完整藏文原文 · 德格版页 当前仅加载第 54 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་མུར་འདུག་གི་གཞུང་དང་འདྲེས་པར་བཤད། དགེ་སློང་དགེ་བའི་ལམ་ཚོལ་བ་ལ་འགྲུས་པ་ཞིག་ཡོད་ན་འདུག་པ་ལས་ལངས་ཏེ་འགྲོ་བར་རིགས་སོ། །ཅིའི་ཕྱིར་ཞེ་ན། ཤཱ་རིའི་བུ་གོས་སྐྱ་བོ་ཅན་ཡིད་ཆེས་པ་ཡོད་པས་སྟན་མཐོན་པོ་བཏིང་མུར་འདུག་གི་ཚིག་དྲང་ཞིང་བཤད་
D123.054.0183b01.01པའི་མི་རིགས་སོ། །དེ་ལྟ་མ་ཡིན་དུ་ཟིན་ན་དགེ་སློང་དགེ་བ་མ་ཡིན་ནོ། །མིང་སངས་རྒྱས་བཤད་པ་བསྟན་པ་བཞིན་ནོ་ཞེས་ཀྱང་མི་བྱའོ། །ཤཱ་རིའི་བུ་ཆོས་བཤད་པའང་ཤིན་ཏུ་དཀའ་སྟེ། དེ་ལྟ་བུར་འཆད་པ་ནི་ངས་བཤད་པ་ལ་དེའི་མིང་མུར་འདུག་འཛི་གེན་གྱི་སློབ་མ་ཞེས་
D123.054.0183b02.01བྱ་སྟེ། སངས་རྒྱས་ཀྱི་སློབ་མ་མ་ཡིན་ནོ། །དེ་ལྟར་ཆོས་འཆད་པ་ནི་ཚེ་ཟད་ཀྱི་འོག་ཏུ་འཛི་གེན་ཇིའི་ལམ་དུ་སྐྱེའོ། །གང་ལ་སོགས་པ་འཛི་གེན་ཇིའི་ལམ་ཡིན་ཞེས་བྱས་ན། ཡོན་པོ་མཐོང་བ་འཛི་གེན་ཇིའི་ལམ་ཡིན་ནོ། །གག་ལ་སོགས་པ་ཡོན་པོ་མཐོང་བ་ཞེས་བྱས་ན་དེ་ནི་
D123.054.0183b03.01སེམས་ཅན་དམྱལ་བ་དང་། བྱོལ་སོང་དང་། {ཡི་དགས་,ཡི་དྭགས་}ཡིན་ནོ། །ཅིའི་ཕྱིར་ཞེ་ན། ཤཱ་རིའི་བུ་ལུས་ཀྱིས་ཆོས་མ་གྲུབ་པར་སྟན་མཐོན་པོ་ལ་འདུག །རང་གི་ལུས་ཀྱིས་མི་ཤེས་པར་མི་གཞན་གྱི་ཆོས་སྟོན་པ་ནི་སེམས་ཅན་དམྱལ་བར་ལྟུང་ངོ་། །ཤཱ་རིའི་བུ་དེ་ལྟ་བུའི་རྒྱུ་རྐྱེན་ནི་དེ་
D123.054.0183b04.01བཞིན་གཤེགས་པས་ཟད་པར་མཁྱེན་ཏེ། ངའི་སློབ་མ་རྣམས་ཀྱིས་སྒོ་མོ་རྣམ་པ་མང་པོ་དང་། རྒྱུ་རྐྱེན་རྣམ་པ་མང་པོ་དང་། མཐོང་བ་རྣམ་པ་མང་པོ་སྤྱོད་དེ། ངའི་དྲང་པོའི་ཆོས་མེད་པར་བྱས་སོ། །ཤཱ་རིའི་བུ་ལ་ལ་ཞིག་གིས་འདི་ལྟ་བུའི་ཆོས་ཀྱི་ཡི་གེའི་མཆོག་གི་གཞུང་སྟོང་
D123.054.0183b05.01པ་ཅིའང་མེད་པའི་ཆོས་ཐོས་ན་སེམས་དགའ་གཞའ་བ་ཞིག་ཡོད་ན་དེ་ལྟ་བུའི་མི་ནི་ཡང་དག་པའི་ངའི་སློབ་མ་ཡིན་པར་མངོན་ནོ། །ཤཱ་རིའི་བུ་སྔ་མ་འདས་པའི་དུས་ན་དམུས་ལོང་ལྔ་བརྒྱ་ཞིག་ཡོད་པ་ལམ་དུ་དོང་བ་ལས་མཁར་ཆེན་པོ་ཞིག་ཏུ་ཕྱིན་ནས་ཤིན་ཏུ་བཀྲེས་སྐོམ་སྟེ། ལོང་བ་མི་
D123.054.0183b06.01གཅིག་ཕྱི་ལོགས་ན་རྫས་སྲུང་དུ་བཅུག །གཞན་མཁར་གྱི་ནང་དུ་ཟན་གྱི་ལྷག་མ་སློང་དུ་དོང་ནས་རིང་པོར་མ་ལོན་པར་མི་{བརྫུན་,རྫུན་}མ་གཅིག་ནོར་སྲུང་བའི་གན་དུ་འོངས་ཏེ། ཚིག་སྨྲས་པ། ཀྭའི་མི་འདི་ཅི་ཕྱི་ན་འབའ་ཞིག་འདུག །ལན་སྨྲས་པ། བདག་ལ་གྲོགས་མང་དུ་ཡོད་དེ་མཁར་དུ་ཟན་སློང་
D123.054.0183b07.01