完整藏文原文 · 德格版页 当前仅加载第 54 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
མི་དགེ་བའི་ཆོས་ཀྱི་མཚན་མ་བླངས་ཟིན་ནས་གཅད་པར་བྱ་བའི་ཕྱིར་བརྟགས་ཤིང་བསམ་པ་སྤྱད་པ་སྦྱངས་ཏེ། འདོད་ཆགས་གཅད་པའི་ཕྱིར་མི་གཙང་བའི་མཚན་མ་ལ་བརྟག་གོ། །ཞེ་སྡང་གཅད་པའི་ཕྱིར་བྱམས་པའི་སེམས་ཀྱི་མཚན་མ་ལ་བརྟག་གོ། །གཏི་མུག་གཅད་པའི་
D123.054.0158a01.01ཕྱིར་རྒྱུ་རྐྱེན་གྱི་ཆོས་ལ་བརྟགས་ཏེ། རྟག་པར་ཚུལ་ཁྲིམས་གཙང་མ་བསམས་ལ་ཟབ་ཏུ་སྟོང་པའི་མཚན་མ་བླངས་ཏེ། བརྩོན་འགྲུས་རྟག་པར་སྤྱད་ལ། བསམ་གཏན་བཞི་ཐོབ་ནས་སེམས་གཅིག་ཏུ་ལམ་བཙལ་ཏེ། མི་དགེ་བའི་ཆོས་ནི་སྤངས་ནས་ནང་གི་བདེ་སྐྱིད་ཡོད་པར་བརྟག་གོ། །
D123.054.0158a02.01སེམས་གཅིག་ཏུ་ལམ་སྤྱད་དེ། དགེ་མི་དགེའི་བྱེ་བྲག་ཕྱེད་པར་རྟོགས་པར་བརྟག་གོ། །མཚན་མར་རྟོགས་ཏེ་བླངས་ཟིན་ནས་སེམས་གཅིག་ཏུ་བསམས་ཏེ། མྱ་ངན་ལས་འདས་པའི་བདེ་བ་སྟོང་པ་ཞི་བ་བརྟགས་ཏེ་མྱ་ངན་ལས་འདས་པའི་མཐའ་ཡུན་དུ་གཙང་བ་དག་པ་འབའ་ཞིག་བླང་བ་དེ་ལྟ་བུ་
D123.054.0158a03.01སྟོན་པ་ནི་མིང་ཡོན་པོར་སྟོན་པ་སྟེ། དེ་ལྟ་བུའི་དྲང་པོར་སྟོན་པ་ཡོན་པོར་སྟོན་པ་ཡིན་ནོ། །ཤཱ་རིའི་བུ་དེ་ལྟ་བུར་སྟོན་པ་ནི་མིང་ངན་པའི་བཤེས་གཉེན་ཏེ། མི་དེ་ལྟ་བུའི་མིང་ལ་འཕྱ་སྐུར་པ་ཞེས་བྱ་སྟེ་མུར་འདུག་ལ་སྟོང་པའོ། །མི་གཞན་ལ་ཡོན་པོར་ལམ་གྱི་ཆོས་འཆད་པ་ཞེས་ཀྱང་བྱའོ། །
D123.054.0158a04.01ཤཱ་རིའི་བུ་དེ་ལྟ་བུའི་མིང་ངན་པ་ནི་ངས་ཆུ་རྔུབ་གཅིག་དང་ཡོན་ལེན་དུའང་མི་གནང་ངོ་། །ངས་སྟོན་པ་ནི་བཤད་ཀྱི་སློབ་མ་ནི་མ་བཤད་དོ། །ཤཱ་རིའི་བུ་ངའི་ཆོས་ལ་དེ་ལྟ་བུར་ལེ་ལོ་ཡང་སྐྱེ་བ་སྟོན་པ་མང་དུ་ཡོད་དོ། །ཤཱ་རིའི་བུ་བསྟན་པ་མནོད་པ་ནི་ཚུལ་ཁྲིམས་མནོས་ཏེ། ལོ་ལྔའི་བར་
D123.054.0158a05.01དུ་ཀུན་གཏོང་མི་ཕོད་ན་དེ་ལྟ་བུར་བསྟན་པ་ནི་དེ་ལ་སེམས་འགྲུས་པར་སྤྱད་དེ། རང་ལ་ཅི་ཡང་མེད་པ་ཐོབ་པ་ཡོད་དོ། །དགེ་སློང་སོང་སྟེ་མི་གསོལ་མི་འདྲི་བ་ངས་བཤད་པ་ལ་མི་དེ་ལོ་ལྔ་ལོན་མོད་ཀྱི། འོན་ཀྱང་མིང་ཡོན་པོ་མཐོང་བ་སྟེ་མུར་འདུག་གི་ཆོས་དང་འདྲེས་ཤིང་བདུད་ཀྱིས་བསྟན་
D123.054.0158a06.01པ་བཞིན་དུ་སྤྱོད་པའོ། །ཤཱ་རིའི་བུ་དགེ་སློང་ལ་ལ་ཞིག་དེ་སྐད་དུ་བསྟན་པ་མནོས་ཟིན་ནས་སྟོང་པ་ཆོས་ཅི་ཡང་ཐོབ་པ་མེད་ཅེས་ཐོས་ནས། མོད་བཞིན་རང་གིས་ཚོར་ཤེས་ཏེ། བདག་གིས་སྔར་མནོས་པ་ནི་ཀུན་ཡོན་པོ་མཐོང་བ་ཡིན་ཏེ། སྟོང་པ་ཅི་ཡང་ཐོབ་པ་མེད་པའི་ཆོས་
D123.054.0158a07.01