完整藏文原文 · 德格版页 当前仅加载第 99 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་སྤྲོ་ལྷ་ཡི་དཀྱིལ་འཁོར་གྱིས། །སོ་སོའི་འདོད་དོན་སྒྲུབ་པར་བྱེད། །རྡོ་རྗེ་ཙཀྲ་རིན་ཆེན་དང་། །པདྨ་རྒྱ་གྲམ་ལ་སོགས་ཏེ། །ལས་ཀུན་ལྷ་ཡི་ང་རྒྱལ་གྱིས། །མཚན་རྟགས་མ་བྱུང་བར་དུ་བསྒྲུབ། །གཟུགས་བརྙན་དཀྱིལ་འཁོར་གཞིར་
D839.099.0129a01.01བཞག་ནས། །ལྷ་ཡི་དཀྱིལ་འཁོར་སྒྲུབ་བྱེད་ཅིང་། །མཚན་མའི་རྫས་ལ་བརྟེན་བྱས་ཏེ། །བརྟེན་པར་མཆོད་ཅིང་མཉེས་པ་དང་། །ལས་ཀུན་པ་ཡི་གསང་སྔགས་བརྗོད། །ཨོྃ་མ་མ་སརྦ་བི་ཏ་ཧ་ར་ཀུ་རུ་སྭཱ་ཧཱ། །སརྦ་ས་མོ་ཀུ་ནི། ལྃ་བ་ཤཱནྟིཾ་ཀུ་རུ་ད་ནི་ཧཱུྃ།
D839.099.0129a02.01པུཥྚིཾ་རཏྣ་མ་ཀུ་རུ་སྭཱ་ཧཱ། །པ་ཤྃ་ཀུ་རུ་པདྨོ་ཧྲྀ་ད་ཡ་ཨྃ། སྟྃ་བ་ན་མོ་ཤ་ཨ་ཀརྨ་པ་ནི་ཧཱུྃ་ཕཊ། །ཅུང་ཞིག་གཟུགས་ནི་འདུ་བའམ། །འོད་འཕྲོས་བསྐྱོད་པར་གྱུར་པ་དང་། །ང་རྒྱལ་ལྡན་པས་ལག་ཐོགས་ཏེ། །གསང་སྔགས་དྲག་ཏུ་བརྗོད་པར་བྱ། །གང་
D839.099.0129a03.01ཞིག་ཞི་དང་རྒྱས་པ་དང་། །དབང་ལ་སོགས་ནི་སྒྲུབ་འདོད་པས། །དེ་དག་དེ་དང་མཐུན་པ་དང་། །ལས་ཀྱི་དཀྱིལ་འཁོར་ལ་གནས་བསམ། །ཕྱག་རྒྱའི་མཚན་མ་བསྐུལ་བྱས་ཏེ། །རང་གི་ལས་ལ་རྣམ་པར་གནས། །དགུག་ལ་སོགས་པའི་ལས་
D839.099.0129a04.01དག་དང་། །ལྕགས་ཀྱུ་ལ་སོགས་ལས་ཀྱི་བསྒྲུབ། །རྟེན་གྱི་མཚན་མ་དང་བྲལ་བར། །ཅི་འདོད་བྱ་བ་མཐར་ཕྱིན་འགྲུབ། །ཐབས་དང་སྒྲུབ་བྱེད་གསང་སྔགས་ལ། །སོ་སོའི་ལས་ཀྱི་མཐའ་བརྒྱན་ཏེ། །ཡི་གེ་བཅུ་བཞིའི་རྗེས་ཐོགས་སུ། །སུམ་འབུམ་
D839.099.0129a05.01གྲངས་ཀྱིས་བསྒྲུབ་པར་བྱ། །ཨོྃ་བི་ལོ་གི་མ་མ་དུཤྚ་ན་ག་ག་ན་རུ་ལུ་རུ་ལུ་ཧཱུྃ་ཕཊ། དང་པོ་རྩ་བའི་སྔགས་ནི། གསུམ་འབུམ་དག་ཏུ་བཟླས་བྱས་ནས། །སླར་ཡང་དེ་ཡི་གྲངས་མཐུན་པ། །གང་འདོད་ལས་རྣམས་འགྲུབ་པར་འགྱུར། །དེ་བཞིན་
D839.099.0129a06.01གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་རྟེན་གྱི་སྒོ་ནས་སྤྱད་པའི་ལེའུ་སྟེ་ཉི་ཤུ་དགུ་པའོ།། །།འགྲོ་གནས་ཐམས་ཅད་སྲུང་བྱེད་ཅིང་། །ཕན་གདགས་ཆོ་ག་བཟང་པོ་ཉིད། །
D839.099.0129a07.01