完整藏文原文 · 德格版页 当前仅加载第 54 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྟེ། ངས་མི་དེ་ཡོན་ལེན་དུ་གནང་ངོ་། །མི་དེ་ལྟ་བུས་ཡོན་བླངས་པ་དེའི་དགེ་བར་ཡོན་བླངས་པ་ཞེས་བྱའོ། །ཤཱ་རིའི་བུ་གཙང་གདང་བར་ཚུལ་ཁྲིམས་བསྲུངས་པ་དང་། ཡོན་བདག་ཕྱེ་བསྟན་པ་དང་། མདོ་སྡེའི་ཡི་གེ་ཁ་ཏོན་དང་ཀློག་པ་ཐོས་ཏེ་དེ་ནི་མདོའི་སྡེ། དབྱངས་ཀྱིས་བསྙད་
D123.054.0207b01.01པའི་སྡེ། ལུང་དུ་བསྟན་པའི་སྡེ། ཚིགས་སུ་བཅད་པའི་སྡེ། ཆེད་དུ་བརྗོད་པའི་སྡེ། གླེང་གཞིའི་སྡེ། དེ་ལྟ་བུའི་ཚིག་གི་ཆོས་ཡིན་ནོ། །སྐྱེས་པ་རབས་ཀྱི་སྡེ། ཤིན་ཏུ་རྒྱས་པའི་སྡེ། རྨད་དུ་བྱུང་བའི་སྡེ། རྟོགས་པ་བརྗོད་པའི་སྡེའོ། །མི་དེས་ཡང་གཅིག་ཏུ་ན་ཚུལ་ཁྲིམས་གཙང་གདང་
D123.054.0207b02.01བར་གཟུང་ནུས་ཏེ། སྐྱོན་མེད་ཅིང་མི་སྨེ་མི་རྙོག །མི་ཆགས་པ་ལ་རང་དབང་བས་མཛངས་པས་བསྔགས་པ་རང་གིས་ཆོ་ག་ཚང་བར་ནུས་ཏེ། བསམ་གཏན་ཐུབ་པ་བཞིན་དུ་མི་འགལ་ལ། དུས་དུས་སུ་བསམ་གཏན་ན་འདུག་པ་སྲེད་པ་དེ་ལྟ་བུའི་དགེ་སློང་ནི་ངས་ཀྱང་ཡོན་དུ་གནང་ངོ་། །ཤཱ་རིའི་
D123.054.0207b03.01བུ་ལུས་ཀྱིས་ཆོས་རིག་ན་དོགས་ཤིང་འགྱོད་པ་མེད་པ་ངས་དེ་ལྟ་བུའི་མི་སྟན་མཐོན་པོར་འདུག་ཅིང་ཆོས་བཤད་དུ་གནང་ངོ་། །ཐ་མལ་པ་ཕལ་ཡིན་མོད་ཀྱི་ཚུལ་ཁྲིམས་གཙང་གདང་བ་གཟུང་ལ་སེམས་མུར་འདུག་གི་ཆོས་ཀྱི་གཞུང་ལ་མ་ཆགས་ཏེ། སེམས་གཅིག་ཏུ་འགྲུས་པར་དགེ་བར་དགེ་སྦྱོང་
D123.054.0207b04.01གི་རབ་ནི་འབྲས་བུ་བཅད་དེ་གསོ་བའི་ཁེ་ལ་མ་ཆགས། ངེས་པར་བཤད་པ་ལ་བཟའ་མཁས་ཏེ། མང་དུ་ཐོས་པའི་དཔེ་རྒྱ་ཡངས་པ་ནི་དཔེ་རྒྱ་མཚོ་ཆེན་པོ་དང་མཚུངས། སྲོག་སྟོར་ལ་ཐུག་ཀྱང་{བརྫུན་,རྫུན་}ཚིག་མི་ཟེར། འཐབ་ཅིང་རྩོད་པ་ལ་མི་སྲེད་དེ་རང་ལ་ཡང་ཕན། གཞན་ལ་ཡང་ཕན།
D123.054.0207b05.01གཙང་གདང་བའི་མཆོག་གི་གཞུང་འབའ་ཞིག་འཆད་ཅིང་བཤད་དོ། །མཆོག་དེ་བཞིན་ལ་དེ་བཞིན་དུ་སྤྱོད་པའོ། །ཤཱ་རིའི་བུ་དེ་ལྟ་བུར་འཆད་པ་ནི་ངས་ཆོས་འཆད་དུ་གནང་ངོ་། །ཡང་དག་པར་གཤེགས་པས་ཅི་བཤད་པ་ཆོས་སོ་ཅོག་དང་མི་འགལ་མི་ལྡོག་པར་བྱ་ནུས་པ་སྟེ། དེ་ཚུལ་
D123.054.0207b06.01ཁྲིམས་དང་། བསམ་གཏན་དང་། ཤེས་རབ་དང་། གྲོལ་ཐར་དང་། ཤེས་མཐོང་བ་ལས་ཀྱང་གྲོལ་ཐར་ཏོ། །ཤཱ་རིའི་བུ་ཁེ་ཚོལ་བའི་དགེ་སློང་ནི་སངས་རྒྱས་ཀྱི་ཕྱིར་ཁྱིམ་ནས་ཚུལ་ཁྲིམས་ཀྱི་ལེའུ་བཤིག་ན་ཆོས་བཤད་པ་ཅི་དགོས། ཅིའི་ཕྱིར་ཞེ་ན། ཤཱ་རིའི་བུ་ངའི་ཆོས་ཀྱི་ཡི་གེའི་ནང་ན་བཤད་
D123.054.0207b07.01