完整藏文原文 · 德格版页 当前仅加载第 54 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ད་མཚན་མ་ལེགས་པ་ལ་མ་སྲེག་ཅིག །འདྲན་ཏོར་བརྗོད་པར་མ་བྱེད་ཅིག །སངས་རྒྱས་ནི་ཆོས་སོ་ཅོག་ལ་ཆགས་པ་མེད། ཆོས་ཡོད་ཅིང་ཆགས་སུ་རུང་བ་དང་། དཔག་ཏུ་རུང་བ་ཡང་མ་མཐོང་ངོ་། །དེ་ལྟ་བུའི་མིས་སངས་རྒྱས་ལ་ཡང་ཐོབ་པར་
D123.054.0162a01.01མི་རུང་ན་སེམས་ལྟ་སྨོས་ཀྱང་ཅི་དགོས། ཤཱ་རིའི་བུ་དེ་ལྟ་བུར་སྟོན་པ་མིང་དགེ་བའི་བཤེས་གཉེན་ཞེས་བྱའོ། །མཆོག་གི་གཞུང་གི་ནང་ན་ནི་འདི་ནི་དགེ་བའི་བཤེས་གཉེན་ཡིན། འདི་ནི་ངན་པའི་བཤེས་གཉེན་ཡིན་ཞེས་གཅིག་ཏུ་ཆད་པ་མེད་དོ། །ཡང་ཤཱ་རིའི་བུ་དགེ་
D123.054.0162a02.01སློང་ལ་ལ་ཞིག་དགེ་སློང་གཞན་ལ་སྟོན་པ་དགེ་སློང་ཁྱོད་ཀྱིས་རྣམ་པར་ཕྱེ་ལ་ཆོས་རྣམས་ལ་ཞིབ་ཏུ་རྟོགས་ཏེ། ཆོས་ཀྱི་མཚན་མ་ཡང་མ་སེམས་ཤིག་ཅེས་བསྟན་ཏོ། །དགེ་སློང་དེས་དེ་ལྟ་བུར་སྤྱད་སྦྱངས་པས་སེམས་ལ་ཐོགས་ཤིང་ཆགས་པ་མེད་པས་ཆོས་སོ་ཅོག་གི་
D123.054.0162a03.01མཚན་མ་ཡང་གཅིག་པར་ཁོང་དུ་ཆུད་དེ་དེ་ནི་མཚན་མ་མེད་པའོ། །མི་དེ་ལ་ཆོས་ཀྱི་འདུ་ཤེས་མི་སྐྱེ་ན། བདག་ཏུ་ལྟ་བ་དང་། གང་ཟག་ཏུ་ལྟ་བའི་འདུ་ཤེས་མི་སྐྱེ་བ་ལྟ་སྨོས་ཀྱང་ཅི་དགོས། ཤཱ་རིའི་བུ་ཁྱོད་ཀྱི་ཡིད་ལ་ཇི་སྙམ། ཆོས་ཀྱི་འདུ་ཤེས་སེམས་པའི་མི་དེས་
D123.054.0162a04.01ཆོས་སོ་ཅོག་གི་ཞི་བར་ནུས་སམ། བཅོམ་ལྡན་འདས་མི་ནུས་སོ། །ཤཱ་རིའི་བུ་དཔེར་སྡོང་པོ་རྩ་བ་མེད་པས་ཡལ་ག་དང་། འདབ་མ་དང་། མེ་ཏོག་དང་། འབྲས་བུ་སྨིན་པར་ནུས་པ་ཡོད་དམ་མེད། བཅོམ་ལྡན་འདས་མ་མཆིས་སོ། །འདི་ལྟ་སྟེ། ཤཱ་རིའི་བུ་མི་ལ་
D123.054.0162a05.01ལ་ཞིག་གིས་ཆོས་སོ་ཅོག་གི་རྩ་བའི་ཕྱི་མོ་མ་ཐོབ་པར་མི་དེས་ཆོས་སོ་ཅོག་གི་འདུ་ཤེས་སྐྱེ་བར་ནུས་སམ་མི་ནུས། བཅོམ་ལྡན་འདས་མི་ནུས་ལགས་སོ། །ཤཱ་རིའི་བུ་མི་ལ་ལ་ཞིག་གིས་ཆོས་ཀྱི་འདུ་ཤེས་མི་བསམ་པ་ན། མི་དེས་ཆོས་སོ་ཅོག་ཞི་བར་ནུས་སམ།
D123.054.0162a06.01བཅོམ་ལྡན་འདས་མི་ནུས་ལགས་སོ། །མི་དེས་ཆོས་སོ་ཅོག་མ་ཐོབ། ཆོས་ཀྱི་མཚན་མ་མ་ཐོབ། ཞི་བ་མ་ཐོབ། རྣམ་པར་ཡང་མི་རྟོག་སྟེ། སྐྱེ་བའང་མེད། འགོག་པའང་མེད་ན། མི་དེས་དེའི་ཚེ་མི་སྐྱེ་མི་འགོག་པས་མིང་མྱ་ངན་ལས་འདས་པ་ཐོབ་པ་ཞེས་
D123.054.0162a07.01