完整藏文原文 · 德格版页 当前仅加载第 54 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
དང་མ་འོངས་པ་དང་། ད་ལྟར་གྱི་སངས་རྒྱས་ལ་ཡང་སྐུར་ཏོ། །ཅིའི་ཕྱིར་ཞེ་ན། ཤཱ་རིའི་བུ་མ་འོངས་པའི་སངས་རྒྱས་ཀྱིས་ཀྱང་ཆོས་སོ་ཅོག་ཐམས་ཅད་ཀུན་མཐའ་ཡུན་དུ་ཀུན་སྟོང་པ་སྟེ། བདག་ཏུ་ལྟ་བ་མེད། གང་ཟག་ཏུ་ལྟ་བ་མེད། སེམས་ཅན་མེད། ཚེ་སྲོག་མེད་ཅེས་བཤད་དོ། །
D123.054.0185b01.01ཤཱ་རིའི་བུ་མ་འོངས་པའི་སངས་རྒྱས་རྣམས་ཀྱིས་ཀྱང་ཆོས་སོ་ཅོག་མཐའ་ཡུན་དུ་སྟོང་པ་སྟེ། བདག་ཏུ་ལྟ་བ་མེད། གང་ཟག་ཏུ་ལྟ་བ་མེད། སེམས་ཅན་མེད། ཚེ་སྲོག་མེད་དོ། །ཤཱ་རིའི་བུ་ད་ལྟར་གྱི་ཕྱོགས་བཅུའི་ཆུ་བོ་གང་གཱའི་བྱེ་མ་སྙེད་ཀྱི་འཇིག་རྟེན་གྱི་ཁམས་ཀྱི་སངས་རྒྱས་རྣམས་ཀྱིས་
D123.054.0185b02.01ཀྱང་ཆོས་སོ་ཅོག་མཐའ་ཡུན་དུ་སྟོང་སྟེ། བདག་ཏུ་ལྟ་བ་མེད། གང་ཟག་ཏུ་ལྟ་བ་མེད། སེམས་ཅན་མེད། ཚེ་སྲོག་མེད་ཅེས་བཤད་དོ། །ཤཱ་རིའི་བུ་དེའི་མིང་སངས་རྒྱས་སོ་ཅོག་གི་བླ་ན་མེད་པའི་ཆོས་ཞེས་བྱ་སྟེ། ཆོས་སོ་ཅོག་ལ་མཚན་ཉིད་མེད་དེ་སྟོང་པ་མེད་པས་ཐོབ་པ་མེད་
D123.054.0185b03.01དོ། །ཕྱི་མོ་ངོ་ཉིད་སྟོང་པ་ཞི་བས་ན་སྐྱེ་བ་ཡང་མེད་དེ། འགོག་པ་ཡང་མེད། ཉིད་ཀྱི་མཚན་མ་དང་རང་བཞིན་གྱི་མཚན་མ་ཡང་མེད་དེ་ཀུན་སྟོང་པ་བས་ན་དེ་བཞིན་གཤེགས་པས་དྲན་པའི་འདུ་ཤེས་ཀྱིས་རྣམ་པར་རྟོག་པ་རྣམས་བཅད་པ་འབའ་ཞིག་གི་ཕྱིར། སངས་རྒྱས་རྣམས་ཀྱི་
D123.054.0185b04.01བྱང་ཆུབ་ལ་རྣམ་པར་བརྟག་པ་མེད་ཅེས་བཤད་དོ། །ཤཱ་རིའི་བུ་གང་ལ་སོགས་པ་ལ་རྣམ་པར་རྟོག་ཅེས་བྱ་བ་རྣམ་པར་རྟོག་གོ་ཅོག་བདག་ཏུ་ལྟ་བ་དང་། གང་ཟག་ཏུ་ལྟ་བ་དང་། སེམས་ཅན་དུ་ལྟ་བ་དང་། ཚེ་སྲོག་ཏུ་ལྟ་བ་དང་། ཆད་པར་མཐོང་བ་དང་། རྟག་པར་མཐོང་བ་དང་།
D123.054.0185b05.01ཕལ་ཐ་མལ་པས་དེ་ལྟ་བུར་རྣམ་པར་རྟོག་པར་འབྱོར་གྲུབ་བོ། །མི་ལ་ལ་ཞིག་ལ་དེ་ལྟ་བུའི་རྣམ་པར་རྟོག་པ་མེད་དེ། ཆོས་སོ་ཅོག་ཀུན་སྟོང་པ་དང་། བདག་ཏུ་ལྟ་བ་མེད། གང་ཟག་མེད། སེམས་ཅན་མེད། ཚེ་སྲོག་མེད་ཀུན་བྱེ་བྲག་ཕྱེད་པར་ཤེས་ནུས་ན། དེ་ལྟར་སེམས་
D123.054.0185b06.01པའི་ཚེ་སེམས་དགའ་གཞའ་ཐོབ་སྟེ། མཆོག་གི་གཞུང་སྟོང་པ་ཐོབ་ནས་མི་དངངས་མི་སྐྲག་སྟེ། མི་དེས་ལྔ་ཕུང་སྒྱུ་མ་མི་བདེན་ཞིང་ཡང་དག་པའི་བདེན་པ་མེད་པར་རིག་གོ། །ཞུགས་པ་བཅུ་གཉིས་དང་ཁམས་{བཅྭ་,བཅོ་}བརྒྱད་སྒྱུ་མ་མི་བདེན་པ་སྟེ། ཡང་དག་པའི་བདེན་
D123.054.0185b07.01