完整藏文原文 · 德格版页 当前仅加载第 54 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
བཤིག་སྟེ། དྲན་ཞིང་སེམས་པ་ཐམས་ཅད་ཀུན་གྱི་སེམས་སོ། །སྨྲ་བའི་ཚིག་ཐམས་ཅད་བསལ་ཏོ། །ངའི་ཆོས་དེའི་ནང་ན་རྟག་པ་མེད། རྟག་པ་མེད་པའང་མེད། སྡུག་བསྔལ་མེད། སྐྱིད་པའང་མེད། དྲི་མའང་མེད། གཙང་བའང་མེད། ཆད་པའང་མེད། རྟག་པའང་མེད། བདག་ཏུ་ལྟ་
D123.054.0157b01.01བའང་མེད། སེམས་ཅན་ཡང་མེད། གང་ཟག་ཀྱང་མེད། ཚེའང་མེད། སྲོག་ཀྱང་མེད། སྐྱེ་བའང་མེད། འགོག་པའང་མེད། དེ་ཅིའི་ཕྱིར་ཞེ་ན། ཤཱ་རིའི་བུ་ཡང་དག་པར་གཤེགས་པས། ཆོས་ལ་ང་མེད། ང་ཞི་བ་ཡོད་པས་ན། མིང་མྱ་ངན་ལས་འདས་ཞེས་བྱ་ན། མྱ་ངན་
D123.054.0157b02.01ལས་འདས་པ་ཐོབ་པའང་མ་མཐོང་། ཤཱ་རིའི་བུ་སངས་རྒྱས་ཀྱང་མྱ་ངན་ལས་འདས་པར་མི་སེམས་སོ། །མྱ་ངན་ལས་འདས་པའི་སེམས་ཀྱང་མི་བྱེད། མྱ་ངན་ལས་འདས་པ་ལ་འདོད་ཆགས་ཀྱང་མེད་དོ། །དེ་ལྟ་བས་ན་དེ་ནི་རབ་ཏུ་ངོ་མཚར་བར་མངོན་ཏེ་ཡོད་དཀོན་ནོ། །དེ་ནི་ཡང་དག་པར་
D123.054.0157b03.01གཤེགས་པས་བཤད་པ་ཆོས་སོ་ཅོག་སྐྱེ་བའང་མེད། འགོག་པའང་མེད། མཚན་མའང་མེད། བྱ་བའང་མེད་ན། མི་ཀུན་ཡིད་ཆེས་ཤིང་ཤེས་པར་བྱས་པ་ན་ཕྱེད་ཀྱིས་ཡོད་དཀོན་ནོ། །ལེའུ་གཉིས་ཏེ་སངས་རྒྱས་བསམ་པའི་ལེའུའོ།། །།དེའི་ཚེ་ཤཱ་རིའི་བུས་སངས་རྒྱས་
D123.054.0157b04.01ལ་གསོལ་པ། བཅོམ་ལྡན་འདས་ཆོས་འདིའི་ནང་ན་ཇི་ལྟ་བུ་ལ་ངན་པའི་བཤེས་གཉེན་ཞེས་བགྱི། ཇི་ལྟ་བུ་ལ་དགེ་བའི་བཤེས་གཉེན་ཞེས་བགྱི། སངས་རྒྱས་ཀྱིས་ཤཱ་རིའི་བུ་ལ་བཀའ་སྩལ་པ། དགེ་སློང་ལ་ལ་ཞིག་དགེ་སློང་གཞན་ལ་སྟོན་པ། དགེ་སློང་ཁྱོད་སངས་རྒྱས་ལ་སོམས་
D123.054.0157b05.01ཤིག །ཆོས་ལ་སོམས་ཤིག །དགེ་འདུན་ལ་སོམས་ཤིག །ཚུལ་ཁྲིམས་ལ་སོམས་ཤིག །གཏོང་བ་ལ་སོམས་ཤིག །ལྷ་ལ་སོམས་ཤིག །དགེ་སློང་ཁྱེད་ཀྱིས་ལུས་ལ་རྟོགས་ཏེ། ལུས་གཟུགས་དེ་མི་གཙང་བར་སོམས་ཤིག །བྱ་བ་ཡོད་དོ་ཅོག་གི་ཆོས་ཐམས་ཅད་ཀུན་ནི་རྟག་པ་མེད་
D123.054.0157b06.01པར་རྟོགས་ཤིག །ཆོས་སོ་ཅོག་ནི་སྟོང་པ་མེད་པར་རྟོགས་ཤིག །དགེ་སློང་ཁྱོད་ཀྱིས་རྐྱེན་ཏོ་ཅོག་གི་མཚན་མ་བླངས་ཏེ། སེམས་ཀྱི་རྐྱེན་གྱི་ནང་དུ་བཏགས་པ་བཞིན་དུ། སྟོང་པའི་མཚན་མ་གཅིག་ཏུ་སོམས་ཤིག །དགེ་བའི་སེམས་ལ་དད་པར་བྱོས་ཤིག །མི་དགེ་བའི་ཆོས་ཀྱི་མཚན་མ་ལོང་ལ།
D123.054.0157b07.01