完整藏文原文 · 德格版页 当前仅加载第 99 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
རང་བཞིན་ཉིད་ལ་འགྱུར་བ་མེད། །ཡེ་ནས་དོན་གྱི་སངས་རྒྱས་ལ། །འཁྲུལ་པའི་བདེ་སྡུག་འཁོར་ལོས་འཁྱམས། །ལོག་རྟོག་དངོས་མེད་བྱང་ཆུབ་སེམས། །འཁྲུལ་རྟོག་མི་གནས་རྒྱན་གྱི་མཆོག །ཐ་བའི་གནས་ཉིད་བྱང་ཆུབ་ཞིང་། །སྲིད་དངོས་སངས་རྒྱས་མངོན་
D839.099.0089b01.01རྫོགས་སྐུ། །འཛིན་རྟོག་བྱང་ཆུབ་སྙིང་པོར་གསལ། །བརྟན་གཡོ་དངོས་པོ་ཐམས་ཅད་དང་། །བདེ་ཆེན་སྐུ་ལས་གཞན་མེད་དོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་དེ་བཞིན་
D839.099.0089b02.01ཉིད་ཀྱི་ལེའུ་སྟེ་ལྔ་པའོ།། །།བཅོམ་ལྡན་རྒྱལ་བ་ཐམས་ཅད་ཀྱི། །དཀྱིལ་འཁོར་སྙིང་པོ་བསྡུས་པའི་དོན། །དེ་ནས་གསང་བའི་བདག་པོ་ཡིས། །དཀྱིལ་འཁོར་རྣམ་པར་འཕྲོ་བའི་དོན། །མཚན་ཉིད་འཕྲོ་ཞིང་རྟོགས་པ་དག །རྒྱལ་བས་བཤད་
D839.099.0089b03.01ཕྱིར་བསྐུལ་འདེབས་མཛད། །བཅོམ་ལྡན་རྒྱལ་བ་ཐམས་ཅད་ཀྱིས། །དཀྱིལ་འཁོར་སྙིང་པོ་བསྡུས་པའི་དོན། །རྒྱ་ཆེ་མཛད་པའི་མཐུ་ལྡན་པ། །རྡོ་རྗེ་གསང་བ་གསུམ་གྱི་གནས། །རབ་རྒྱས་མཚན་བཞིན་ཆོ་གའོ། །ཡན་ལག་བདག་ལ་བསྟན་དུ་གསོལ། །དེ་ནས་
D839.099.0089b04.01མགོན་པོ་གསང་བའི་བདག །གཉིས་མེད་ཡེ་ཤེས་ལ་འགྲོ་བའི། །ཏིང་ངེ་འཛིན་ལ་སྙོམས་ཞུགས་གནས། །རྒྱ་ཆེར་སྤྲུལ་པའི་དོན་བསྟན་མཛད། །སྟོང་ཉིད་ཡེ་ཤེས་ལས་བྱུང་བའི། །རི་བོ་རྒྱུད་འཛིན་རིགས་མཚན་ཅན། །དབྱངས་ཀྱི་ཡི་གེའི་ཚུལ་འཇུག་པའི། །རྟ་
D839.099.0089b05.01བདུན་འོད་སོགས་གསལ་བྱེད་ལྡན། །སྐར་མའི་ཚོགས་དང་འདྲ་བ་ལས། །མཉམ་ཉིད་འོད་ཀྱི་གོང་བུའི་གཟུགས། །སྣང་བའི་འོད་ཟེར་ལྔ་ཡི་ཚུལ། །ཕྱག་རྒྱ་མཚན་མ་སྔགས་དང་བཅས། །རྣམ་འཕྲོས་རང་རིག་ཞིང་ཁམས་སྦྱོང་། །དེ་དག་གོང་བུའི་གཟུགས་མཚུངས་
D839.099.0089b06.01བར། །གཙོ་བོ་རྡོ་རྗེ་འཛིན་པའི་སྐུ། །སྟོང་ཉིད་སྙིང་རྗེ་ཆེན་པོ་ཡིས། །མ་ལུས་རྒྱུད་རྣམས་གསལ་མཛད་ནས། །ནམ་མཁའ་དང་བའི་དཀྱིལ་འཁོར་བཞིན། །ཐུགས་རྗེ་ཆེན་པོ་སྐྱོན་སྐྱོང་མཛད། །ས་བོན་གསང་བའི་ལས་བྱུང་བའི། །མཁའ་སྣང་གསལ་བ་ཀུན་ཁྱབ་
D839.099.0089b07.01