完整藏文原文 · 德格版页 当前仅加载第 54 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
གཉེན་དང་། སྦྱིན་བདག་ཀུན་སྡོམ་དུ་ཡོངས་སུ་མི་འབུམ་ཁྲི་ཕྲག་དྲུག་བརྒྱ་རྩ་བཞི་ཡོད་དེ། མཁན་པོ་འདི་བཞི་དང་ལྷན་ཅིག་ཏུ་སྐྱེ། ལྷན་ཅིག་ཏུ་འཆི་སྟེ། སེམས་ཅན་དམྱལ་བ་ཆེན་པོ་ན་འཁོད་ཅིང་བསྲེགས་པའོ་ཅོག་གིས་ཉོན་མོངས་སོ། །ཤཱ་རིའི་བུ་མི་དེ་ལ་དགེ་བའི་བཤེས་
D123.054.0188b01.01གཉེན་དང་། སྦྱིན་བདག་དང་། སློབ་མ་དང་། མཁན་པོ་བཞིན་དུ་བྱེད་དོ་ཅོག་ཀུན་གྲངས་དེའི་ནང་དུ་གཏོགས་ཏེ་ཟད་པར་སེམས་ཅན་དམྱལ་བར་སྐྱེའོ། །ཤཱ་རིའི་བུ་ཁྱོད་ལ་སོགས་པས་དེའི་མང་ཉུང་ཤེས་པར་མི་ནུས་སོ། །ཡང་དག་པར་གཤེགས་པ་ཉི་ཚེས་གདོད་མཁྱེན་པར་ནུས་སོ། །
D123.054.0188b02.01མི་ངན་པ་དེ་དག་སེམས་ཅན་དམྱལ་བར་ལྟུང་སྟེ། ལྷན་ཅིག་ཏུ་སྐྱེས་སོ། །ལྷན་ཅིག་ཏུ་འཆི་བ་སྡོམ་དུ་མི་འབུམ་ཁྲི་ཕྲག་དྲུག་བརྒྱ་རྩ་བཞི་ཡོད་དེ། དེ་ལྟ་བུ་གཅིག་ནས་གཅིག་གི་བར་དུ་བསྐལ་པ་གཅིག་གི་བར་དུ་ཉོན་མོངས་ནས། བསྐལ་པ་ཆེན་པོ་བསྲེགས་ལ་ཐུག་གི་བར་དུ། འོན་ཀྱང་
D123.054.0188b03.01སེམས་ཅན་དམྱལ་བ་ན་འཁོད་དོ། །ཅིའི་ཕྱིར་ཞེ་ན། ཤཱ་རིའི་བུ་ཡང་དག་པར་གཤེགས་པའི་བླ་ན་མེད་པའི་གཡུང་དྲུང་རྫོགས་པའི་བྱང་ཆུབ་བཤིག་པ་དེའི་སྡིག་ཤིན་ཏུ་ལྕི་སྟེ། ཡང་བ་མ་ཡིན་ནོ། །བསྐལ་པ་ཆེན་པོས་བསྲེགས་སུ་ཟིན་ཀྱང་མི་ངན་པ་དེ་བཞི་དང་། མི་འབུམ་ཁྲི་ཕྲག་དྲུག་
D123.054.0188b04.01བརྒྱ་རྩ་བཞི་ནི་བསྟིར་མེད་པའི་དམྱལ་བ་ཆེན་པོ་འདི་ནས་ཡང་སྐྱེས་ཏེ། ཕྱོགས་གཞན་གྱི་སེམས་ཅན་དམྱལ་བ་ཆེན་པོ་ན་འཁོད་དོ། །དེ་ཅིའི་ཕྱིར་ཞེ་ན། ཤཱ་རིའི་བུ་སྡིག་ལྕི་བ་ཆོ་ག་ཚང་སྟེ་དེའི་ལན་མི་ཉུང་བས་ཕྱོགས་གཞན་ལོ་གྲངས་མེད་པ་བརྒྱ་སྟོང་ཁྲི་འབུམ་འདའ་ཡུ་ཏའི་བར་དུ་སྡུག་
D123.054.0188b05.01བསྔལ་ཆེན་པོས་ཉོན་མོངས་ཤིང་འཁོད་དོ། །འཇིག་རྟེན་གྱི་ཁམས་སུ་སླར་སྐྱེས་ཀྱང་སྡིག་གི་མི་དེ་བཞི་དང་། མི་ཕལ་འབུམ་ཁྲི་ཕྲག་དྲུག་བརྒྱ་རྩ་བཞི་པོ་དང་། མི་གཞན་སྡིག་མ་བྲལ་བ་རྣམས་ཕ་ཀིར་ཚེ་ཟད་ན། སླར་ཡང་སེམས་ཅན་དམྱལ་བ་ཆེན་པོའི་ནང་དུ་སྐྱེས་སོ། །ཤཱ་རིའི་བུ་སྡིག་
D123.054.0188b06.01གི་མི་དེ་བཞི་དང་སེམས་ཅན་ཕལ་འབུམ་ཁྲི་ཕྲག་དྲུག་བརྒྱ་རྩ་བཞི་པོ་ཐ་མར་སེམས་ཅན་དམྱལ་བའི་ནང་དུ་སྡུག་བསྔལ་ལས་ཐར་མོད་ཀྱི། མིའི་ནང་དུ་སྐྱེ་བ་ཐོབ་ན་ཚེ་རབས་ལྔ་བརྒྱའི་བར་དུ་ཐོག་མ་བཙའ་བ་ནས་དམུས་ལོང་སྟེ། དེ་ནས་གདོད་སངས་རྒྱས་ཀུན་སྣང་ཡང་ཡང་དག་པར་གཤེགས་པ་གསོལ་
D123.054.0188b07.01