完整藏文原文 · 德格版页 当前仅加载第 54 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
མཁར་རིམ་གྲོ་བསྲུངས་ནས་དགྲ་ངན་པས་བཤིག་དྲལ་ཅིང་མི་ཆུད་པར་བྱས་སོ། །ཡང་དག་པར་གཤེགས་པའི་གསང་བའི་ཆོས་བཤད་པ་སེམས་ཐག་པ་ནས་མནོས་ཏེ། ཁོན་མི་དགྲ་ཆེན་པོ་མཐོང་བ་རྣམས་ལ་བཤད་དོ། །ཤཱ་རིའི་བུ་ཡང་དག་
D123.054.0198a01.01པར་གཤེགས་པ་དེ་ལྟར་བཞུགས་པས་ཆོས་ཀྱི་མཁར་རིམ་གྲོ་མཁས་ལ་སློབ་མ་ཆེན་པོ་དེ་བཞི་ཤེས་རབ་ཟབ་ཅིང་རྒྱང་རིང་བ་ད་ལྟར་དེའི་ཆོས་ཀྱི་མཁར་ཞིག་རལ་མི་དོགས་སོ། །ལ་ལ་ཞིག་ཆོས་ཀྱི་མཁར་ལ་བསྒྲིབས་ཤིང་བགེགས་བྱེད་ན་དགྲ་ཆེན་པོ་ཡིན་ཏེ། ཆོས་ཀྱི་མཁར་
D123.054.0198a02.01བཤིག་དྲལ་ལ་ངའི་ཆོས་གསང་བསྒུས་ཏེ། མུར་འདུག་ལ་འཆད་དོ། །མི་རྟག་པར་ངའི་ཐད་དུ་འོངས་ཏེ་ང་དང་གཏམ་བྱས་ནས་དེ་ལ་ཆོས་བསྟན་ན་གཙང་ཞིང་གཅེས་པ་མ་བཤད་ན་མི་དེས་ཆོས་བསྟན་པ་བཙལ་བའི་ཕྱིར་ཁྱིམ་ནས་བྱུང་སྟེ། ཚུལ་ཁྲིམས་མནོས་པས་ན། ངས་མི་དེས་
D123.054.0198a03.01ཕྱིས་ལམ་ཐོབ་པར་རིག་པར་ཤེས་པས་ཁྱིམ་ནས་བྱུང་བར་གནང་སྟེ་ཟླ་བ་བཞིའི་བར་དུ་སད་དོ། །དེ་ཅིའི་ཕྱིར་ཞེ་ན། ཆོས་ཀྱི་མཁར་གྱི་རིམ་གྲོ་བྱ་བའི་ཕྱིར་རོ། །གཅིག་ཏུ་ན་མ་འོངས་པའི་དུས་ཀྱི་དགྲ་སླར་མི་ལྡང་བ་བྱ་བའི་ཕྱིར་རོ། །དེ་ལྟ་བུར་ཡང་དག་པར་གཤེགས་པར་ཆོས་ཀྱི་
D123.054.0198a04.01མཁར་བསྲུང་བ་མཁས་པས་གླགས་མི་རྙེད་པར་བྱས་ཏེ། དེ་ནི་སངས་རྒྱས་ཀྱིས་བསྟན་པ་མནོད་ཅིང་སྔོན་གྱི་ངན་པ་ཡོན་པོ་མཐོང་བར་བྱས་སོ། །དགེ་སློང་ཕལ་མང་པོ་རྣམས་ཀུན་དགའ་གཞའ་སྟེ་ཁྱིམ་ནས་བྱུང་བར་གནང་སྟེ། ཚུལ་ཁྲིམས་ནོད་པ་ཐོབ་ཟིན་ནས་ལྷ་དང་མི་དང་འཇིག་རྟེན་
D123.054.0198a05.01གྱིས་བསྐྱོད་ཅིང་བསྒྱུར་མི་ནུས་སོ། །ཤཱ་རིའི་བུ་གང་ལ་སོགས་པ་སད་དུ་རུང་བ་ཞེས་བྱས་ན་དེ་ནི་མུར་འདུག་གི་མིང་དང་། མུར་འདུག་གི་ཆོས་ལ་སྲེད་པའོ། །ཤཱ་རིའི་བུ་གང་ལ་སོགས་པ་མུར་འདུག་གི་ཆོས་ལ་སྲེད་པ་ཡིན། དེ་ནི་ཐོབ་པ་ཡོད་དུ་འཛིན་པ་དང་། བདག་ཏུ་ལྟ་བ་དང་། གང་
D123.054.0198a06.01ཟག་ཏུ་ལྟ་བ་དང་། སེམས་ཅན་དུ་ལྟ་བ་དང་། ཡོན་པོ་ལ་འདོད་ཆགས་པ་དང་། ཉིད་ཀྱི་མཚན་མ་སྟོང་པའི་ཆོས་ལ་ཐེ་ཚོམ་གྱི་སེམས་སྐྱེ་བ་དང་། ཡོན་པོ་སྒྱུ་མ་མི་བདེན་པའི་སེམས་སྒྱུ་མའི་ཆོས་རྣམ་པ་མང་པོ་མནོས་པ་སྤྱད་དེ། མཆོག་གི་གཞུང་སྟོང་པར་འཇུག་མི་ཕོད་ཅིང་ཡོན་
D123.054.0198a07.01