完整藏文原文 · 德格版页 当前仅加载第 54 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
པར་མཐོང་བ་སྤྱད་སྦྱངས་ཏེ། དེ་ལྟ་བུའི་མཐོང་བ་རྣམས་སྤྱད་དེ། གཙང་གདང་ན་འདོད་ཅིང་རེ་བ་ནི་མི་དེ་འདོད་ཅིང་ཆགས་ལ་འབྲེངས་ཏེ། དེ་ལྟ་བུའི་དོན་སྤྱད་པས་མྱ་ངན་ལས་འདས་པ་ཐོབ་པར་འདོད་ན་ངས་མིང་མཐར་ལམ་ངན་པར་ལྷུང་ཞེས་བཤད་དོ། །ཤཱ་རིའི་བུ་དཔེར་མི་ལོང་བ་
D123.054.0197b01.01མེ་དོང་ཟབ་མོ་བདེ་སྐྱིད་པའི་སེམས་སྐྱེས་པ་དང་མཚུངས་སོ། །དེ་ལྟ་བུའི་མི་གཏི་མུག་ཀྱང་བདག་དང་། གང་ཟག་ཏུ་ལྟ་བ་དང་། ཐོབ་པ་ཡོད་པར་མཐོང་བ་ལ། བདེ་སྐྱིད་པའི་སེམས་སྐྱེས་ཏེ། མི་དེ་ཉིན་མཚན་དུ་ཆགས་པ་ལ་འབྲེངས་པས་བརྙས་བསླུས་ནས་སླར་
D123.054.0197b02.01དོན་དེ་ལ་ཆགས་ཏེ། ངའི་ཆོས་ཀྱི་ནང་དུ་ཡོན་བླངས་ནས་དེ་ལྟ་བུའི་མི་གཏི་མུག་ཉིན་མཚན་དུ་རྒུད་པའི་མྱ་ངན་གྱིས་ལམ་ངན་པའི་ནང་དུ་ལྷུང་ངོ་། །ཤཱ་རིའི་བུ་དཔེར་མི་སྤྱིའི་ལུགས་ཀྱི་རྒྱལ་པོ་ཆེན་པོ་དང་མཚུངས་ཏེ། བདག་གི་ཁམས་ཀྱི་ཡུལ་གྱི་ནང་ན་བརྗིད་ཀྱི་སྟོབས་རང་དབང་
D123.054.0197b03.01སྟེ། མི་དེ་ལྟ་བུ་ཞིག་ཕྲོག་པའི་རིགས། མི་དེ་ལྟ་ཞིག་བཀོལ་བའི་རིགས་ཞེས་ཟེར་ཏེ། མི་ཕལ་གཞན་རྒྱལ་པོའི་ཡིད་དང་འགལ་ཏེ། རྒྱལ་པོ་ཉེས་པ་ངན་པ་བརྗོད་ནས་མིའི་སེམས་གྱེས་ཤིང་ཞིག་པས་མཁར་གྱི་རིམ་གྲོ་མ་ནུས་ཏེ། ལོག་པར་བགྲོས་པ་རྒྱལ་པོས་མི་དེ་དག་
D123.054.0197b04.01དགྲ་ཆེན་པོ་ཡིན་པར་རིག་ནས་ཕལ་མང་པོའི་ནང་དུ་རྔ་སྒྲ་ངན་པ་བརྡུངས་ཏེ། དེའི་ཉེས་པ་ཤིན་ཏུ་བཅོམ་ནས་བསྐྲད་དེ། འགོང་ཐོན་དུ་བྱུང་ངོ་། །དེའི་སྙིང་ཉེ་བ་ཟད་ཀྱིས་བཙལ་ན་མཁར་གྱི་རིམ་གྲོ་བྱ་མ་ནུས་པས་ན་དེ་ལྟ་བུའི་སྡུག་བསྔལ་ཐོབ་བོ། །ཤཱ་རིའི་བུ་སངས་རྒྱས་ཀྱང་དེ་དང་
D123.054.0197b05.01མཚུངས་ཏེ། བསྐལ་པ་གྲངས་མེད་པའི་བར་དུ་བླ་ན་མེད་པའི་གཡུང་དྲུང་རྫོགས་པའི་བྱང་ཆུབ་སྤྱད་སྦྱངས་ཏེ། ཆོས་ཀྱི་རྒྱལ་པོ་ཆེན་པོ་བྱས་སོ། །ཆོས་ཀྱི་ཡུལ་ས་བཟུང་གཟི་བརྗིད་ཀྱི་མཐུ་ཆེན་པོ་ཡོད། སློབ་མ་རྣམས་ཀྱི་ནང་ན་ཆོས་ཀྱི་རོ་ཤེས་པ་ཡོད་དེ་སྲོག་སྟོར་ལ་ཐུག་ཀྱང་ངས་
D123.054.0197b06.01བསྟན་པ་མ་ཉམས། ལྷ་དང་འཇིག་རྟེན་མི་རྣམས་ཀྱིས་གཞིག་ནུས་པ་མེད་དེ། བསྟན་པ་མནོས་པའི་ནང་ན་བདག་ལ་ངན་ཅིང་བདག་ལོག་པ་ཡང་མེད། གཞན་ལ་ཡང་མི་སྟོན་ཏོ། །དཔལ་གྱི་ནང་ན་གཟི་བརྗིད་ཀྱི་མཐུ་ཆེན་པོ་ཡོད་པས་རང་དབང་གིས་ཆོས་བཙུགས་ཏེ། ཆོས་ཀྱི་
D123.054.0197b07.01