完整藏文原文 · 德格版页 当前仅加载第 99 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པའོ། །དེ་ཡི་ཤར་ཕྱོགས་རེའུ་མིག་ལ། །ནམ་མཁའི་མཛོད་དང་དྲ་བ་ཅན། །དཀོན་མཆོག་རྒྱལ་མཚན་རིན་ཆེན་ཏོག །རིན་ཆེན་གླིང་བུ་རིན་ཆེན་ཕྲེང་། །རིན་ཆེན་རྒྱལ་མཚན་རིན་ཆེན་བུམ། །རང་གི་འོད་བཅས་སྔགས་ཀྱིས་བརྒྱན། །ནུབ་
D839.099.0098a01.01ཀྱི་དཀྱིལ་འཁོར་དབུས་གནས་པ། །བདེར་གཤེགས་ཀུན་དུ་སྣང་བའི་འོད། །འཁོར་ལོ་དྲིལ་བུམ་མཚན་མ་ལ། །རང་འོད་སྔགས་ཀྱིས་མཚན་པ་བྲི། །པདྨོ་རིགས་ཀྱི་འཁོར་ལོའི་ཚད། །བྱང་གི་དཀྱིལ་འཁོར་དབུས་གནས་པ། །བདེར་གཤེགས་དོན་ཡོད་
D839.099.0098a02.01གྲུབ་པ་ཡི། །རྡོ་རྗེ་སྣ་ཚོགས་དྲིལ་བུ་བསྣམས། །རང་གི་སྔགས་དང་ཁ་དོག་གསལ། །དེ་ཡི་ཤར་ཕྱོགས་རེའུ་མིག་ལ། །བརྩོན་འགྲུས་དང་ནི་ཤུགས་ཆེན་པོ། །གནོད་སྦྱིན་འདུལ་བ་སྣ་ཚོགས་དབང་། །རྒྱ་གྲམ་ཕྲེང་དང་པདྨ་ཕྲེང་། །རྡོ་རྗེ་གདེངས་པོ་ཟླ་ཁམ་ཅན། །
D839.099.0098a03.01འོད་འཕྲོས་སྔགས་ཀྱིས་མཚན་བྱས་པའི། །མཚམས་ཀྱི་རེའུ་མིག་བཞི་རྣམས་ལ། །འོད་འཕྲོས་པདྨ་འཛིན་པ་དང་། །པདྨ་གནོན་དང་པད་སྐྱོང་དང་། །མེ་ལོང་རིན་ཆེན་ཕྲེང་བ་དང་། །པི་ཝང་གར་གྱི་ཕྱག་རྒྱ་ལ། །རང་འོད་སྔགས་ཀྱིས་མཛེས་པར་བྱ། །ཕྱི་རོལ་པདྨའི་
D839.099.0098a04.01ཤར་བརྩམས་ཏེ། །རིགས་ཀྱི་བྱང་སེམས་བཞི་བཞིར་གནས། །བདེ་བའི་བློ་གྲོས་རྒྱ་མཚོའི་སྒྲ། །གཟི་མདངས་དང་ནི་འཁོར་ལོ་ཡི། །ནམ་མཁའི་མཛོད་ཀྱི་འཁོར་ལོ་རིན་པོ་ཆེ། །པད་ལྕུག་འཁོར་ལོ་དབྱུག་པ་རྣམས། །རང་འོད་སྔགས་ཀྱི་མཚན་མར་
D839.099.0098a05.01གནས། །ཤེས་རབ་སྣང་བ་རྡོ་རྗེ་རྒྱལ། །འོད་ཟེར་འཕྲོ་བ་དྲག་ཤུལ་གྱི། །རིན་ཆེན་ཕུང་པོ་རིན་ཆེན་གདུགས། །པདྨའི་སྡོང་པོ་འོད་ཕུང་བྲི། །དྲི་མའི་ཚོགས་དང་སྒྱུ་མ་འཕྲུལ། །རིན་ཆེན་རྒྱལ་པོ་དྲ་བ་ཅན། །རིན་ཆེན་རི་བོ་རྒྱ་གྲམ་བྲི། །ལག་{བཟངས་,བཟང་}གསེར་འོད་
D839.099.0098a06.01འཕྲོ་བ་དང་། །རིན་ཆེན་སྙེ་མ་ཆོས་མཐོང་དང་། །པདྨའི་རྒྱ་གྲམ་གླེགས་བམ་དང་། །པདྨའི་སྡོང་པོའི་གོ་ཆ་བྲི། །དྲི་མེད་མུན་པ་སེལ་བ་དང་། །དགའ་བ་དབྱངས་དང་གཞོན་ནུ་ཡི། །ཆུ་ཤེལ་ནོར་བུའི་ཕྲེང་བ་དང་། །སྤྲིན་ཕུང་རྡོ་རྗེ་རྒྱ་གྲམ་བྲི། །དེ་ནི་རིགས་ལྔའི་
D839.099.0098a07.01