完整藏文原文 · 德格版页 当前仅加载第 54 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
མ་སྒྱུ་མ་མི་བདེན་པའི་འདུ་ཤེས་ཀྱི་ལན་ཏེ། ཡོན་པོ་མཐོང་བ་རྣམས་མང་པོ་ལ་ཆགས་སོ། །ཡོན་པོ་མཐོང་བ་དེའི་ལན་བོན་གྱིས་ཡང་ཕྱི་མའི་ལུས་མནོས་ཏེ། མཐོང་བ་རྣམས་ལ་འདོད་ཆགས་པས་ལྔ་ཕུང་སྐྱེས་སོ། །ཤཱ་རིའི་བུ་ལྔ་ཕུང་གི་ཀུན་སྒྱུ་མ་མི་བདེན་པ་ལ་ཆགས་
D123.054.0164b01.01པ་ཡིན་ཏེ། དེའི་མིང་ངན་པའི་ལམ་མོ། །དེའི་མིང་ཡོན་པོའི་ལམ་མོ། །མཛངས་འཕྲུལ་པའི་དགེ་འདུན་ལ་ནི་དེ་ལྟ་བུའི་དོན་མེད་དོ། །སྒྱུ་མ་མི་བདེན་པའི་རྐྱེན་འབའ་ཞིག་ལས་ཁམས་གསུམ་བྱུང་བར་ཤེས་སོ། །དེ་ལྟ་བུའི་དོན་ཤེས་པས་ན་མིང་འཕྲུལ་གྱི་དགེ་འདུན་ཞེས་
D123.054.0164b02.01བྱའོ། །ཤཱ་རིའི་བུ་ཡོང་མཐོང་བ་ཡོད་དོ། །ཆོ་ག་ནི་འཕྲུལ་གྱི་དགེ་འདུན་གྱི་ནང་ན་ཀུན་ཐོབ་པར་མི་རུང་ངོ་། །བདག་ཏུ་ལྟ་བ་དང་། སེམས་ཅན་དུ་ལྟ་བ་དང་། སྲོག་ཏུ་ལྟ་བ་དང་། གང་ཟག་ཏུ་ལྟ་བ་དང་། སྐྱེས་པར་མཐོང་བ་དང་། བུད་མེད་དུ་མཐོང་བ་དང་། ལྷར་མཐོང་
D123.054.0164b03.01བ་དང་། སེམས་ཅན་དམྱལ་བར་མཐོང་བ་དང་། བྱོལ་སོང་དུ་མཐོང་བ་དང་། {ཡི་དགས་,ཡི་དྭགས་}སུ་མཐོང་བ་དང་། ཕུང་པོ་དང་། འདུ་ཤེས་དང་། ཁམས་སུ་མཐོང་བ་དང་། དུང་གི་སྒྲར་མཐོང་། རྔའི་སྒྲར་མཐོང་། སའི་སྒྲར་མཐོང་། ཆུ་དང་། མེ་དང་། རླུང་གི་སྒྲར་མཐོང་།
D123.054.0164b04.01ཚུལ་ཁྲིམས་འཛིན་པའི་སྒྲར་མཐོང་། ཚུལ་ཁྲིམས་ཞིག་པའི་སྒྲར་མཐོང་། དྲང་པོའི་ལམ་གྱི་སྒྲར་མཐོང་། ཡོན་པོའི་ལམ་གྱི་སྒྲར་མཐོང་། དྲི་མའི་སྒྲར་མཐོང་། གཙང་མའི་སྒྲར་མཐོང་། བསམ་གཏན་ཐུབ་པ་དང་། ཏིང་ངེ་འཛིན་དང་། འཕྲུལ་བརྒྱད་ཀྱི་ལམ་གྱི་
D123.054.0164b05.01སྒྲ་དང་། རྒྱུན་དུ་ཞུགས་པའི་འབྲས་བུ་དང་། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པའི་འབྲས་བུའི་སྒྲར་མཐོང་བ་དང་། གྲོལ་ཐར་གྱི་སྒྲར་མཐོང་བ་དང་། འབྲས་བུ་ཐོབ་པའི་སྒྲར་མཐོང་བ་དང་། སངས་རྒྱས་ཀྱི་སྒྲར་མཐོང་
D123.054.0164b06.01བ་དང་། ཆོས་ཀྱི་སྒྲར་མཐོང་བ་དང་། དགེ་འདུན་གྱི་སྒྲར་མཐོང་བ་དང་། འགོག་པའི་སྒྲར་མཐོང་བ་དང་། མྱ་ངན་ལས་འདས་པའི་སྒྲར་མཐོང་བའོ། །ཤཱ་རིའི་བུ་དེའི་མིང་མི་བདེན་པའི་སྒྲ་སྐད་ལ་སོགས་པ་མཐོང་ཞེས་བྱའོ། །མཛངས་འཕྲུལ་པའི་དགེ་འདུན་གྱིས་ནི་མཆོག་གི་
D123.054.0164b07.01