完整藏文原文 · 德格版页 当前仅加载第 54 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་དང་། འགྲོས་ཟིན་པ་ནུས་སམ་མི་ནུས། བཅོམ་ལྡན་འདས་མི་ནུས་ལགས་སོ། །ཅིའི་ཕྱིར་ཞེས་བགྱིས་ན་ཝའི་ཁ་དོག་དང་སྟོབས་དང་། སྒྲ་སྐད་སེང་གེ་ཙམ་མི་ཕོད་དོ། །ཝས་ནི་ཝའི་སྒྲ་འབའ་ཞིག་བགྱི་ནུས་སོ། །སྒྲ་ཞིག་བགྱིར་བཏབ་ན་ཝའི་སྒྲ་འབའ་ཞིག་འབྱུང་སྟེ་
D123.054.0202b01.01སེང་གེའི་སྒྲ་མ་ལགས་སོ། །དེ་ཡིན་ནོ། །ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་ལེ་ལོ་ཡར་སྐྱེ་བའི་དགེ་སློང་རང་དོན་དམ་པ་ཡིན་སྙམ་འཛིན་ཏོ། །ཆོས་འཆད་མི་གཙང་བ་ནི་འཛི་གེན་ཇིའི་བཤད་པ་མནོས་ཏེ། དོན་གཅིག་ལ་ཆགས་ཏེ་དམ་དུ་བཟུང་སྟེ་མ་བཏང་ངོ་། །འཇིག་རྟེན་གྱི་
D123.054.0202b02.01ཁེ་ལ་བརྐམ་ཞིང་རིན་ཆེ་སྟེ་ཐ་མལ་པའི་ཡི་གེ་ཀློག་པ་ལ་སྲེད་པས་ཆོས་སོ་ཅོག་གི་བདེན་པ་ཁོང་དུ་ཆུད་པར་མ་ནུས་སོ། །མཚན་མ་མེད་པའི་ཆོས་ལ་ཡིད་ཆེས་ཤིང་མནོད་ནུས་ཞེ་ན། བདེན་པ་ཡོང་མེད་དོ། །ཤཱ་རིའི་བུ་དགེ་སློང་ལ་ལ་ཞིག་ལོ་གྲངས་ཀྱིས་རྒན་ཞིང་ལེགས་པ་ཡོད་ལ་
D123.054.0202b03.01དགེ་སློང་གི་ནང་ན་ཀླུ་སྟེ། ཤེས་རབ་ཟབ་མོ་ཡོད་པ་དེ་ལྟ་བུའི་མིས་ཅིའང་མེད་པ་ཉིད་ཀྱི་མཚན་མ་སྟོང་པའི་ཆོས་དང་། བདག་ཏུ་ལྟ་བ་མེད་པ་དང་། གང་ཟག་མེད་པའི་ཆོས་ལ་ཡིད་ཆེས་པར་ནུས་སོ། །ཇི་ལྟ་ཞེ་ན། མི་དེ་མང་པོ་འཛིས་པའི་ཚིག་གོ་ཅོག་དང་དགེ་འདུན་ལ་མི་སྲེད་དོ། །
D123.054.0202b04.01ཆོས་ཡིག་ཀློག་པ་དང་། གཉིད་ཀྱིས་ལོག་པ་དང་། དོན་མང་པོ་ལ་མི་སྲེད། གོས་སྐྱ་བོ་ཅན་གྱི་འཚོ་ནམ་དང་དོན་མི་བྱེད། ཕོ་ཉར་མངག་ཅིང་ཡི་གེ་ཁྱེར་ཞིང་སྐྱེལ་བ་མི་བྱེད། སྨན་གྱི་ཆོས་མི་བྱེད། སྨན་དཔྱད་མི་ཀློག །ཚོང་སྤོགས་མི་བྱེད། འཇིག་རྟེན་གྱི་ཚིག་བརྗོད་ཅིང་སྨྲ་བ་
D123.054.0202b05.01ལ་མི་སྲེད་དོ། །འཇིག་རྟེན་ལས་འབྱུང་བ་བཤད་པ་འབའ་ཞིག་ལ་དད་ཅིང་དགའོ། །མི་ཆོས་སོ་ཅོག་སྟོང་པར་ཡིད་ཆེས་པར་ནུས་ཏེ། ཆོས་སོ་ཅོག་མེད་ཅིང་མི་ལྡན་མི་འཇུག་གོ། །མི་དེ་ལྟ་བས་ན་གདོད་ཡང་དག་པའི་བདེན་པའི་དབྱིངས་སུ་གྲུབ་པར་ནུས་ཏེ། བདེན་པ་བཞིན་གྱི་ཡང་
D123.054.0202b06.01དག་པའི་སེང་གེའི་སྒྲ་ནུས་ཏེ། ཝའི་སྒྲ་མ་ཡིན་ནོ། །ཤཱ་རིའི་བུ་དགེ་སློང་ལ་ལ་ཞིག་ཐ་མལ་པའི་ཡི་གེའི་གཞུང་ལ་ཆགས་པའི་ཞིག་ཡོད་ན་མི་དེས་སངས་རྒྱས་ཀྱི་ཟབ་མོ་དམ་པའི་མཆོག་བཏང་སྟེ། མུར་འདུག་གི་ཆོས་ཁ་ཏོན་དང་། གཟུགས་སུ་འཛིན་པ་ཞེས་བྱའོ། །ཕལ་
D123.054.0202b07.01