完整藏文原文 · 德格版页 当前仅加载第 54 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཚལ་སྟོང་དབེན་པར་གནས་ཏེ། ཚེ་ཟད་ན་གཅན་གཟན་བཞིན་ཤིའོ། །ཤཱ་རིའི་བུ་ཁྱོད་ལ་ངས་བྱེ་བྲག་ཕྱེད་པར་བསྒོའོ། །ངའི་ཡང་དག་པའི་ཆོས་འདི་འཇིག་རྟེན་ན་འདུག་པ་རིང་པོ་མི་ཐོགས་སོ། །ཅིའི་ཕྱིར་ཞེ་ན། སེམས་ཅན་གྱི་ལེགས་པའི་དཔལ་གྱི་དགེ་བའི་རྩ་
D123.054.0205b01.01བ་ཟད་ཟིན་ཏེ། རྙོག་པའི་དུས་ཉེ་བ་ན་འདུག་གོ། །བདག་གིས་བསོད་ནམས་བཙལ་དུ་ཟིན་ན་དགེ་སློང་དགེ་བས་འདི་ལྟ་བུའི་སྐྱོ་བའི་སེམས་བསྐྱེད་པའི་རིགས་སོ། །བདག་ནམ་ཞིག་ཇི་ལྟ་བུར་ཆོས་ཞིག་འཁྲུགས་པ་མཐོང་། འདི་ལྟ་བུའི་དགེ་སྦྱོང་གི་ཚེ་དུས་ངན་པའི་བགེགས་
D123.054.0205b02.01ལ་བབ་པ་མཐོང་ན་བདག་གིས་བརྩོན་འགྲུས་པའི་སེམས་བསྐྱེད་དེ། མྱུར་དུ་ལམ་གྱི་འབྲས་བུ་ཐོབ་པར་བྱའོ། །ཤཱ་རིའི་བུ་ངའི་ཆོས་ལ་དོན་དཀའ་བ་གཞན་མེད་དེ། གོས་དང་། ཁ་ཟས་དང་། མལ་ཆ་དང་། རྩི་སྨན་མི་བསམ་མོ། །ཁྱེད་ལ་སོགས་པ་ཇི་ནས་ཀྱང་
D123.054.0205b03.01སངས་རྒྱས་ཀྱི་ལམ་གྲུབ་པར་སྤྱོད་པ། འཇིག་རྟེན་གྱི་ནོར་གྱི་ཁེ་དང་ཡོན་རིན་ཆེར་མ་འཛིན་ཅིག །ཤཱ་རིའི་བུ་ད་ཁྱོད་ལེགས་པར་ཉོན་ཅིག་དང་ངས་ཁྱོད་ལ་བསྒོའོ། །དགེ་སློང་ལ་ལ་ཞིག་གི་སེམས་གཅིག་ཏུ་ལམ་སྤྱོད་ན་སྟོང་གསུམ་གྱི་གནམ་གྱི་ལྷ་ཀུན་སེམས་འཐུན་པར་
D123.054.0205b04.01སྐྱིད་པའི་ཡོ་བྱད་དོ་ཅོག་སྦྱར་ཏེ་སྤྱིས་ཡོན་གསོལ་ལོ། །ཤཱ་རིའི་བུ་མི་གཞན་གྱིས་བསམ་གཏན་ན་འདུག་པའི་དགེ་སློང་ལ་ཡོན་ཕུལ་བས་ནི་གནམ་གྱི་ལྷས་ཡོན་ཕུལ་བ་ཙམ་མི་ཕོད་དོ། །དེ་ལྟ་བས་ན་ཤཱ་རིའི་བུ་ཁྱོད་རང་ཡོན་མི་ཐོབ་པའི་མྱ་ངན་སེམས་པར་ཡང་དག་པར་བསླབས་པ་
D123.054.0205b05.01བཞིན་དུ་མ་གལ་བར་སྤྱད་དེ། མཆོག་གི་གཞུང་སྟོང་པ་སྤྱད་པ་ལ་མིའི་ཉེས་པ་མྱ་ངན་མ་འབྱུང་ཤིག །ཅིའི་ཕྱིར་ཞེ་ན། ཤཱ་རིའི་བུ་བག་ཚ་བའི་བགེགས་ཆེན་པོ་ནི་སྟོང་པ་ཐོབ་པ་སྟེ། དགེ་སློང་ལ་ལ་ནི་ངའི་ཆོས་སྤྱོད་པའི་ཞར་ལས་ཁྱིམ་ནས་བྱུང་སྟེ། ཚུལ་ཁྲིམས་མནོས་ཤིང་ཆོས་
D123.054.0205b06.01འདི་ལ་བརྩོན་འགྲུས་སྤྱོད་ན། ལྷ་དང་ལྷ་མ་ཡིན་རྣམས་དང་། མི་རྣམས་ཀྱིས་མི་དྲན་མོད་ཀྱི་སེམས་གཅིག་ཏུ་འགྲུས་པར་ལམ་སྤྱོད་ནུས། མཐར་ཡང་གོས་དང་། ཟས་ཅི་དགོས་པ་མི་སེམས་སོ། །ཅིའི་ཕྱིར་ཞེ་ན། ཡང་དག་པར་གཤེགས་པའི་དཔལ་གྱི་མཛོད་དཔག་ཏུ་མེད་དེ་ཟད་དཀའོ། །
D123.054.0205b07.01