完整藏文原文 · 德格版页 当前仅加载第 54 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
དྲེགས་ཤིང་ལེ་ལོ་བདོའོ། །དར་ཏེ་ངེས་པར་འཆད་མི་ནུས་པས་ངའི་དྲང་པོའི་ཆོས་བཤིག་གོ། །མི་ཕལ་གཞན་འཚེ་བ་མི་ནུས་ཏེ། གསོ་བ་ཁེའི་ཕྱིར་ངའི་ཆོས་བཤིག་གོ། །ཤཱ་རིའི་བུ་འདི་ལྟ་བུའི་ཆོས་ཀྱི་དཀོན་མཆོག་ནི་དེའི་ཚེ་མེད་པར་བཤིག་གོ། །ཅིའི་ཕྱིར་ཞེ་ན། དེ་
D123.054.0174a01.01ལྟ་བུའི་ཆོས་ཀྱི་དཀོན་མཆོག་ནི་སངས་རྒྱས་ཐམས་ཅད་ཀུན་གྱིས་རི་མོ་གུས་པ་སྟེ། རང་སངས་རྒྱས་དང་དགྲ་བཅོམ་པ་ལ་སོགས་པ་ཀུན་གྱིས་རི་མོ་གུས་པར་བྱ་བ་ནི་ཚུལ་ཁྲིམས་ཞིག་པའི་དགེ་སློང་ལེ་ལོ་ཡར་སྐྱེ་བས་ཆོས་ངེས་པར་མ་བཤད་དེ། །དགེ་སློང་གཞན་ལ་སོགས་པས་དེའི་ཚེ། ཀུན་གྱིས་
D123.054.0174a02.01ངའི་ཆོས་ལ་བརྙས་ཤིང་ལེ་ལོ་བྱས་ནས། ཀུན་གྱིས་བསྲིངས་སྤངས་ཏེ་འཇུངས་བརྐམ་ཆེར་སྲེད་ཅིང་། འཚོ་ནམ་གྱི་ལས་ལ་གཅིག་ཏུ་སེམས་ཤིང་ནོར་ཁེ་རིན་ཆེར་འཛིན། ཕྲག་དོག་གིས་བཅིངས་པས་རྟག་པར་འཐབ་རྩོད་ལ་སྲེད་ཅིང་རེས་ཀྱིས་ཤ་ཁོན་སྐྱེས་ལ་གཅིག་ལ་གཅིག་གུས་པའི་བག་མི་བྱེད་དོ། །ཆོག་མེད་དོ། །
D123.054.0174a03.01སེམས་ཀྱི་རང་བཞིན་ཡང་རྒོད་པ་སྤྲེའུ་དང་མཚུངས་ཏེ། ཆོ་ག་བསྒྱུར་བཅོས་ནས་ངན་པའི་ལས་རྣམས་སྤྱོད་དེ། དགེ་སློང་གི་ཆོས་ལས་ནི་ཕྱིར་ནུར། མཛངས་ཤིང་འཕྲུལ་པ་ནི་བསྲིངས་སོ། །ཤཱ་རིའི་བུ་འདི་ལྟ་བུའི་མི་ངན་པས་དེ་ལྟ་བུའི་ཉེས་པ་སྦས་བཅབས་ཏེ་འདོད་པ་མང་བཙལ་
D123.054.0174a04.01བ་མང་བས་ནོར་སྤྱོད་དེ། དེ་རང་གསོས་པས་བདུད་ངན་པས་དེའི་སེམས་རིག་སྟེ། ཐབས་སྤྱད་པས་ཐ་དད་པར་བྱས་ཏེ་སོ་སོར་གྱེས་བཤིག་ནས་རོ་གཅིག་པའི་དགེ་འདུན་དཀོན་མཆོག་ལ་སྡེ་ལྔར་བགོས་ཏེ། སྡེ་ལྔར་ཡོད་པས་འཐབ་རྩོད་པ་སྐྱེས་ཤིང་གཅིག་ལ་གཅིག་ཡིན་མ་ཡིན་པ་དང་ཉེས་པ་འཁྲུལ་
D123.054.0174a05.01བ་སྨོས་བརྗོད་དོ། །ཤཱ་རིའི་བུ་ད་ལྟར་གྱི་དགེ་སློང་གཅིག་གིས་གཅིག་བསྟན་བསླབས་ཏེ། གཅིག་ལ་གཅིག་གི་རི་མོ་གུས་ཤིང་སེམས་གཅིག་ཏུ་འཐུན་པར་སྤྱོད་དེ། སངས་རྒྱས་ཀྱིས་བཤད་པ་བཞིན་དུ་མི་འགལ་ལོ། །དེ་ཙམ་གྱི་ཚེའི་དགེ་སློང་ནི་གཅིག་ལ་གཅིག་མི་སྟོན་མི་སློབ། གཅིག་ལ་
D123.054.0174a06.01གཅིག་རི་མོ་མི་གུས། ངན་པ་བྱེད་པ་མཐོང་ན་དེས་འཇིགས་ཏེ་བཏང་ནས་ཆོས་སུ་སྤྱད་དེ། གཅིག་ལ་གཅིག་བསྟན་བསླབ་པར་མི་ནུས་སོ། །ལ་ལ་མང་པོ་ཐོས་པ་དང་ཤེས་རབ་ཟབ་མོ་ཡོད་མོད་ཀྱི་འོན་ཀྱང་དྲེགས་ཤིང་ལེ་ལོ་སྲེད་དོ། །མི་གཞན་ལ་བརྙས་སྨད་ནས་སོ་སོའི་སྤྱོད་ཅིང་
D123.054.0174a07.01