完整藏文原文 · 德格版页 当前仅加载第 54 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
ངས་དགའོ་ཞེས་བསྟོད་དེ། སེམས་བདེ་བར་བབ་པ། དེའི་ཚེ་མི་དེས་སྟོང་པ་སྤྱོད་པ་ཡང་བརྙས་ཏེ། མི་སྲ་མི་མཁྲངས་འབའ་ཞིག་གིས་དོན་ཚོལ་ལོ། །བདག་ཏུ་ལྟ་བ་ཡོད་པ་དང་། ཆོས་སོ་ཅོག་ཡོད་པ་སྤྱད་དེ། དེ་ལྟ་བུ་ལ་སོགས་པའི་དོན་གྱིས་ཕལ་
D123.054.0199a01.01གྱི་སེམས་དགའ་བར་བྱས་སོ། །ལ་ལ་ཞིག་གིས་ཆོས་སོ་ཅོག་སྟོང་པར་བཤད་ན་མི་དེ་ལ་ཡང་བརྙས་སོ། །ཅིའི་ཕྱིར་ཞེ་ན། ཤཱ་རིའི་བུ་ཆོས་ནི་དེ་བཞིན་པའི་རིགས་ཏེ། སེམས་ཀྱི་དགེ་བའི་རྩ་བ་ཆད་དུ་བྱེད་ན་ཕྱི་མོ་གཟུགས་མངོན་པར་བྱུང་ངོ་། །ཡང་དག་པའི་བདེན་པ་དམ་
D123.054.0199a02.01པའི་ཆོས་འཇིག་རྟེན་ན་འདུག་ན་གནོད་པ་མེད་དེ། དཔེར་མི་གཏི་མུག་གིས་སྤོས་ཙན་དན་དང་ཤིང་ངན་པ་གཉིས་འདྲ་བར་འཛིན་པ་དང་མཚུངས་སོ། །ཤཱ་རིའི་བུ་སངས་རྒྱས་བསོད་སྐྱབས་ཀྱིས་བཤད་པ། མ་འོངས་པའི་དུས་ན་སངས་རྒྱས་ཤཱཀྱ་ཐུབ་པའི་སློབ་མ་རྣམས་ཀྱིས་
D123.054.0199a03.01གསོ་བའི་ཁེའི་ཕྱིར་གོས་སྐྱ་བོ་ཅན་རྣམས་ལ་མཆོག་གི་གཞུང་སྟོང་པ་བཤད་ན། དེའི་ཚེ་ཁྱིམ་ན་འདུག་པ་དང་། ཁྱིམ་ནས་བྱུང་བ་གཏི་མུག་མང་པོས་མ་མནོས་སོ། །ལོག་གལ་ནས་ཡིད་མི་ཆེས་ཤིང་སླར་འཕྱ་སྐུར་ནས་བསོད་ནམས་ཆེན་པོ་སྟོར་ཏོ། །རྒྱུ་རྐྱེན་འདི་ལྟ་བུ་སྤྱད་
D123.054.0199a04.01པས་ན་མཐར་ལམ་ངན་པར་ལྟུང་ངོ་། །ཤཱ་རིའི་བུ་དེའི་ཚེ་འགལ་བ་མང་པོ་ཡོད་དོ། །རྩོད་པ་འཆང་། བདག་ཏུ་ལྟ་བ་འཆང་། གང་ཟག་འཆང་། སེམས་ཅན་འཆང་། ཚེར་འཛིན་པ་འཆང་། སྲོག་ཏུ་འཛིན་པ་འཆང་ངོ་། །དགེ་བའི་ཆོས་ཉུང་ངུ་བྱེད་པས་གསོ་བའི་ཁེ་
D123.054.0199a05.01འབའ་ཞིག་ལ་སྲེད་དེ། བདེན་པར་གཏི་མུག་ཡིན་ན་རང་ན་རེ་ཤེས་རབ་ཡོད་ཅེས་ཟེར་རོ། །གཅིག་ལ་གཅིག་ལོག་གལ་དེ་རྟག་པར་འཐབ་རྩོད་ཅིང་དོན་ཡོད་པ་ལ་གཅོད་པ་སྲེད་དེ། ཁོན་དང་ཕྲག་དོག་གི་སེམས་སྐྱེས་ནས་མི་དེས་དགེ་སྦྱོང་གི་སེམས་བཏང་སྟེ་གསོ་བའི་ཁེ་འབའ་
D123.054.0199a06.01ཞིག་ཚོལ་ལོ། །འཚོ་ནམ་གྱི་དོན་མང་པོ་ལ་སྲེད་དེ་སྦྱར་བ་གཅིག་པུ་མ་ཡིན་ནོ། །རྟག་པར་མི་གཞན་གྱི་གཡོ་འཚང་ཚོལ་བ་ལ་སྲེད་དེ། རང་གི་ཉེས་པ་སྦས་ནས་ལེགས་པའི་དོན་བརྗོད་ཅིང་བཤད་དོ། །ད་ལྟར་གྱི་དགེ་སློང་ནི་ལེགས་པའི་དོན་སྦས་བཅབས་ཏེ་རང་གི་ཉེས་
D123.054.0199a07.01