完整藏文原文 · 德格版页 当前仅加载第 54 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
གི་དུག་མདའ་མནོས་སོ། །ཅིའི་ཕྱིར་ཞེ་ན། ཤཱ་རིའི་བུ་མི་དེས་ཆོས་ཀྱི་རྣམ་གྲངས་ངེས་པར་ཤེས་པར་མི་ནུས་པར་གཞན་ལ་ཆོས་བཤད་དེ། སེམས་མི་དགའ་མི་སྐྱིད་དེ་སྐྱིད་དུ་ཟིན་ནའང་མྱུར་དུ་སྟོན་ཏོ། །ཤཱ་རིའི་བུ་ངས་བཤད་པ་མི་གཙང་བ་ལ་དེ་ལྟ་བུའི་ཉེས་སྡིག་ཡོད་དེ།
D123.054.0185a01.01དྲང་པོའི་ལམ་ཐོབ་པར་མི་ཤེས་སོ། །དེ་ལྟ་བུའི་དོན་ནི་དགེ་སློང་ཐམས་ཅད་ཀྱིས་མི་ཤེས། ལྷ་རྣམས་ཀྱིས་ཀྱང་མི་ཤེས་ཏེ། ང་འབའ་ཞིག་གིས་གདོད་ཤེས་སོ། །ཡང་ཆོས་འཆད་པ་མི་གཙང་བའི་དགེ་སློང་གིས་དེ་བཞིན་གཤེགས་པས་སྤྲོས་པ་བཞིན་དུ་བཤད་པ་མ་ཤེས་ཏེ། མི་གཞན་
D123.054.0185a02.01ལ་བཤད་པ་ཆོས་ཀྱི་ཡི་གེ་གཞན་གྱི་ནང་ན་བདག་ཏུ་ལྟ་བ་མེད། གང་ཟག་ཏུ་ལྟ་བ་མེད། སེམས་ཅན་མེད། ཚེ་སྲོག་མེད་ཅེས་བཤད་པ། མི་དེས་བདག་གིས་ཚིག་བརྗོད་པ་སྤྱད་དེ། བདག་ཏུ་ལྟ་བ་ཡོད། གང་ཟག་ཏུ་ལྟ་བ་ཡོད། སེམས་ཅན་ཡོད། ཚེ་སྲོག་ཡོད་ཅེས་བཤད་དེ། སངས་རྒྱས་
D123.054.0185a03.01ལ་སྐུར། ཆོས་ལ་སྐུར། དགེ་འདུན་ལ་སྐུར་ཏེ། དཀོན་མཆོག་གསུམ་ལ་སྐུར་པའི་སྡིག་ནི་ལྷ་རྣམས་དང་། འཇིག་རྟེན་གྱི་མིས་ཤེས་པར་མི་ནུས་ཏེ། སངས་རྒྱས་ཉི་ཚེས་མཁྱེན་ཏོ། །ཤཱ་རིའི་བུ་མི་དེས་ཡང་མི་ཆོས་འཆད་པ་མི་གཙང་བ་ཞེས་བྱ་སྟེ། ངས་དེ་ཉེས་པ་ཤེས་སོ། །གཞན་རྫུ་འཕྲུལ་
D123.054.0185a04.01ཅན་དང་ལྷ་རྣམས་ཀུན་གྱིས་ཤེས་པར་མི་ནུས་ཏེ། སངས་རྒྱས་ཉི་ཚེས་མཁྱེན་ཏོ། །ཤཱ་རིའི་བུ་ད་ངས་ཁྱོད་ལ་དཔེ་ཚུལ་གྱིས་དགྲོལ་བ་བཤད་དོ། །མི་ལ་ལ་ཞིག་གིས་སངས་རྒྱས་ཀྱི་ལམ་གྱི་གཞུང་གི་མཚན་མ་མི་ཤེས་པར་མི་གཞན་ལ་མི་གཙང་བར་ཆོས་འཆད་ན། མི་དེས་མི་དགེ་བའི་
D123.054.0185a05.01དོན་ཅི་སྲིད་འབྱོར་འགྲུབ། ཤཱ་རིའི་བུ་ཁྱོད་ཀྱི་ཡིད་ལ་ཇི་སྙམ། འཛམ་བུའི་གླིང་གི་སེམས་ཅན་མང་ངམ་མི་མང་། བཅོམ་ལྡན་འདས་ཤིན་ཏུ་མང་ལགས་སོ། །ཤཱ་རིའི་བུ་མི་ངན་པ་ལ་ལ་ཞིག་གིས་དེ་ཟད་པར་གྱི་སྲོག་ཕྲོགས་ན་མི་དེས་སྡིག་ཐོབ་པ་མང་ངམ་ཉུང་། བཅོམ་ལྡན་
D123.054.0185a06.01འདས་ཤིན་ཏུ་མང་ལགས་སོ། །དེ་ལྟ་བུའི་མི་གཏི་མུག་གིས་སངས་རྒྱས་ཀྱི་ལམ་མི་ཤེས་པར་མི་གཞན་ལ་ཆོས་འཆད་པ་མི་གཙང་བ་ནི་སྡིག་དེ་བས་མང་ངོ་། །ཅིའི་ཕྱིར་ཞེ་ན། མི་དེས་ཆོས་འཆད་པ་མི་གཙང་བས། བླ་ན་མེད་པའི་སངས་རྒྱས་ཀྱི་ལམ་བཤིག །སྔ་མ་འདས་པ་
D123.054.0185a07.01