完整藏文原文 · 德格版页 当前仅加载第 99 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
འགགས་ས་ལེ་མཁྱེན་པས་བརྗིད། །མེད་ལ་ཟད་མི་ཤེས་པས་བརྗིད། །གཅིག་ལ་འདོད་དགུར་སྒྱུར་བས་བརྗིད། །གནོད་སྦྱིན་ཕམ་པར་མཛད་པས་བརྗིད། །ཐབས་མཁས་སྐྱོན་གྱིས་མ་གོས་བརྗིད། །རིམས་བྲལ་ཉམ་ཐག་རོལ་པས་བརྗིད། །
D839.099.0124a01.01འཁོར་བ་ཡུན་{རིངས་,རིང་}མགོན་མཛད་བརྗིད། །ཅིག་ཆར་ཟིལ་གྱིས་གནོན་པས་བརྗིད། །བྱ་བའི་ཡེ་ཤེས་རྫོགས་པས་བརྗིད། །སྐུ་གསུང་ཡོན་ཏན་ཕྲིན་ལས་ཐུགས། །ཟིལ་གནོན་ང་རྒྱལ་བཅག་པར་བྱ། །དེ་སུ་རོ་ཡི་ནང་ནས་ནི། །གློག་འགྱུ་ལྕེ་ནི་ལན་
D839.099.0124a02.01གསུམ་འབྱུང་། །སོ་འམ་སེན་མོ་གཅད་པར་བྱ། །དེ་ཉིད་རལ་གྲི་བཟང་པོར་འགྱུར། །རྣལ་འབྱོར་པ་ཡི་གྲངས་བཞིན་དབྱུང་། །དེ་ཐོགས་ནམ་མཁའ་ལ་སོང་ནས། །རིག་པ་འཛིན་པའི་སྔགས་བརྗོད་བྱ། །ཨོྃ་བྷཱུ་རུ་ན་ར་ས་མ་ཏ་ཡ་ཧཱུྃ་ཕཊ། །གར་གྱི་དབང་
D839.099.0124a03.01ཕྱུག་ང་རྒྱལ་གྱིས། །གང་འདོད་གནས་སུ་འགྲོ་བྱ་ཞིང་། །དྲེགས་བྱེད་ཚོགས་རྣམས་ཟིལ་གནོན་ཏེ། །བརྟུལ་ཞུགས་སྤྱོད་པས་གླུ་བླང་ཞིང་། །བརྟུལ་ཞུགས་སྤྱོད་པ་སྣ་ཚོགས་པས། །ཡུད་ཙམ་གཅིག་ལ་གནས་སུ་དག་པར་བྱེད། །བཅོམ་ལྡན་པདྨ་ཧེ་རུ་
D839.099.0124a04.01ཀའི། །སྐུ་གསུང་ཐུགས་ཀྱི་དཀྱིལ་འཁོར་ནི། །ཇི་ལྟར་སྤྲུལ་ཞིང་ཅིར་ཡང་སྣང་། །མཚན་ཉིད་གཅིག་ཏུ་མ་ངེས་པས། །སྐུ་གསུང་ཐུགས་སྤྲུལ་བསམ་ཡས་ཆེ། །རང་བཞིན་ལས་དང་ཡོན་ཏན་གྱི། །བྱིན་བརླབས་ཡ་མཚན་སྒྲིབ་མེད་གསལ། །ཁམས་
D839.099.0124a05.01གསུམ་ཀུན་ལས་རྩལ་འཕགས་ཤིང་། །རང་གི་དཀྱིལ་འཁོར་རྣམ་གསལ་ལས། །བྱིན་བརླབས་འགྲོ་ལ་རྒྱ་ཆེར་སྟོན། །ཆོས་དང་ལོངས་སྤྱོད་རྫོགས་པ་དང་། །སྤྲུལ་སྐུ་སྣ་ཚོགས་འདུལ་བའོ། །ཚིག་གི་གསུང་རབ་རིག་པའི་གསུང་། །བཞི་ལ་སུམ་ཅུ་
D839.099.0124a06.01དྲུག་གིས་བརྗིད། །དུག་གསུམ་སྐུ་གསུང་ཐུགས་ཀྱིས་སྦྱངས། །དུག་ལྔ་བདེ་བ་ཆེན་པོས་སྤྱད། །དབྱིངས་ལས་ཡེ་ཤེས་རོལ་པའི་མཐུས། །སྐྱེ་འགྲོ་མ་ལུས་རྒྱས་བཏབ་ནས། །རང་བཞིན་དག་པའི་དབྱིངས་སུ་སྦྱོང་། །རྒྱལ་བ་གང་གི་ཐུགས་རྗེས་ཀྱང་། །འདི་ལ་སྐྱབས་
D839.099.0124a07.01