完整藏文原文 · 德格版页 当前仅加载第 54 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་གྱི་མི་རྣམས་ཀྱིས་བུམ་པ་བསྲུངས་པ་ནི་མི་ངན་བདུད་ཀྱི་དོན་ལ་སྲེད་པ་ཡིན་ཏེ་བདག་གི་བསོད་ནམས་ཆེན་པོ་ཡང་སྟོར། མི་གཞན་ཡང་དག་པའི་མཚན་མ་སྤྱད་པའང་བཀབ་སྟེ། བསོད་ནམས་ཆེན་པོ་སྟོར་བར་བྱས་སོ། །ཤཱ་རིའི་བུ་ལེ་ལོ་ཡར་སྐྱེ་བ་ནི་ཀུན་བདུད་ཀྱི་
D123.054.0177a01.01གྲོགས་པོ་ཡིན་ཏེ། བདུད་ཀྱི་དོན་གྲུབ་པར་སྟོན་ཅིང་ཀུན་སྐྱེ་བ་མེད་པའི་ཆོས་ལ་འཕྱ་ཞིང་གཤེའོ། །ཡང་ཤཱ་རིའི་བུ་མི་གཙང་བ་འཆད་པ་ནི་བདག་ཏུ་ལྟ་བ་དང་། གང་ཟག་ཏུ་ལྟ་བ་དང་། སེམས་ཅན་དུ་ལྟ་བ་དང་། ལྔ་ཕུང་དང་། ཞུགས་པ་བཅུ་གཉིས་དང་། ཁམས་{བཅྭ་,བཅོ་}བརྒྱད་དུ་ལྟ་བ་
D123.054.0177a02.01སྟེ། མཐོང་བར་ཐོབ་ཅེས་ཟེར་ཞིང་སེམས་ལ་ལམ་ཐོབ་པར་འཛིན། མྱ་ངན་ལས་འདས་པ་ཐོབ་པར་འཛིན་ཏེ། ཀུན་གྱིས་ཀྱང་འདི་ལྟ་བུ་དྲང་པོའི་ཆོས་ལ་འཕྱ་ཞིང་སྐྲོད་དོ། །ཅིའི་ཕྱིར་ཞེ་ན། མི་དེ་དག་ཁང་སྟོང་པ་ལ་འདོད་ཆགས་པའི་ཕྱིར་བདུད་རྣམས་ཀྱང་མ་ཡིན་ལ། བདུད་ཀྱིས་ཀྱང་
D123.054.0177a03.01བསླད་དཀྲུགས་པས་ངའི་དྲང་པོའི་ཆོས་ནི་བདུད་ཀྱི་དོན་དུ་བྱས་སོ། །ཤཱ་རིའི་བུ་ཁྱིམ་ན་འདུག་པ་ཡང་རུང་། ཁྱིམ་ནས་བྱུང་བ་ཡང་རུང་སྟེ། བདག་ཏུ་ལྟ་བ་མེད། གང་ཟག་ཏུ་ལྟ་བ་མེད། སེམས་ཅན་མེད་དེ་མཐའ་ཡུན་དུ་སྟོང་པའི་ཆོས་ཐོས་ལ་དངངས་དོགས་ཤིང་སྐྲག་ན། དེ་ལྟ་བུའི་
D123.054.0177a04.01མི་ནི་བདུད་ཀྱིས་བསྟན་བསླབས་པར་མངོན་ཏེ། རི་མོའི་དགེ་སློང་ཡིན། ཆོས་རྐུ་བའི་ཆོ་ག་ངན་པ་ཡིན་ནོ། །ཤཱ་རིའི་བུ་དེ་ལྟ་བུའི་མི་ནི་བདག་ཏུ་ལྟ་བ་དང་། སེམས་ཅན་དུ་ལྟ་བ་དང་། ཡོད་པར་མཐོང་བ་དང་། མེད་པར་མཐོང་བ་དང་། རྟག་པར་མཐོང་བ་དང་། ཆད་པར་མཐོང་བ་ཡིན།
D123.054.0177a05.01ཀུན་བདུད་ཀྱི་མི་སྡེ་སངས་རྒྱས་ཀྱི་སློབ་མ་མ་ཡིན་ནོ། །ཇི་ལྟ་ཞེ་ན། ངའི་ཆོས་ཀྱི་ཡི་གེའི་ནང་ནས་བཤད་པ་འཇིག་རྟེན་ཐམས་ཅད་ཀུན་ནི་སྟོང་པ་སྟེ། ངའི་མེད་པའི་གནས་ཀྱང་མེད། གང་ཟག་མེད། སེམས་ཅན་མེད། རྟག་པ་མེད། མི་འགྱུར་བ་མེད། མི་འཇིགས་པའི་ཆོས་མེད་ན།
D123.054.0177a06.01དེ་ལྟ་བུའི་མི་ངན་པས་ཀྱང་ཀུན་གྱིས་ཆོས་ཀྱི་ཡི་གེ་དང་། ཁ་ཏོན་དུ་བཀླགས་ཏེ་མི་གཞན་ལ་བཤད་ན། སེམས་ཅན་ནི་བདག་ཏུ་ལྟ་བ་དང་། གང་ཟག་ཏུ་ལྟ་བ་ལ་ཆགས་པ་དེ་ལྟ་བུའི་མི་གཏི་མུག་ནི་སྡུག་བསྔལ་གྱི་རྒྱུ་བྱེད་པ་ཞེས་བྱའོ། །མིང་མགོ་གཉིས་བསྒྱུར་བ་ལ་བཟློག་པ་ཞེས་
D123.054.0177a07.01