完整藏文原文 · 德格版页 当前仅加载第 54 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་ངོ་། །གཉིས་ནི་ལེ་ལོ་ཡར་སྐྱེ་བའི་མིའོ། །གསུམ་ནི་ཆོས་བཤད་པ་མི་གཙང་བའོ། །ཡང་མི་རྣམ་གསུམ་ཡོད་པས་ཆོས་ཀྱི་ཡི་གེ་འདི་ཐོས་ན་སེམས་ལ་མྱ་ངན་འཁྲུག་གོ། །གསུམ་གང་ལ་སོགས་པ་ཞེས་བྱས་ན། གཅིག་ནི་གང་ཟག་ཏུ་མཐོང་བའོ། །
D123.054.0183a01.01གཉིས་ནི་སྲོག་ཏུ་མཐོང་བའོ། །གསུམ་ནི་བདག་ཏུ་མཐོང་བའོ། །ཤཱ་རིའི་བུ་ངས་ད་ཁྱོད་ལ་བྱེ་བྲག་ཕྱེད་པར་བསྒོའོ། །དགེ་བའི་བཤེས་གཉེན་དེས་པ་བྱམས་ཤིང་རྗེ་བའི་སེམས་ཀྱིས་མི་གཞན་གྱི་བསོད་ནམས་བཙལ་བདེ་བ་དང་མཚུངས་སོ། །ཁྱོད་ལ་སོགས་པ་ངའི་ཚིག་
D123.054.0183a02.01གཅིག་ཏུ་ཉོན་ནོས་ལ། རྟག་པར་དགེ་བའི་བསོད་ནམས་ཚོལ་ལ། སེམས་ལ་རང་ཉམ་མ་བྱེད་ཅིག །ཤཱ་རིའི་བུ་ཆོས་འཆད་པ་མི་གཙང་བ་ལ་ནི་འཁྲུག་པ་ལྔ་ཡོད་དོ། །ལྔ་གང་ལ་སོགས་པ་ཞེས་བྱ་བ་བྱས་ན། གཅིག་ནི་རང་ན་རེ་སངས་རྒྱས་ཀྱི་ཆོས་ཟད་པར་ཤེས་ཤིང་ཟེར་རོ། །
D123.054.0183a03.01གཉིས་ནི་སངས་རྒྱས་ཀྱི་ཆོས་ཡིག་བཤད་པའི་ཚེ། ཆོས་ཡིག་གཞན་གྱི་ནང་ནས་འབྱུང་བ་དང་འགལ་བའི་ཉེས་འཁྲུལ་པའོ། །གསུམ་ནི་ཆོས་གཞན་ལ་སེམས་དོགས་ཤིང་ཡིད་མི་ཆེས་པའོ། །བཞི་ནི་བདག་གིས་ཅི་ཤེས་པ་སྤྱད་དེ་ཆོས་ཡིག་གཞན་ལྟར་མ་བྱས་པའོ། །ལྔ་ནི་
D123.054.0183a04.01གསོ་བའི་ཁེའི་ཕྱིར་མི་གཞན་ལ་ཆོས་བཤད་པའོ། །ཤཱ་རིའི་བུ་དེ་ལྟ་བུར་ཆོས་འཆད་པ་ནི་ངས་མི་དེ་མཐར་སེམས་ཅན་དམྱལ་བར་ལྟུང་སྟེ། མྱ་ངན་ལས་འདས་པར་མི་ཕྱིན་ཅེས་བཤད་དོ། །ཡང་ཤཱ་རིའི་བུ་ཆོས་འཆད་པའི་དགེ་སློང་ནི་ཕལ་མང་པོའི་ནང་དུ་གནས་ཏེ། ཆོས་ལ་
D123.054.0183a05.01ཡིད་ཆེས་ཤིང་དད་པས་སྟན་མཐོན་པོ་བཏིང་ན་སངས་རྒྱས་ཀྱི་དྲང་པོའི་ཆོས་བཏང་སྟེ། མུར་འདུག་གི་ཡི་གེ་དང་ཚིག་གིས་བརྒྱན་པ་འཆད་དོ། །ངས་ཡུན་རིང་དུ་འགྲུས་ཤིང་ཉོན་མོངས་པར་ཆོས་དཀོན་མཆོག་དེ་བཙལ་ན། མི་ངན་པ་འདིས་བཏང་གཞག་ནས་མ་བཤད་དེ། ཆོས་
D123.054.0183a06.01ཡིག་ནང་དང་འགལ་བའི་ཚིག་གི་གཞུང་འབའ་ཞིག་སྤྱད་དེ། གཅིག་ལ་གཅིག་ཡིན་མ་ཡིན་དང་། དྲང་པོའི་ཆོས་དང་འགལ་བ་འཕགས་པའི་ཆོས་ལ་སེམས་མཐོན་པོ་བདག་ཆེ་བའི་ཡིད་བཞིན་དུ་བཤད་དེ། གསོ་བའི་ཁེ་བཙལ་བའི་ཕྱིར་རོ། །ཤཱ་རིའི་བུ་དགེ་སློང་ལ་ལས་
D123.054.0183a07.01