完整藏文原文 · 德格版页 当前仅加载第 54 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་དཔྱ་བར་སྲེད། སྦྱངས་པའི་ཡོན་ཏན་འཛིན་པ་ལ་ཡང་སྙན་པར་མི་བསྟོད། བར་བར་ངའི་དོན་ལ་དཔྱས་ཏེ་བཤད། བར་བར་ཁ་ངན་པས་མི་རིགས་པར་བསྐྱེད། བར་བར་དྲན་པའི་འདུ་ཤེས་ཀྱི་{བརྫུན་,རྫུན་}པ་བཤད། རིགས་བཟང་པོ་རྟེན་པ་སྙེམས་ཏེ་ཕ་
D123.054.0182a01.01ཚན་གྱི་གཉེན་ལ་བརྟུད་པར་དྲིས། རྒྱུ་རྐྱེན་ཆུང་ངུ་སྤྱད་དེ་དབུལ་པོ་ལ་ཆོས་བཤད་ན་རྟག་པར་སེམས་མི་དྲང་བས་དངངས་ཤིང་དོགས་པ་སྲེལ་ཏེ་ཕལ་ཀུན་སྡང་ཞིང་སྐྱོ་བས་ཡུན་དུ་བརྙས་སྨད་པ་ལ་ཕན་ནོ། །ཚུལ་ཁྲིམས་འཛིན་པ་ལ་ནི་རྟག་པར་དཔྱས་བཤད་པ་ལ་སྲེད་དོ། །གཏན་ལ་
D123.054.0182a02.01བབ་པ་བདེན་པར་འཆད་པ་ལ་ནི་ཉེ་བསྙེན་པས་མི་འདོད་དེ་ཡིད་ལ་དེ་ལྟ་བུའི་ཆོས་ཀྱི་ཡི་གེ་ཐོས་པར་མི་དགའོ། །དེ་ལྟ་བུའི་ཆོས་ཀྱི་ཡི་གེ་གཟུངས་སུ་བཟུང་སྟེ་ཀློག་ཅིང་ཁ་ཏོན་ལ་སྲེད་པ་དང་། ཆོས་ཀྱི་ཡི་གེ་དེ་ལྟ་བུ་བཤད་པ་ཐོས་ན་སེམས་དགའ་གཞན་པ་དེ་ལྟ་བུ་ཡང་མཐོང་དུ་མི་དགའོ། །
D123.054.0182a03.01གཅིག་ཏུ་ནི་ཚུལ་ཁྲིམས་འཛིན་པའི་ཆོས་ལ་བསྟོད་པ་ཐོས་སུ་མི་དགའ་སྟེ། དེ་ལྟ་བུ་ལ་སོགས་པའི་ཆོས་ཀྱི་ཡི་གེ་བཤད་ན་ཉན་ཅིང་ནོད་དུ་འོང་མི་འོང་ཉན་ཅིང་ནོད་དུ་ཟིན་ནའང་རིང་པོར་མ་ལོན་པར་སླར་སོང་སྟེ་གོས་སྐྱ་བོ་ཅན་དང་བཤེས་གཉེན་དུ་བྱས་པ་མང་ལ་རྟག་པར་ཁྲིམས་འཛིན་
D123.054.0182a04.01པའི་དགེ་སློང་ལ་བརྗོད་ཅིང་བཤད་པ་ལ་སྲེད་དེ་རང་ཉམ་བྱེད་པས་བརྙས་པ་དང་། ཁ་མདའ་སྤྱོད་དོ། །ཤཱ་རིའི་བུ་དེའི་མིང་ཚུལ་ཁྲིམས་ཞིག་པའི་དགེ་སློང་གི་མྱ་ངན་འཁྲུག་པའི་མདའ་བཅུ་ཞེས་བྱ་སྟེ། ཡང་དག་པར་ལམ་ངན་པར་ལྟུང་ངོ་། །ཤཱ་རིའི་བུ་ང་མེད་པར་འདས་པའི་ཕྱི་
D123.054.0182a05.01ན་དེ་ལྟ་བུ་ལ་སོགས་པའི་མིས་འཛམ་བུའི་གླིང་གང་སྟེ། ཁེ་ཚོལ་བ་འབའ་ཞིག་སྤྱོད་ཅིང་རང་འཚོ་གསོ་བྱེད་དོ།། །།སངས་རྒྱས་ཀྱི་མཛོད་བཤད་པ་ཆོས་ཀྱི་ཡི་གེ །བམ་པོ་གསུམ་པ། སངས་རྒྱས་ཀྱིས་སངས་རྒྱས་ཀྱི་མཛོད་བཤད་པའི་ཆོས་ཀྱི་ཡི་གེ་ལེའུ་
D123.054.0182a06.01དྲུག་སྟེ། གཙང་མའི་ཆོས་ཀྱི་ལེའུའོ།། །།སངས་རྒྱས་ཀྱིས་ཤཱ་རིའི་བུ་ལ་བཀའ་སྩལ་པ། གནའ་སངས་རྒྱས་བསོད་སྐྱབས་ཀྱིས་སྔ་ནས་ང་ལ་ལུང་བསྟན་པ་སངས་རྒྱས་ཤཱཀྱ་ཐུབ་པ་ཡོན་མང་དུ་བླངས་ན་ཆོས་མྱུར་དུ་མེད་པར་འགྱུར་རོ་ཞེས་གསུངས་སོ། །ཤཱ་
D123.054.0182a07.01