完整藏文原文 · 德格版页 当前仅加载第 54 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་སྦྱིན་པ་བཤད་པ་ལ་ཐོས་པར་མི་དགའོ། །ལེ་ལོ་ཡར་སྐྱེ་བ་ནི་དྲེགས་ཤིང་ལེ་ལོ་མེད་པའི་ཆོས་འདི་ཐོས་སུ་མི་དགའ་སྟེ། ཐོས་སུ་ཟིན་ནའང་དངངས་སྐྲག་པ་ནི་ཁུང་ཟབ་མོར་ལྷུང་བ་དང་མཚུངས་སོ། །འཇིག་རྟེན་གྱི་ཁེ་ལ་སྲེད་པ་ནི་ཞིམ་པོའི་རོ་ལ་འདོད་ཆགས་ཏེ། ཟས་ལ་
D123.054.0201b01.01ཞེ་བསྐྲད་པ་ཐོས་ན། སེམས་ལ་མྱ་ངན་འཁྲུག་གོ། །མི་ལ་ལ་ཞིག་ཐ་མལ་པའི་ཡི་གེ་ཀློག་པ་ལ་སྲེད་ན། དེ་ལས་ན་ཐུབ་ཅིང་བདེན་དུ་ཟིན་པའི་འདུ་ཤེས་སྐྱེའོ། །ཚིག་ལ་འདོད་ཆགས་པ་ནི་ཅལ་ཅོལ་འཆད་པ་ལ་སྲེད་པའོ། །རང་བཟོའི་ཚིག་གི་སྙན་དངགས་འཆད་པ་ལ་
D123.054.0201b02.01སྲེད་པ་ནི་སངས་རྒྱས་མཆོག་གི་གཞུང་ལ་གཙང་མའི་སེམས་མེད་པའི་སྟེང་དུ་ཆོས་འདི་ལ་ཡིད་མི་ཆེས་མི་གུས་སོ། །ཤཱ་རིའི་བུ་དཔེར་མི་མ་ནིང་དང་མཚུངས་སོ། །སྐྱེས་པའི་སྤྱད་པ་མེད་ན། སྐྱེས་པའི་ནང་དུ་ཕྱིན་པ་དང་མ་ནིང་གི་འདུ་ཤེས་སྐྱེད་དེ། སེམས་འདི་སྙམ་དུ་བྱེད་དོ། །
D123.054.0201b03.01མི་འདི་གཞན་ལ་སོགས་པ་ཡང་བདག་དང་མི་མཚུངས་པ་མེད་སྙམ་བྱེད་དོ། །དེ་ལྟ་སྟེ་ཐ་མལ་པའི་ཡི་གེ་ལ་སྲེད་ཆགས་པ་ནི་རྟག་པར་ཚིག་རང་བཟོའི་སྙན་དངགས་པ་བརྒྱན་པ་ལ་སྲེད་དེ། སངས་རྒྱས་ཀྱི་མཆོག་གི་གཞུང་ལ་སེམས་ཀྱིས་རི་མོ་མི་གུས་སོ། །ཤཱ་རིའི་བུ་དེའི་ནང་ན་མི་ལ་
D123.054.0201b04.01ལ་གཙང་གདང་བའི་ཆོས་ཡིག་འཆང་བ་ཡོད་ན་མི་དེ་ལ་ཡང་རི་མོ་མི་གུས་ཏེ། གཙང་གདང་བའི་ཚུལ་ཁྲིམས་འཛིན་པའི་དགེ་སློང་ལའང་ཡང་ཞིང་བཏུས་ཏེ། ཅིའི་ཕྱིར་ཞེ་ན། ཤཱ་རིའི་བུ་མུར་འདུག་གི་ཆོས་ཡི་གེ་ལ་ནི་ཡང་དག་པའི་ཚིག་བདེན་པ་མེད་དོ། །ཆོས་ཀྱིས་དྲེགས་ཤིང་ལེ་ལོ་
D123.054.0201b05.01དང་མཐོང་ཞིང་རང་ཆེ་འདོད་པའི་རིགས་སོ། །ཅིའི་ཕྱིར་ཞེ་ན། དོན་དེ་ནི་སྐྱོ་བྲལ་བའི་མིའི་ཕྱིར་མ་ཡིན་ནོ། །མྱ་ངན་ལས་འདས་པ་མིའི་ཕྱིར་མ་ཡིན་ཏེ། མི་དེས་ཡིད་ཆེས་པ་ལ་སོགས་པ་རྩ་བ་བཞི་ཉམས་པས་ན། གནས་སོ་ཅོག་ལེགས་པའི་དོན་ཡོད་པར་ཡིད་མི་ཆེས་པ་ནི་མ་ནིང་
D123.054.0201b06.01དང་མཚུངས་ཏེ། མི་གཞན་ཀུན་ལ་བདག་དང་མཚུངས་ཞེས་ཟེར་རོ། །ཤཱ་རིའི་བུ་དམུས་ལོང་གིས་ཁ་དོག་རྣམས་མི་མཐོང་བ་དང་མཚུངས་སོ། །དེ་ནི་ནག་པོའི་ཁ་དོག་དཀར་པོའི་ཁ་དོག་སྟེ། དཀར་ནག་གི་ཁ་དོག་མཐོང་བ་མ་མཐོང་ངོ་། །བཟང་པོའི་ཁ་དོག་མ་མཐོང་ངོ་། །མི་
D123.054.0201b07.01