར་ཞིང་གཞན་འདིས་མེད། །ས་ལས་ཡོངས་སུ་བསྐོར་བྱས་ཏེ། །བགེགས་བྱེད་
D839.099.0094a04.01བྱ་ཕྱིར་ཕུར་བར་གདབ། །ཨོྃ་གྷཱ་ཏ་ཡ་གྷཱ་ཏ་ཡ་སརྦ་དུཥྚ་ཕཊ། ཧཱུྃ་ཧཱུྃ་ཧཱུྃ་བཛྲ་ཀཱི་ལ་ཡ། བཛྲ་དྷ་རོད་ཨཱཛྙཱ་པ་ཡ་ཏི་ཀཱ་ཡ་བཱ་ཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ། ལག་པ་བསྐྱོད་ཅིང་རྐང་པ་བསྐྱོད། །ངོ་མཚར་ཁྲོ་བོའི་ཟུར་མིག་བཞིན། །སྨིན་མ་ཁྲོ་གཉེར་གཡོན་མཛད་ཅིང་། །ཁ་ཡི་
D839.099.0094a05.01པདྨ་འཛུམ་བཅས་པས། །སོ་སོའི་ཕྱག་རྒྱ་གནས་སུ་བསྒྱུར། །འགྱིང་བག་བཅས་པས་ཞལ་ལ་བསྟོད། །རྟ་མཆོག་ཁྲོ་བོའི་གར་ཐབས་ཀྱིས། །ཞི་རྒྱས་དབང་དང་དྲག་པོའི་ཚུལ། །བ་ཡི་རྣམ་ལྔ་དྲི་བསྲེས་ཆུས། །དཀྱིལ་འཁོར་ས་གཞི་ཉེར་བྱུགས་ནས། །ལྷ་རྣམས་
D839.099.0094a06.01གནས་སུ་དྲི་ཡི་ཆུས། །ཐིག་ལེ་གྲུ་བཞིར་ཟླུམ་པོར་བྱེ། །རང་གི་སྔགས་དང་མེ་ཏོག་རྣམས། །སོ་སོའི་གནས་སུ་དགྲམ་པར་བྱ། །དབུ་རྒྱན་རོལ་མོ་མཆོད་པའི་ཚོགས། །ལྷ་མགོན་གནས་ཀྱི་ཉེ་འཁོར་མཛེས། །དཀྱིལ་འཁོར་ལྷ་རྣམས་ཉེ་བའི་ས། །
D839.099.0094a07.01