完整藏文原文 · 德格版页 当前仅加载第 99 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས། །ཀུན་རྫོབ་བདེན་པའི་ཚིག་དབང་དུ། །མཚན་མའི་ཚིག་གིས་རྣལ་འབྱོར་རྣམས། །དོན་དམ་རྟོགས་དཀའ་འགྲོ་བའི་ཕྱིར། །རྒྱལ་བས་ཚིག་སྐོར་བསྟན་པ་ཡིས། །འདུས་ཚོགས་འཁོར་གྱིས་ཡང་ཞུས་པ། །སྟོབས་མཆོག་སེང་གེ་དེ་ལྟར་ན། །བདག་
D839.099.0087b01.01སོགས་མ་འོངས་རྣལ་འབྱོར་པས། །ཚིག་གི་རྗེས་འབྲངས་དོན་དག་ཏུ། །གསང་བའི་ལས་བརྗོད་གསལ་བྱེད་པ། །ཇི་ལྟ་བུ་ཡིས་མཚོན་པར་འགྱུར། །དཔའ་བོ་ཁྱོད་ནི་རྒྱལ་བའི་སྲས། །དབང་བསྐུར་ཐོབ་པར་ཞུ་བ་སྤོབས། །བཅོམ་ལྡན་དབང་མཆོག་དམ་པ་ལ། །ཞུས་
D839.099.0087b02.01ཤིང་སྟོབས་མཆོག་སེང་གེ་ཁྱོད། །དེས་ཀྱང་འཁོར་གྱིས་ཞུས་པ་བཞིན། །རྒྱལ་བ་རྡོ་རྗེ་འཛིན་པ་ལ། །ཕྱག་འཚལ་རྨད་འབྱུང་མཆོད་རྫས་ནས། །རྡོ་རྗེ་ཚིག་ཏུ་འདི་སྐད་གསོལ། །ཀྱེ་མ་སྟོན་པ་ཐུགས་ཆེན་པོ། །ཕྱོགས་བཅུ་རྒྱལ་བ་ཀུན་འདུས་པ། །བྱང་ཆུབ་སེམས་ཀྱི་
D839.099.0087b03.01མཚན་ཉིད་དེ། །ཚིག་ཏུ་བརྗོད་པ་མ་མཛད་ན། །མ་འོངས་སྒྲ་ལ་བརྟེན་པ་དག །དོན་ལ་རེག་པར་མི་འགྱུར་ཕྱིར། །མཚོན་བྱ་མཚོན་པར་བྱས་ནས་ནི། །སྙིང་པོ་བྱང་ཆུབ་དོན་འདི་ལ། །དཔེས་མཚོན་འཐད་པར་གྲུབ་བྱེད་པ། །གསང་བ་དེ་ཉིད་བསྟན་དུ་གསོལ། །དེ་ནས་
D839.099.0087b04.01མགོན་པོ་རྡོ་རྗེ་འཛིན། །ཡེ་ཤེས་ལྔ་དང་རྟགས་ལྡན་པའི། །ཕྱག་གི་མཚན་མ་གསོར་མཛད་ཅིང་། །རྨད་འབྱུང་ཡ་མཚན་སྟོན་པར་མཛད། །ཐམས་ཅད་པདྨོར་འགྱུར་བ་ཡི། །རྨད་འབྱུང་ཆོས་ཀྱི་སྒྲ་ཡང་སྒྲོགས། །ཨོྃ་ཨཱཿཧཱུྃ་སྭཱ་ཧཱ། བོ་དྷི་ཙིཏྟ་གུ་ཧྱ། ས་མ་ཡ་
D839.099.0087b05.01ཨ་ས། ཨ་ནུ་བོ་དྷི་ཙིཏྟ་ཨ་ནན་ཏ་གར་བྷ། མ་ཧཱ་ས་ཏྭ་པྲ་ཏ་ཨ་ཧཱུྃ། འདི་ནི་གསུངས་མ་ཐག་ཏུ་ཡང་། །སངས་རྒྱས་གྲགས་ཆེན་ཐམས་ཅད་དག །རབ་ཏུ་དྲག་ཅིང་བརྒྱལ་འགྱུར་ནས། །གཞན་ལྟ་མ་ལུས་སྨོས་ཅི་དགོས། །བཅོམ་ལྡན་འདས་ཀྱིས་ཡང་དག་བཀའ། །
D839.099.0087b06.01བཤད་ཀྱིས་རིགས་ཀྱི་བུ་རྣམས་ཉོན། །དོན་དམ་ཀུན་རྫོབ་གཉིས་མེད་པར། །ཡང་དག་བདེན་པའི་དོན་བསྟན་པ། །དེ་ནི་དངོས་པོ་མཚན་ཉིད་དེ། །མཁའ་ལྡན་ཆེན་པོ་རྣམས་ཀྱི་གདེང་། །ཇི་སྲིད་བློ་ཡི་ཆོས་དག་ཏུ། །གཉིས་སུ་སྣང་བའི་མཚན་མ་ལ། །
D839.099.0087b07.01