完整藏文原文 · 德格版页 当前仅加载第 54 函德格 175b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་ལ་བརྟགས་ན་མི་གཙང་བ་རྣམ་པ་མང་པོ་སྟེ། ཁྱེད་ལ་སོགས་པས་དེ་ལྟ་བུར་བརྟག་ནུས་ན། རྒྱུན་དུ་ཞུགས་པའི་འབྲས་བུ་ཐོབ་བོ། །ཡང་གཅིག་ཏུ་ན་ལྔ་ཕུང་ལ་སོགས་པའི་ཆོས་འདི་ལ་རྟག་པ་མེད། སྡུག་བསྔལ་སྟོང་པ་སྟེ། ཡང་དག་པའི་ང་མེད་སྲ་མཁྲང་པ་མེད་པར་
D123.054.0175b01.01ཟབ་ཏུ་རྟོགས་ན་གདོད་ལན་ཅིག་ཕྱིར་འོང་བ་ཐོབ་བོ། །བསྒྱུར་ཏེ་ཡང་ཟབ་ཏུ་རྟོགས་ན། ཕྱིར་མི་འོང་བ་དང་དགྲ་བཅོམ་པ་ཐོབ་སྟེ། དེ་ནི་མཆོག་གི་བདེན་པ་གཞུང་ཡིན་ཞེས་ཟེར་རོ། །དེའི་ནང་ན་དགེ་སློང་གཞོན་ནུས་སླར་དྲིས་ན། སངས་རྒྱས་ཀྱི་ཆོས་ཀྱི་ན་དགྲ་བཅོམ་པའི་འབྲས་བུ་ཐལ་
D123.054.0175b02.01འབྱུང་དུ་མཆོག་གི་གཞུང་ཞེས་བྱའམ། ངེད་ལ་སོགས་པའང་དེའི་དོན་ཤེས་ཏེ། དགྲ་བཅོམ་པ་ནི་མཆོག་གི་གཞུང་མ་ཡིན་ནོ། །ད་ལྟར་གྱི་ལྔ་ཕུང་འདི་དྲན་ཞིང་བསམས་པས་སྐྱེས་སམ། མི་དྲན་པ་བསམས་པས་སྐྱེས། ལན་བླན་པ་ལྔ་ཕུང་གིས་དྲན་པ་བསམས་པས་
D123.054.0175b03.01སྐྱེས་སོ། །མི་དྲན་མ་བསམས་པའི་མི་སྐྱེའོ། །ཡང་དྲིས་པ་དྲན་པ་བསམས་པ་དང་ལྔ་ཕུང་ཐ་དད་དམ་ཐ་མི་དད། ལན་སྨྲས་པ། ལྔ་ཕུང་དང་མཚུངས་ཏེ། དྲན་པ་བསམས་པ་ཡང་དེ་བཞིན་ནོ། །ཡང་དྲིས་པ་ལྔ་ཕུང་དང་མཚུངས་ཏེ། དྲན་པ་བསམས་པ་ཡང་དེ་བཞིན་
D123.054.0175b04.01དུ་ཟིན་ན་ལྔ་ཕུང་སེམས་པ་སུ་ཡིན། ལན་སྨྲས་པ། ལྔ་ཕུང་སེམས་པ་མེད་དུ་ཟིན་ན། མྱ་ངན་ལས་འདས་པ་ཡང་མེད་དོ། །བདེན་པར་ན་ལྔ་ཕུང་སེམས་པ་མེད་དོ། །དེ་ལྟ་བས་ན་དྲང་པོའི་འཕགས་པའི་ལམ་བརྒྱད་སྤྱད་དེ། མྱ་ངན་ལས་འདས་པར་ཆུད་པ་ཡོད་དོ་ཞེས་ཟེར་རོ། །
D123.054.0175b05.01ཤཱ་རིའི་བུ་མ་འོངས་པའི་དུས་ན། དགེ་སློང་འདི་ལྟ་བུའི་བཟོད་པ་འབྱོར་གྲུབ་པ་མང་ངོ་། །ཤཱ་རིའི་བུ་དེའི་ཚེ་ཚོགས་པའི་ནང་ན་ལྷ་ཕལ་མང་དུ་ཡོད་དེ། །སངས་རྒྱས་ཀྱི་ཆོས་མཆོག་གི་བདེན་པའི་གཞུང་ཐོས་པར་དགའ་ན། ལེ་ལོ་ཡར་སྐྱེ་བ་དེས་བཤད་པ་ཐོས་པ་དང་། སེམས་ལ་
D123.054.0175b06.01དོགས་ཤིང་འགྱོད་པ་སྐྱེས་ཏེ། ཁུང་ཟབ་མོར་ལྟུང་བ་དང་མཚུངས་ནས་ཀུན་འདི་སྐད་ཟེར་རོ། །ཀྭའི་སངས་རྒྱས་ཤཱཀྱ་ཐུབ་པའི་ཆོས་ནི་ད་མྱུར་དུ་མེད་ལ་ཐུག་གོ་ཞེས་ཟེར་རོ། །ཤཱ་རིའི་བུ་དེའི་ནང་ན་དགེ་བ་འབྱོར་གྲུབ་པའི་དགེ་སློང་ཡོད་པས། དགེ་སློང་འདི་ལ་འདི་སྐད་བྱས་སོ། །མི་
D123.054.0175b07.01