完整藏文原文 · 德格版页 当前仅加载第 54 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
ཟད་པའི་མེ་ཆེན་པོས་བསྲེགས་པའི་ཚེ། མི་ཞིག་གིས་མཆིལ་མ་ཐབས་ཅིག་བཏབ་པས་མེ་དེ་ཤི་བར་ནུས། ཡང་ཐབས་ཅིག་བུས་པས་སླར་འཇིག་རྟེན་གྱི་ཁམས་དང་ལྷ་རྣམས་ཀྱི་ཕོ་བྲང་དུ་གྱུར་པར་ནུས་པ་དེ་ཁྱོད་ཀྱི་ཡིད་ལ་ཇི་སྙམ། ཡོད་དཀོན་ནམ་མི་དཀོན། བཅོམ་
D123.054.0155a01.01ལྡན་འདས་དཀོན་ལགས་སོ། །ཤཱ་རིའི་བུ་ཡང་དག་པར་གཤེགས་པས་བཤད་པ། ཆོས་སོ་ཅོག་ཀུན་ལ་སྐྱེ་བ་ཡང་མེད། འགོག་པ་ཡང་མེད། མཚན་མ་ཡང་མེད། བྱ་བ་ཡང་མེད་ན། མི་ཀུན་ཡིད་ཆེས་ཤིང་ཤེས་པར་བྱས་པ་ནི་ཕྱེད་ཀྱིས་ཡོད་དཀོན་ནོ། །ཤཱ་རིའི་བུ་ཆུ་
D123.054.0155a02.01བོ་གང་གཱ་ཆེ་ཞིང་ཡངས་པ་ནི་དཔག་ཅིང་ཚད་གཟུང་དུ་མེད་དོ། །བཅོམ་ལྡན་འདས་འདི་ལགས་སོ། །ཤཱ་རིའི་བུ་གནམ་ངོས་བཞིའི་འོག་ན་ཆར་པ་ཆེན་པོ་ཁྱབ་པར་བབ་སྟེ། ཆར་པའི་ཐིགས་པ་ནི་ཆུ་བོ་གང་གཱ་ཙམ་ན། མི་ལ་ལ་ཞིག་གིས་ལག་པས་ཆར་པའི་ཐིགས་པ་བཟེད་
D123.054.0155a03.01དེ་ལྷུང་ཞིང་ཟག་པ་མེད་ན་དེ་ཁྱོད་ཀྱི་ཡིད་ལ་ཇི་སྙམ། ཡོད་དཀོན་ནམ་མི་དཀོན། བཅོམ་ལྡན་འདས་དཀོན་ལགས་སོ། །ཤཱ་རིའི་བུ་ཡང་དག་པར་གཤེགས་པས་བཤད་པ་ཆོས་སོ་ཅོག་ཀུན་ལ་སྐྱེ་བ་ཡང་མེད། འགོག་པ་ཡང་མེད། མཚན་མ་ཡང་མེད། བྱ་བ་ཡང་མེད་ན།
D123.054.0155a04.01མི་ཀུན་ཡིད་ཆེས་ཤིང་ཤེས་པར་བྱས་ན་ཕྱེད་ཀྱིས་ཡོད་དཀོན་ནོ། །ཤཱ་རིའི་བུ་རི་རབ་རིའི་རྒྱལ་པོ་མཐོ་ཞིང་ཆེའམ་མི་ཆེ། བཅོམ་ལྡན་འདས་མཐོ་ཞིང་ཆེའོ། །ཤཱ་རིའི་བུ་གནམ་ངོས་བཞིའི་ནང་ན་ཁྱབ་པར་རྡོ་ཆེན་པོའི་ཆར་བབ་སྟེ། ཀུན་རི་རབ་རིའི་རྒྱལ་པོ་ཙམ་ན། མི་ལ་ལ་
D123.054.0155a05.01ཞིག་གིས་ལག་པས་རྡོ་དེ་དག་བཟེད་ཅིང་བསྡུས་ཏེ། སྐེ་ཚེའི་འབྲས་བུ་ཙམ་ཡང་ལྷུང་ཞིང་ཟག་པ་མེད་པ་དེ་ཁྱོད་ཀྱི་ཡིད་ལ་ཇི་སྙམ། དཀོན་ནམ་མི་དཀོན། བཅོམ་ལྡན་འདས་དཀོན་ལགས་སོ། །ཤཱ་རིའི་བུ་ཡང་དག་པར་གཤེགས་པས་བཤད་པ། ཆོས་སོ་ཅོག་ཀུན་
D123.054.0155a06.01ལ་སྐྱེ་བ་ཡང་མེད། འགོག་པ་ཡང་མེད། མཚན་མ་ཡང་མེད། བྱ་བ་ཡང་མེད་ན། མི་ཀུན་ཡིད་ཆེས་ཤིང་ཤེས་པར་བྱས་པ་ཕྱེད་ཀྱིས་ཡོད་དཀོན་ནོ། །ཤཱ་རིའི་བུ་དཔེར་ན་མི་ལ་ལ་ཞིག་གིས་སེམས་ཅན་ཐམས་ཅད་ལག་པ་གཡོན་པར་བཞག་ལ། ལག་པ་གཡས་
D123.054.0155a07.01