完整藏文原文 · 德格版页 当前仅加载第 99 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བའི་བྱིན་བརླབས་གནས་པའི་ཐབས། །རྣམ་པ་ཡིས་ནི་བརྩམ་བྱས་ཏེ། །གྲོང་ཁྱེར་ལ་སོགས་བསྲུང་འདོད་པས། །ཆུ་དང་བྱེ་མ་ལ་སོགས་ལ། །གསང་སྔགས་རྒྱལ་པོ་བརྗོད་པར་བྱ། །ཨོྃ་ན་མོ་ཀུ་རུ་སརྦ་བི་ད་ར་ནི་མོ་ས་དེ་ནི་ར་ཤ་ནི་ར་ཤ་ཀྲ་ར་ཀྲ་ཏ་ཧཱུྃ་ཕཊ། །རང་གི་
D839.099.0129b01.01ལྷ་ཡི་སྦྱོར་ལྡན་པས། །སྟོང་དུ་བརྗོད་ཅིང་ཕྱོགས་བཅུར་གཏོར། །གང་སྲུང་བ་དག་ཤིས་འགྱུར་ཅིང་། །འབྱུང་པོའི་ཚོགས་ཀྱིས་མི་ཚུགས་འགྱུར། །གཞན་ཡང་རིའུ་ཆ་དགུ་པ་ཡི། །འཁོར་ལོ་ཤིང་ཤུན་ཚོགས་ལ་བྲི། །མུ་ཁྱུད་དག་གིས་མཐའ་བསྐོར་ནས། །གསང་
D839.099.0129b02.01སྔགས་རྒྱལ་པོ་དགོད་པར་བྱ། །དབུས་སུ་དགོད་པའི་གསང་སྔགས་ནི། །ཡི་གེ་བཅུ་བཞི་གསང་སྔགས་བསམ། །དེའི་མཐའ་མར་ཨོྃ་མཐར་ཧེ་ཧེ་དང་། ཧུ་རུ་ཀཾ་པ་བག་ཤ་ཧ་ཧ་མ་མྲ་བྲི་ཧཱུྃ་ཕཊ་སྭཱ་ཧཱ །དེ་མཐར་དབྱངས་དང་གསལ་བྱེད་གང་། །བསྲུང་བའི་སྔགས་དང་བཅས་པ་
D839.099.0129b03.01ནི། །གུར་གུམ་བཟང་པོས་བྱུགས་བྱས་ཏེ། །རྡོ་རྗེ་རྒྱ་གྲམ་དབུས་སུ་གཞུག །གང་གི་མིང་བཅས་འབུམ་བཟླས་ཤིང་། །བཏགས་པའི་སྲུང་བའི་མཆོག་ཏུ་འགྱུར། །གཞན་ཡང་བུམ་པ་བཟང་པོ་རུ། །བདུད་རྩི་འོ་མ་སྦྱར་བ་དག །རང་གི་གསང་སྔགས་ཡུངས་ཀར་
D839.099.0129b04.01བཅས། །གར་དབང་ཆགས་པའི་སྐུར་བསྒོམས་ཤིང་། །སྔགས་ཐོད་བསྲུང་བར་འགྱུར་བར་བྱེད། །དེ་བཞིན་གཤེགས་པ་ཐམས་ཅད་ཀྱི། །གསང་བ་འདི་ཉིད་བཤད་པ་ལས། །ཕྱོགས་བཅུའི་བྱང་ཆུབ་སེམས་བཅས་པས། །དེ་ལ་ཐམས་ཅད་དགའ་
D839.099.0129b05.01མཛད་ཅིང་། །ལྷ་རྣམས་ཀུན་ལ་སླར་བསྒོ་མཛད། །དེ་དག་དད་པའི་ཤུགས་ཀྱིས་ནི། །རྒྱུད་ཀྱི་རྒྱལ་པོ་འདི་བཟུང་ཞིང་། །དེ་འཛིན་གཞན་ལའང་བྱམས་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་གསང་བ་དཔལ་རྟ་མཆོག་རོལ་པའི་རྒྱུད་ཆེན་
D839.099.0129b06.01པོ་ཞེས་བྱ་བ་ལས་བསྲུང་བའི་ལེའུ་སྟེ་སུམ་ཅུ་པའོ།། །།དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོའི་རྩ་བ་རྫོགས་སོ།། །།
D839.099.0129b07.01