完整藏文原文 · 德格版页 当前仅加载第 54 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
མང་པོའི་ཕྱིར་བཤད་ནའང་ཝའི་སྒྲ་འབའ་ཞིག་ཟེར་རོ། །ཤཱ་རིའི་བུ་དེ་ལྟ་བུའི་མི་ངན་པ་ནི་མིང་རུལ་པའི་དགེ་སྦྱོང་ཞེས་བྱའོ། །ཅིའི་ཕྱིར་ཞེ་ན། མུར་འདུག་གི་གཞུང་ཡིན་གྱི། སངས་རྒྱས་ཀྱི་ཆོས་མ་ཡིན་པའི་ཕྱིར་རོ། །ཤཱ་རིའི་བུ་མུར་འདུག་གི་ཆོས་ལ་
D123.054.0203a01.01ཆགས་པའི་དགེ་སློང་ནི་བདག་རང་སངས་རྒྱས་ཀྱི་སློབ་མ་ཡིན་ཞེས་བརྗོད་པར་མི་རིགས་སོ། །ཅིའི་ཕྱིར་ཞེ་ན། དགེ་སློང་ཤཱཀྱའི་བུ་ནི་འཛི་གེན་ཇིའི་ཆོས་མི་འཆད་དེ། ཕལ་མང་པོའི་ནང་ན་སངས་རྒྱས་ཀྱི་ཆོས་འབའ་ཞིག་འཆད་དོ། །མི་ལ་ལ་ཞིག་མི་གཙང་བའི་ཚིག་ལ་
D123.054.0203a02.01ཆགས་ན་སེང་གེའི་སྒྲ་དབྱངས་ཀྱང་ཝའི་སྒྲ་སྐད་དུ་གྲགས་ཏེ། མི་དེ་སངས་རྒྱས་ཀྱི་ཆོས་ཀྱི་མཆོག་གི་གཞུང་ཤེས་པར་མི་ནུས་སོ། །ཤཱ་རིའི་བུ་ངས་ཁྱོད་ལ་བྱེ་བྲག་ཕྱེད་པར་བསྒོའོ། །མི་ལ་ལ་ཞིག་ཚུལ་ཁྲིམས་འཛིན་པ་དང་། བསམ་གཏན་ཐུབ་པ་དང་། ཤེས་རབ་ཆོ་ག་ཚང་
D123.054.0203a03.01སྟེ། མི་འཇུང་། མི་བརྐམ། ཞེ་སྡང་གཏི་མུག་གིས་མ་ཞེན། གཙང་སྒྱུ་མི་སྲེལ། ངན་པས་སྐྱེས་པའི་སེམས་ཡོད། ཡང་དག་པའི་བདེན་པའི་ཚིག་སྨྲ་ཞིང་རྟག་པར་འབའ་ཞིག་གནས་ལ་སྲེད། ཉལ་ཞིང་གཉིད་ལོག་པ་ལ་མི་སྲེད། སྟོང་པ་མཚན་མ་མེད་པ་དང་། སྨོན་པ་
D123.054.0203a04.01མེད་པ་དང་། འགོག་པ་མེད་པའི་སྤྱོད་པ་ལ་སྲེད་དོ། །ཟབ་མོ་འདོད་པའི་སེམས་སྐྱེས་ཏེ། སངས་རྒྱས་ཀྱི་ཆོས་ཀྱི་མཆོག་གི་གཞུང་ཤེས་པ་བཙལ་ནས། འཇིག་རྟེན་གྱི་ཚིག་ལ་ནི་མི་དགའ་འཇིག་རྟེན་ལས་འབྱུང་བའི་ཚིག་ལ་དད་དེ། ཚུལ་ཁྲིམས་རྣམས་རྫོགས་པར་བཟུང་
D123.054.0203a05.01ནས། དོན་ངན་པ་ཐམས་ཅད་དང་། ངན་པའི་བཤེས་གཉེན་ཀུན་བསྲིངས་སྤངས་ཏེ། དེ་ལྟ་བུའི་ཆོས་ལ་གནས་པས་སྟོང་པ་ཅི་ཡང་མེད་པའི་ཆོས་ཤེས་པར་ནུས་སོ། །ཅིའི་ཕྱིར་ཞེ་ན། ཤཱ་རིའི་བུ་སྤྱད་པ་དེའི་མིང་ནི་མི་ཆེན་པོའི་སྤྱོད་པ་ཞེས་བྱ་སྟེ། གསོ་བའི་ཁེ་ལ་བརྐམ་
D123.054.0203a06.01ཞིང་སྲེད་པའི་ཁེ་མ་ཡིན་ཏེ། གཏི་མུག་བླུན་པོའི་ཐ་མལ་པའི་སྤྱོད་པ་མ་ཡིན་ནོ། །སུན་བྱུང་ཞིང་ཞིགས་པའི་དགེ་སྦྱོང་གི་སྤྱོད་པ་མ་ཡིན་ནོ། །སྤང་ཕུབ་ཀྱི་དགེ་སྦྱོང་གི་སྤྱོད་པ་མ་ཡིན་ནོ། །སྒྱུ་མ་མིང་གི་དགེ་སྦྱོང་གི་སྤྱོད་པ་མ་ཡིན་ནོ། །ཤཱ་རིའི་བུ་ཆོས་སོ་ཅོག་གི་བདེན་པའི་མཚན་མའི་
D123.054.0203a07.01