完整藏文原文 · 德格版页 当前仅加载第 54 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མེད་པར་རིག་གོ། །མི་དེས་མྱ་ངན་ལས་འདས་པ་ལའང་རྣམ་པར་མི་རྟོག །མྱ་ངན་ལས་འདས་པ་མི་སེམས། ངས་མྱ་ངན་ལས་འདས་པ་བསམ་ནུས་ཏེ། ཆོས་སྤྱད་པས་སྟོང་པ་ཞི་བ་ཐོབ་ཅེས་ཀྱང་མི་ཟེར། ཆོས་དེའི་སྟོང་པ་ཞི་བའི་
D123.054.0186a01.01གནས་ལ་ཡང་རྣམ་པར་མི་རྟོག །མི་ཐོབ་པར་ཡང་མི་རྟོག་སྟེ། ཤཱ་རིའི་བུ་དེའི་མིང་མི་འགལ་བའི་བཟོད་པ་ཞེས་བྱའོ། །མི་དེས་མི་འགལ་བའི་བཟོད་པའི་མཆོག་གི་གཞུང་འདིའི་ནང་ནའང་རང་གི་མཚན་ཐོབ་པ་མེད་དོ། །ཤཱ་རིའི་བུ་གང་ལ་སོགས་པ་བཟོད་པའི་
D123.054.0186a02.01མཚན་མ་ཞེས་བྱ། དེ་ནི་མཚན་མ་མེད་ན་མི་འགལ་བའི་བཟོད་པའི་མཚན་མའི་བཟོད་པ་ཡིན་ནོ། །ཤཱ་རིའི་བུ་ཁྱོད་ཀྱི་ཡིད་ལ་ཇི་སྙམ། མི་ལ་ལ་ཞིག་གིས་འདི་ལྟ་བུའི་བཟོད་པ་ལའང་མཚན་མ་མི་ཐོབ་ན། མི་དེས་བདག་ཏུ་ལྟ་བའི་མཚན་མ་དང་། གང་ཟག་གི་
D123.054.0186a03.01མཚན་མ་དང་། སེམས་ཅན་གྱི་མཚན་མ་དང་། ཚེའི་མཚན་མ་དང་། སྲོག་གི་མཚན་མ་ཐོབ་ཅེ་ན། བདེན་པ་ཡོང་མེད་དོ། །ལ་ལ་ཞིག་གིས་འདི་ལྟ་བུའི་ཤེས་རབ་འབྱོར་གྲུབ་ན་ཡོན་ལེན་པ་རིགས་ཏེ། དེའི་མིང་སངས་རྒྱས་ཀྱི་བུའོ། །དེའི་མིང་
D123.054.0186a04.01མི་ཆགས་པའི་ཐུབ་པར་ཆུད་པའོ། །ཤཱ་རིའི་བུ་དེ་ལྟ་བུའི་མིང་སངས་རྒྱས་ཀྱི་ཆོས་སོ་ཅོག་གི་གཞུང་གི་སྒོ་མོ་སྟེ། དྲན་པའི་འདུ་ཤེས་ཀྱིས་རྣམ་པར་བརྟག་པ་མེད་དེ། འདི་ཞེས་བྱ་བ་མེད། ཕ་བི་ཞེས་བྱ་བ་མེད་པ་ནི་གཏི་མུག་གིས་ཕལ་མང་པོའི་ནང་དུ་
D123.054.0186a05.01འདུག་སྟེ། ཡོན་པོ་མཐོང་བ་བཤད་ནས། རང་གི་དྲན་པའི་འདུ་ཤེས་ཀྱི་རྣམ་པར་རྟོག་པ་སྤྱད་དེ། འདི་ནི་སངས་རྒྱས་ཀྱི་ཆོས་ཡིན། འདི་ནི་འཕགས་པའི་ལམ་ཡིན་ཞེས་མི་ལ་བསྟན་ཏོ། །དེ་ལྟ་བུའི་གཏི་མུག་གིས་སྔ་མ་འདས་པ་དང་། མ་འོངས་
D123.054.0186a06.01པ་དང་། ད་ལྟར་གྱི་སངས་རྒྱས་རྣམས་ལ་འཕྱ་ཞིང་སྐུར་ཏོ། །དེ་ལྟ་བུའི་མི་གཏི་མུག་ནི་མིང་ངན་པའི་བཤེས་གཉེན་ཞེས་བྱ་སྟེ་དགེ་བའི་བཤེས་གཉེན་ཞེས་མི་བྱའོ། །ཤཱ་རིའི་བུ་དགྲས་སྲོག་ཕྲོགས་མོད་ཀྱི་ལུས་གཅིག་ཏུ་སྟོར་དུ་ཟད་དོ། །དེ་ལྟ་
D123.054.0186a07.01