完整藏文原文 · 德格版页 当前仅加载第 99 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
པར་གདོང་ནི་གཡོག་པར་བྱ། །པདྨོའི་ཐལ་སྦྱར་རིན་ཆེན་ཕྲེང་། །སྔགས་བརྗོད་གཟུངས་འཛིན་རྩེ་གཅིག་ཏུ། །བརྟན་པོར་བྱང་ཆུབ་དོན་གཉེར་བས། །དཀྱིལ་འཁོར་གནས་སུ་མོས་པ་བསྐྱེད། །དེ་ནས་སློབ་དཔོན་བློ་ལྡན་པས། །ཐེག་ཆེན་ལམ་ལ་ཞུགས་
D839.099.0100a01.01པའི་ཕྱིར། །སློབ་མ་དག་ལ་སླར་སྨྲས་པ། །གསང་སྔགས་ལམ་མཆོག་ཟབ་པ་འདི། །ཤིན་ཏུ་བཟུང་བ་དཀའ་བ་ཡིན། །ཁྱོད་ཀྱིས་བཟུང་བར་འདོད་པ་རྣམས། །མི་སྙེམས་པ་ཡི་བློ་བསྐྱེད་ནས། །ལྟ་སྤྱོད་མཆོག་ལ་གནས་དགོངས་སོ། །ཀྱེ་མ་རྡོ་རྗེ་གསང་བའི་དོན། །
D839.099.0100a02.01ཐེག་ཆེན་སྙིང་པོ་བླ་ན་མེད། །ཚེ་འདིས་བྱང་ཆུབ་འགྲུབ་བྱེད་ཀྱང་། །རྨོངས་རྣམས་ཐེ་ཚོམ་སྐྱེ་བར་འགྱུར། །ངང་ཚུལ་བཟང་པོ་འདི་རྟོགས་པས། །དུས་གསུམ་བཞུགས་པའི་སངས་རྒྱས་རྣམས། །བྱིན་བརླབས་ངོ་མཚར་མཆོག་བརྙེས་ཏེ། །སེམས་
D839.099.0100a03.01ཅན་དོན་ཕྱིར་ཚུལ་དང་ལྡན། །ཁྱོད་ཀྱིས་སྒྲོ་སྐུར་དང་བྲལ་ཞིང་། །དད་བརྩོན་ཐེ་ཚོམ་མེད་པར་ཟུང་། །དེ་ནས་སློབ་མས་སླར་གསོལ་པ། །ཡང་དག་ཐུགས་རྗེ་ཆེར་མངའ་བའི། །མགོན་མཆོག་རྣམས་ཀྱིས་བདག་ལ་གནོང་། །འདི་དག་བདག་ལ་གཏོལ་
D839.099.0100a04.01མེད་པས། །ཁྱོད་ཀྱིས་གསུངས་བཞིན་གསོལ་བར་འཚལ། །སླར་ཡང་རབ་གུས་དང་བའི་ཡིད། །ཚུལ་ཆེན་མི་ཉན་དམ་ཚིག་མཆོག །སློབ་དཔོན་ཆེ་ལ་སྐྱབས་སུ་མཆི། །སངས་རྒྱས་དཀྱིལ་འཁོར་སྲས་བཅས་ཚོགས། །ཐུགས་མཆོག་དྲི་མེད་བདག་ལ་
D839.099.0100a05.01དགོངས། །བདག་གིས་བྱང་ཆུབ་དོན་གཉེར་བས། །དཀྱིལ་འཁོར་གནས་སུ་མོས་པ་བསྐྱེད། །གར་གྱི་དབང་ཕྱུག་བདེ་ཆེན་མཆོག །མགོན་འགྱུར་རྣམས་ལ་སྐྱབས་སུ་མཆི། །མྱ་ངན་ལས་འདས་ཕོ་བྲང་འདིར། །བདག་ཉིད་ཞུགས་པར་མཛད་པ་ལེགས། །དེ་ནས་
D839.099.0100a06.01ལས་ཀྱི་རྡོ་རྗེ་ཡིས། །གསང་བའི་མཐེ་བོ་ནས་བཟུང་སྟེ། །ཡོལ་བའི་ནང་དུ་གཞུག་པར་བྱ། །ཨོྃ་པདྨོ་སརྦ་ཏ་ཐཱ་ག་ཏ་ས་མ་ཡ་ཡོ་ག་ཙིཏྟ་ཨུ་ཏ་པཱ་ཏ་ཡཱ་མི་ཧཱུྃ་སྭཱ་ཧཱ། དེ་ནས་གསང་བའི་གནས་ཞུགས་པས། །མཆོད་བརྙེས་རྒྱུན་བཤགས་ལ་སོགས་ཀྱིས། །སྣོད་དུ་རུང་
D839.099.0100a07.01