完整藏文原文 · 德格版页 当前仅加载第 54 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
ཟག་ཏུ་ལྟ་བ་དང་ཚེ་སྲོག་ཡོད་པར་བཤད་ཀྱི་ཆོས་སོ་ཅོག་ཀུན་སྟོང་པ་ཞི་བར་མ་བཤད་དོ། །སངས་རྒྱས་དེ་མེད་པར་འདས་པའི་ཕྱི་ན་ལོ་བརྒྱ་ལོན་ན་སློབ་མ་རྣམས་ཀྱི་སྡེ་ལྔར་བགོས་ཏེ། གཅིག་གི་མིང་ནི་ཁྱབ་དོན། གཉིས་ཀྱི་མིང་ནི་སྡུག་བསྔལ་བཀྲམ། གསུམ་གྱི་མིང་ནི་ཐམས་
D123.054.0187b01.01ཅད་སྐྱོབ་བཞིའི་མིང་ནི་ཙང་ཀི། ལྔའི་མིང་ནི་བར་འདན་ཏ་ཞེས་བྱའོ། །ཤཱ་རིའི་བུ་དགེ་སློང་ཁྱབ་དོན་དང་། དགེ་སློང་སྡུག་བསྔལ་བཀྲམ་དང་། དགེ་སློང་རྩྭ་དྭཏ་དང་། དགེ་སློང་ཙང་ཀི་དང་། དགེ་སློང་བར་འདན་ཏ་དང་། དགེ་སློང་འདི་ལྔས་ཕལ་མང་པོའི་མཁན་པོ་བྱས་ན།
D123.054.0187b02.01ཁྱབ་དོན་ཞེས་བྱ་བ་ནི་སངས་རྒྱས་ཀྱིས་ཡང་དག་པའི་བདེན་པའི་སྟོང་པའི་གཞུང་ཅི་ཡང་མེད་པའི་ཆོས་བཤད་དོ་ཅོག་ཤེས་སོ། །དགེ་སློང་བཞི་པོ་གཞན་ནི་ཀུན་ཡོན་པོའི་ལམ་དུ་ལྟུང་ངོ་། །བདག་ཏུ་ལྟ་བ་ཡོད་པར་འཆད་པ་མང་། གང་ཟག་ཡོད་པར་འཆད་པ་མང་ངོ་། །ཤཱ་རིའི་བུ་
D123.054.0187b03.01དགེ་སློང་ཁྱབ་དོན་ནི་སྡེ་བཞིས་བརྙས་ཏེ། དཔུང་དང་མཐུ་མེད་པས་མི་མང་པོས་སྨད་དོ། །དགེ་སློང་ངན་པ་བཞི་ནི་ཕལ་ནི་མང་དུ་ཡོན་པོའི་ལམ་དུ་ལྟ་བར་བསླབས་ཏེ། སངས་རྒྱས་ཀྱི་ཆོས་གཅིག་ལ་གཅིག་རི་མོ་གུས་པར་མི་བྱེད་དེ། གཅིག་ལ་གཅིག་གལ་བས་ན་སངས་རྒྱས་ཀྱི་
D123.054.0187b04.01ཆོས་མང་བར་གྱུར་ཏོ། །ཤཱ་རིའི་བུ་མི་ལ་ལ་ཞིག་དགེ་སློང་ཁྱབ་དོན་གྱིས་སྟོང་པའི་ཆོས་བཤད་དོ་ཅོག་ཤེས་སླ་ཡིད་ཆེས་པར་མནོས་ཏེ། མ་འགལ་ན་ངས་དེ་ལྟ་བུའི་མི་ནི་ཚེ་དུས་སྔ་མ་ལ་སངས་རྒྱས་ལྔ་སྟོང་ལ་ཡོན་གསོལ་མྱོང་བར་མངོན་ཏེ། མི་གྲངས་འདའ་ཡུ་ཏ་འབུམ་ཕྲག་དྲུག་ཅུ་རྩ་
D123.054.0187b05.01བརྒྱད་ཡོད་པ་དང་མྱ་ངན་ལས་འདས་པར་ཞུགས་ཟིན་པའོ། །ཅིའི་ཕྱིར་ཞེ་ན། ཤཱ་རིའི་བུ་མི་དེས་འདས་པའི་དུས་ཀྱི་སངས་རྒྱས་རྣམས་ལ་དགེ་བའི་རྩ་བ་རྣམས་བསྐྱེད་དོ། །ཅི་ཡང་ཐོབ་པ་མེད་པའི་སྟོང་པའི་ཆོས་སྤྱད་སྦྱངས་མྱ་ངན་ལས་འདའ་བར་འཇུག་པའི་རིགས་སོ། །ཤཱ་རིའི་བུ་
D123.054.0187b06.01དགེ་སློང་ཐམས་ཅད་ཡོད་དང་། དགེ་སློང་ཙང་ཀི་དང་། དགེ་སློང་བར་འདན་ཏ་དང་། དེ་ཀུན་ཐོབ་པ་ཡོད་པར་འཛིན་ཏེ། བདག་ཏུ་ལྟ་བ་དང་། གང་ཟག་དང་། སེམས་ཅན་དང་། ཚེ་སྲོག་ཡོད་པར་འཆད་དོ། །གྲོགས་མང་པོ་མདོ་དར་བས་མི་ངན་པ་དེ་བཞིས་ཁྱིམ་ན་འདུག་པ་
D123.054.0187b07.01