完整藏文原文 · 德格版页 当前仅加载第 54 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱོར་འདུན་པས་ཕྱིས་ཡོད་པ་མི་མྱོང་ངོ་། །འཇིག་རྟེན་ཐམས་ཅད་སྒྱུ་མ་མི་བདེན་པའི་རྐྱེན་འབའ་ཞིག་ལས་བྱུང་བར་རིག་པས། མི་དེ་ཕྱིན་ཆད་ད་ལྟར་གྱི་ལུས་ལ་མི་འདུག་གོ། །རྒྱུ་རྐྱེན་དེ་ལྟ་བས་ན། མིང་འཕྲུལ་གྱི་དགེ་འདུན་ཞེས་བྱར་རུང་ངོ་། །མི་དེས་སྨྲ་བའི་
D123.054.0163b01.01ཚིག་དེ་ལ་ཐོབ་པ་ཡང་མེད། མིང་མཚན་མ་རྣམས་ལས་འདུས་པ་དྲན་གྱི། མཚན་མ་དང་འདྲན་ཏོར་གྱི་དོན་ཀྱང་མེད་དོ། །དེའི་མིང་དགེ་འདུན་དཀོན་མཆོག་ཅེས་བྱ་སྟེ། ཡོན་ལེན་པའི་རིགས་ཏེ། ཕྱིན་ཅི་ལོག་མེད་པའི་ཡང་དག་པའི་བདེན་པའི་གཞུང་ཐོབ་བོ། །མི་
D123.054.0163b02.01དེས་དེ་ལྟ་བུའི་ཐབས་སྤྱད་པས་དགེ་འདུན་བསམས་ན། དོན་དེ་ཡང་སྟོང་པའོ། །ཤཱ་རིའི་བུ་དེ་ལྟ་བུར་སྟོན་པ་ནི་མིང་དགེ་བའི་བཤེས་གཉེན་ནོ། །ཤཱ་རིའི་བུ་སྨྲ་བའི་ཚིག་ཐམས་ཅད་ཀྱི་ལམ་ཆོད་ན་མིང་འཕྲུལ་གྱི་དགེ་འདུན་ཞེས་བྱའོ། །ཅིའི་ཕྱིར་ཞེ་ན། འཕྲུལ་གྱི་ཆོས་
D123.054.0163b03.01ཀྱི་ནང་ན་སྨྲ་བའི་ཚིག་རྒྱུས་ཡང་དགེ་བའི་བདེན་པའི་གཞུང་བཤད་ན་དེ་ལྟ་བུའི་སྨྲ་བའི་ཚིག་ཀྱང་ཐོབ་པར་མི་རུང་ངོ་། །དེ་ལྟ་བས་ན་སྨྲ་བའི་ཚིག་རྣམས་ཆོད་པ་ནི་འཕྲུལ་གྱི་དགེ་འདུན་ཞེས་བྱ་བར་མངོན་ནོ། །ཤཱ་རིའི་བུ་མི་ལ་ལ་ཞིག་ན་རེ། ཆོས་འདིའི་ནང་ན་ཚིག་གིས་
D123.054.0163b04.01བཤད་པ་མེད། ངེས་པ་མེད་ན་ཇི་ལྟར་མིང་དགེ་འདུན་ཞེས་བྱ་ཞེས་ཟེར་བ་ཞིག་ཡོད་ན། ཤཱ་རིའི་བུ་ངའི་འདིའི་ནང་ན་ལན་འདི་སྐད་ཅེས་བླན་པ་ཡོད་དེ། དགེ་འདུན་གྱི་མིང་བདེན་པ་བཞིན་དུ་དོན་སྟོན་པ་ཞེས་བྱས་ན། དོན་དེ་ངེས་པར་ཐོབ་པའང་མི་རུང་ངོ་། །སློབ་པའི་
D123.054.0163b05.01གྲྭ་ལྷན་ཅིག་ལ་བཟོད་པ་ཡང་གཅིག །རོ་ཡང་གཅིག་པ་དེའི་དོན་ཀྱང་འཇིག་རྟེན་གྱི་ཐ་མལ་པའི་ཚིག་བཤད་པས་སྤྱད་ཀྱི། མཆོག་གི་གཞུང་མ་ཡིན་ནོ། །མཆོག་གི་གཞུང་གི་ནང་ན་ངེས་པར་བདེན་པ་མེད་དེ། མིང་དགེ་འདུན་ང་ཆོས་རྟག་སྟེ། མི་འཇིགས་ཞེས་བྱའོ། །
D123.054.0163b06.01འཕྲུལ་གྱི་མིས་ཆོས་འདི་ཡོད་ཅེས་བཤད་དུ་ཟིན་ན་དེ་ནི་དགོས་པའོ། །ཅིའི་ཕྱིར་ཞེ་ན་ཞེས་བྱས་ན། མི་དེ་ལྟ་བུའི་རྣམ་པར་བརྟག་པར་བྱ་སྟེ། སྐྱེས་པ་ཡིན། བུད་མེད་ཡིན། ལྷ་ཡིན། ཀླུ་ཡིན། གནོད་སྦྱིན་ཡིན། དྲི་ཟ་ཡིན། གྲུལ་བུམ་ཡིན། ཆོས་ཡིན།
D123.054.0163b07.01