完整藏文原文 · 德格版页 当前仅加载第 54 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་གནས་བསམ་པ་དེ་ནི་བསམ་པའི་མི་རིགས་སོ། །ཁྱོད་ཀྱིས་སྟོང་པ་བསམས་ན་བསམ་པ་ཡང་སྟོང་པ་སྟེ། རང་བཞིན་མེད་པའི་སྟོང་པ་དེས་ཁ་དོག་གི་འདུ་ཤེས་ཆོད་པར་ནུས། འདུ་ཤེས་ལེན་པ་ཆོད་པར་ནུས་སོ། །མི་དེས་དེའི་ཚེ་འདུ་ཤེས་མེད་པའང་མ་
D123.054.0161a01.01ཐོབ་ན་སེམས་ལྟ་སྨོས་ཀྱང་ཅི་དགོས། མི་དེས་དེའི་ཚེ་ཅི་ཡང་ཡོད་མེད་ལ་སྟོང་པར་ཞི་སྟེ། རང་བཞིན་མེད་ན་འདུ་ཤེས་རྣམས་མི་འདུའོ། །ཆོས་སོ་ཅོག་ཞི་བར་བྱས་ན་དེའི་བསམ་པའི་སྤྱོད་པ་སྦྱོང་བ་ཞེས་བྱའོ། །སངས་རྒྱས་པའི་མིང་ནི་དགེ་མི་དགེ་དང་། ཚོར་བ་དང་བརྟག་
D123.054.0161a02.01པ་ཐམས་ཅད་ཞི་བ་ཞེས་བྱའོ། །ཚོར་བའང་མེད་བརྟག་པའང་མེད་ལ་སྟོང་ཞིང་འདུ་ཤེས་མེད་ན་མིང་སངས་རྒྱས་བསམ་པ་ཞེས་བྱའོ། །ཅིའི་ཕྱིར་ཞེ་ན། ཚོར་བ་དང་བརྟག་པ་སྤྱད་དེ། སངས་རྒྱས་རྣམས་བསམ་པའི་མི་རིགས་སོ། །ཚོར་བའང་མེད། བརྟག་པའང་མེད་
D123.054.0161a03.01ན་མི་གཙང་དག་པས་སངས་རྒྱས་བསམ་པ་ཞེས་བྱའོ། །སེམས་དེའི་ནང་ན་ཕྲ་ཤས་བསམ་པའི་སེམས་ཀྱི་ལས་ཀྱང་མེད་ལ། ལུས་དང་། ཁའི་ལས་མེད་པ་ལྟ་སྨོས་ཀྱང་ཅི་དགོས། ཡང་སངས་རྒྱས་བསམ་པ་ཞེས་བྱ་བ་ནི་འདུ་ཤེས་ཐམས་ཅད་དང་བྲལ་ཏེ། འདུ་ཤེས་ཐམས་
D123.054.0161a04.01ཅད་སེམས་ལ་མི་འདུག་ཅིང་རྣམ་པར་བརྟག་པ་མེད། མིང་མཁན་མེད། བསྒྲིབས་ཤིང་ཐོགས་པ་མེད། འདོད་པ་མེད། ཐོབ་པ་མེད་དེ། ཚོར་བ་དང་། བརྟག་པ་མི་གཡོ། ཅིའི་ཕྱིར་ཞེ་ན། ཤཱ་རིའི་བུ་བསམ་པ་བཞིན་དུ་འདུ་ཤེས་གཡོས་པ་ཐམས་ཅད་ནི་ཀུན་ཡོན་པོ་
D123.054.0161a05.01མཐོང་བ་ཡིན་ནོ། །ཤཱ་རིའི་བུ་ཅིའང་མེད་པ་དེ་བཞིན་དུ་ཚོར་བའང་མེད། བརྟག་པའང་མེད། སྐྱེ་བའང་མེད། འགོག་པའང་མེད་པ་དེ་ལྟ་བུ་ཁོང་དུ་ཆུད་པ་ནི་མིང་སངས་རྒྱས་བསམ་པ་ཞེས་བྱ་སྟེ། དེ་ལྟ་བུའི་སེམས་ཀྱི་ནང་ན་འདོད་པའང་མེད། ཆགས་པའང་མེད། ལོག་
D123.054.0161a06.01པའང་མེད། མ་ལོག་པའང་མེད། མིང་མེད། མཚན་མའང་མེད་དོ། །ཤཱ་རིའི་བུ་འདུ་ཤེས་ཀྱང་མེད། སྨྲ་བ་ཡང་མེད་ན་གདོད་མིང་སངས་རྒྱས་བསམ་པའོ། །དེའི་ནང་ན་སེམས་ཕྲ་ཤས་ཆུང་ངུའང་མེད་ན། སྦོམ་པོ་དང་། ཁ་དང་ལུས་དང་། ཡིད་ཀྱི་ལས་ལྟ་སྨོས་ཀྱང་ཅི་དགོས་
D123.054.0161a07.01