完整藏文原文 · 德格版页 当前仅加载第 99 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
མགོ་བརྩེགས་སྤྲུལ་པའི་འཁོར་དང་བཅས། །རང་གི་ལས་ཀྱིས་འཁོད་པ་དང་། །འཇིགས་པའི་ཆ་ལུགས་རྔམ་གཟུགས་གནས། །ལས་མཛད་ཀླུ་ཡི་དཀྱིལ་འཁོར་འདུལ། །ཀླུ་ཆེན་བརྒྱད་སོགས་བསྡུས་བྱས་ན། །མཐུ་དང་རྫུ་འཕྲུལ་མེད་པར་བྱ། །རང་གི་དམ་ཚིག་
D839.099.0110b01.01དྲན་པའི་ཤུགས། །སྤྱན་རྣམས་སྤྱན་ངར་འདོད་པར་བྱེད། །ཨོྃ་ན་ག་མེ་ག་ན་ན་ག་ར་ཙ་ཡ་ས་མ་ཡ་ཧཱུྃ། །དཀྱིལ་འཁོར་གསང་བར་དབང་བསྐུར་ནས། །འོད་བཟང་གཟི་མདངས་མེ་དཔུང་འབར། །རིགས་ཀྱི་དབུ་རྒྱན་གསལ་བྱེད་ཕྱེ། །ཡེ་ཤེས་འོད་ཚོགས་
D839.099.0110b02.01གནས་བཅས་ཏེ། །དཀྱིལ་འཁོར་གསང་བར་གོམས་ཞུགས་ཀྱིས། །ཚུལ་འཛིན་དཀོན་མཆོག་མངོན་དུ་དབྱེ། །ཚོགས་རྣམས་མ་ལུས་མགྲིན་གཅིག་ཏུ། །གར་དབང་སྐུ་ལ་སྐྱབས་གསོལ་ཞིང་། །འདོད་ཡོན་གསོལ་འདེབས་དམ་བཅས་པ། །བསོད་ནམས་
D839.099.0110b03.01ཕུང་པོའི་གཏེར་ལ་སྤྱོད། །ཀྱེ་མ་དཀྱིལ་འཁོར་ཡ་མཚན་ཆེ། །བདག་ཅག་འཁོར་རྣམས་རབ་སྒྲོལ་མཛད། །རྒྱལ་བའི་དཀྱིལ་འཁོར་དཔེ་བྲལ་བས། །ཉི་མའི་དཀྱིལ་འཁོར་བཞིན་དུ་གནས། །བདེ་ཆེན་ལམ་འདི་སྔོན་མ་རྟོགས། །ད་ལྟར་ཐུགས་
D839.099.0110b04.01རྗེ་དྲིན་གྱིས་རྙེད། །རྣལ་འབྱོར་གསང་བར་འཛིན་བྱེད་ཀྱིས། །ཇི་ལྟར་བསྒོས་པའི་བཀའ་བཞིན་འགྱིད། །རྡོ་རྗེ་གསང་བའི་དམ་འདི་ལས། །གལ་ཏེ་ཉམས་ན་འདས་པར་ཤོག་ཅེས་དམ་བཅས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་
D839.099.0110b05.01པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་རྟ་མགྲིན་དབང་གི་དཀྱིལ་འཁོར་སྤྲུལ་པའི་ལེའུ་སྟེ་བཅུ་གཉིས་པའོ།། །།དེ་ནས་བཅོམ་ལྡན་པདྨའི་སྐུས། །ཡུམ་ལ་ཆགས་ཚུལ་འཛུམ་མདངས་ཀྱིས། །བཀའ་ཡི་བསྒོ་བས་དགྱེས་
D839.099.0110b06.01མཛད་དེ། །མི་ཤིགས་ཏིང་འཛིན་ལ་གནས་མཛད། །ཕྱོགས་སྐྱོང་དྲི་ཟ་རྒྱལ་ཆེན་པོ། །རང་གི་ཆུང་མ་ཚོགས་བཅས་པས། །གནས་གཞན་འཇིགས་པར་མཛད་པ་དང་། །རང་གི་མཐུས་བཅུས་འདུལ་བར་མཛད། །སྐུ་ནི་བཻ་ཌཱུརྱ་འཚེར་བའི་མདངས། །
D839.099.0110b07.01