完整藏文原文 · 德格版页 当前仅加载第 54 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཐེ་ཙོམ་ཡང་མེད། འགྱོད་པ་ཡང་མེད་དེ་ཟབ་ཏུ་ཞུགས་ཤིང་ཐོས་པ་མེད་པས་བདག་ཏུ་ལྟ་བ་དང་། གང་ཟག་ཏུ་ལྟ་བ་ཐམས་ཅད་ལ་མི་རྟེན་ཏོ། །ཤཱ་རིའི་བུ་ངས་བཤད་པ་ལ་དེ་ལྟ་བུའི་མི་མིང་གཙང་དག་པའི་ཚངས་པ་སྤྱད་པ་ཞེས་བྱའོ། །ཤཱ་རིའི་བུ་དགེ་སློང་ལ་ལ་ཞིག་གིས་དེ་ལྟ་
D123.054.0158b01.01བུའི་ཐོབ་པ་མེད་པའི་བཟོད་པ་འབྱོར་གྲུབ་ན་འཕྲལ་དུ་ལྷག་མ་མེད་པའི་མྱ་ངན་ལས་འདས་པ་མཐོང་མོད་ཀྱི། ངས་ལུང་བསྟན་ཏེ་མི་དེ་སངས་རྒྱས་བྱམས་པའི་དུས་ཀྱི་ཚོགས་པ་དང་པོ་ལ་འཇུག་གོ། །དེའི་ཚེ་སངས་རྒྱས་བྱམས་པའང་ཤིན་ཏུ་དགའ་ནས་ལན་གསུམ་བོས་ཏེ་མི་དེ་
D123.054.0158b02.01སངས་རྒྱས་ཤཱཀྱ་ཐུབ་པའི་ཆོས་ལ་ཅིའང་ཐོབ་པ་མེད་པའི་བཟོད་པའི་འབྱོར་འགྲུབ་པས་ནུས་སོ་ཞེས་བོས་སོ། །ཤཱ་རིའི་བུ་ཁྱིམ་ན་འདུག་པའང་རུང་། ཁྱིམ་ནས་བྱུང་བའང་རུང་སྟེ། དེ་ལྟ་བུ་བཟོད་པ་འབྱོར་གྲུབ་ནས། ངས་མི་དེ་མྱ་ངན་ལས་འདས་པ་ཐོབ་པ་ཡང་དག་པར་ལུང་
D123.054.0158b03.01སྟོན་ཏོ། །ཤཱ་རིའི་བུ་མི་ལ་ལ་ཞིག་དེ་སྐད་དུ་བསྟན་པ་མནོས་ཟིན་ནས་སྟོང་པ་ཅི་ཡང་ཐོབ་པ་མེད་པའི་ཆོས་ཐོས་ན་རྨོད་བཞིན་དངངས་སྐྲག་ན་མི་དེ་སྙིང་རྗེར་རུང་སྟེ་ར་མདའ་མེད་དོ། །གཉེན་པོ་མེད་དེ་སེམས་ཅན་དམྱལ་བར་ཕྱོགས་སོ། །ཅིའི་ཕྱིར་ཞེ་ན། ཤཱ་རིའི་བུ་སངས་རྒྱས་
D123.054.0158b04.01ཀྱི་བསྟན་པ་ལ་དངངས་སྐྲག་ཅིང་དོགས་པ་སྟེ། མི་དེས་ངན་པའི་ལམ་ཆོག་ཚང་བའི་ཕྱིར་རོ། །ཇི་ལྟ་ཞེ་ན། ངས་རྟག་པར་བཤད་པ་ཡིན་ནོ་པ་ཡོད་ཅེས་འཆད་པ་ནི་ལམ་ངན་པའི་ཤས་ཡིན་ནོ། །ཇི་ལྟ་ཞེ་ན། ཤཱ་རིའི་བུ་སངས་རྒྱས་ཀྱིས་ཐོབ་པའི་ཆོས་ལ་ཡིན་མ་ཡིན་དང་
D123.054.0158b05.01ཐ་དད་པ་མེད་དོ། །ཐ་དད་དུ་ཟིན་ན་ཐོབ་པ་ཡོད་པ་ཡིན་ནོ། །ཤཱ་རིའི་བུ་མི་ལ་ལ་ཉིས་ན་ལོག་པ་ལྔའི་ཤས་ལྕི་བ་འབྱོར་གྲུབ་ཀྱང་རུང་གི་བདག་ཏུ་ལྟ་བ་དང་། སེམས་ཅན་དུ་ལྟ་བ་དང་། གང་ཟག་ཏུ་ལྟ་བ་དང་། ཚེར་ལྟ་བ་དང་། སྲོག་ཏུ་ལྟ་བ་དང་། ཕུང་པོ་དང་། སྐྱེ་མཆེད་དང་།
D123.054.0158b06.01ཁམས་སུ་ལྟ་བ་འབྱོར་གྲུབ་ཏུ་མི་རུང་ངོ་། །ཚུལ་ཁྲིམས་འཛིན་པ་ལ་འདོད་ཆགས། ཚུལ་ཁྲིམས་འཛིན་པ་ལ་ཆགས་པར་མཐོང་བའོ། །ཏིང་ངེ་འཛིན་ལ་འདོད་ཆགས་ན་ཏིང་ངེ་འཛིན་མཐོང་བ་ལ་ཆགས་པའོ། །སངས་རྒྱས་ཀྱི་འདུ་ཤེས་ལ་རྟེན་ན་ཆོས་ཀྱི་འདུ་ཤེས་ཐོབ་
D123.054.0158b07.01