完整藏文原文 · 德格版页 当前仅加载第 54 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། དགེ་འདུན་གྱི་དོན་གཅོད་ན། ལུས་མཐོང་བ་འབྱོར་གྲུབ་བོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་ཆོས་ལ་ལུས་མཐོང་བ་འབྱོར་གྲུབ་ན། དགེ་འདུན་གྱི་གྲངས་སུ་མི་གཏོགས་སོ། །ཤཱ་རིའི་བུ་སངས་རྒྱས་ཀྱི་སློབ་མ་རྣམས་ནི། སེམས་ལ་རྣམ་
D123.054.0159a01.01པར་བརྟག་པ་མེད་དོ། །ཤཱ་རིའི་བུ་སངས་རྒྱས་ཀྱི་སློབ་མ་རྣམས་ལ་མི་དགེ་བ་མེད་དོ། །ཚུལ་ཁྲིམས་ཞིག་པ་མེད་དོ། །ཞིག་པར་མཐོང་བ་མེད་དོ། །ཆོ་ག་ཞིག་པ་མེད་དོ། །ཤཱ་རིའི་བུ་གང་ལ་སོགས་པ་ངན་པ་མི་དགེ་བ་ཞེས་བྱ། སངས་རྒྱས་དང་དགེ་འདུན་གྱི་ནང་ན།
D123.054.0159a02.01དགེ་འདུན་གྱི་གྲངས་སུ་མ་ཆུད་པའི་མིང་ངན་པ་མི་དགེ་བའོ། །སེམས་ཀྱིས་སེམས་བགྲང་བའི་ཆོས་ནི་རྐྱེན་རྣམས་དང་འདུས་པ་སྟེ། ཡང་དག་པ་བདེན་པའི་དོན་མེད་དེ། རྣམ་པར་རྟོག་པ་འབའ་ཞིག་བྱེད་དོ། །རྣམ་པར་རྟོག་པ་སྤྱད་པས་ན། ཐོབ་པ་ཡོད་དུ་འཛིན་ཏེ་གང་ཟག་ཐོབ་
D123.054.0159a03.01པ་ནས། ཚིག་གིས་བཤད་པ་ཡོད་པ་ཀུན་ལ་ཐུག་གི་བར་དུ། སེམས་ཀྱིས་སེམས་མཐུད་དེ། དགེ་མི་དགེའི་ཆོས་ལ་ཐུག་པ་ནི། འཕྲུལ་གྱི་ཆོས་ཀྱི་ནང་ན་མིང་ངན་པ་མི་དགེ་ཆོས་ཞེས་བྱའོ། །ཅིའི་ཕྱིར་ཞེ་ན། ཤཱ་རིའི་བུ་སྐྱིད་པ་ཡོད་པའི་གནས་ཀྱི་ནང་ན་གདོན་མི་ཟ་བར་
D123.054.0159a04.01ཉོན་མོངས་པ་ཡོད་དོ། །ཡང་དག་པར་གཤེགས་པའི་ཆོས་ལ་དེ་ལྟ་བུའི་སྐྱིད་སྡུག་མེད་དོ། །ཤཱ་རིའི་བུ་ཡང་དག་པར་གཤེགས་པས་ཐོབ་པ་དེའི་ནང་ན་འདོད་པ་མེད། འདོད་པ་མེད་པའང་མེད། སྐྱིད་པའང་མེད། ཉོན་མོངས་པའང་མེད། སེམས་པའང་མེད། འདུ་ཤེས་ཀྱང་
D123.054.0159a05.01མེད། སྤྱོད་པའང་མེད། སྟོང་པའི་འདུ་ཤེས་ལ་ཐུག་གི་བར་དུའང་མེད་དོ། །ཅིའི་ཕྱིར་ཞེས་བྱས་ན། ཤཱ་རིའི་བུ་སྟོང་པའི་འདུ་ཤེས་ཡོད་དུ་ཟིན་ན་བདག་ཏུ་ལྟ་བའི་འདུ་ཤེས་ཡིན། སེམས་ཅན་དུ་ལྟ་བའི་འདུ་ཤེས་ཡིན། རྟག་པའི་འདུ་ཤེས་ཡིན། ཆད་པའི་འདུ་ཤེས་
D123.054.0159a06.01ཡིན་ནོ། །ཅིའི་ཕྱིར་ཞེ་ན། ཤཱ་རིའི་བུ་འདུ་ཤེས་ཡོད་པའི་ཕྱིར་འབྲངས་ན་མཚན་མའོ་ཅོག་སྐྱེས་ཏེ་ཀུན་ཡོན་པོར་ལྷུང་བ་ཡིན་ནོ། །ཤཱ་རིའི་བུ་སྟོང་པའི་མིང་ནི་སེམས་མེད་པ་སྟེ། དེའི་མིང་སྟོང་པ་ཞེས་བྱའོ། །སྟོང་པའི་སེམས་ཀྱང་སྟོང་པ་སྟེ། དེའི་མིང་སྟོང་པ་ཞེས་བྱའོ། །
D123.054.0159a07.01