完整藏文原文 · 德格版页 当前仅加载第 54 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀྱི་ཆོས་སུ་འཇུག་འདོད་ན། ཟླ་བ་བཞིའི་བར་དུ་སད་པའི་རིགས་སོ། །ཅིའི་ཕྱིར་ཞེ་ན། མུར་འདུག་གི་མི་རྣམས་ལ་ནི་བདག་ཏུ་ལྟ་བ་དང་། གང་ཟག་ཏུ་ལྟ་བ་དང་། སེམས་ཅན་དུ་ལྟ་བ་དང་། ཚེ་སྲོག་ཏུ་ལྟ་བ་དང་། རྟག་པར་མཐོང་བ་མང་དུ་ཡོད་དོ། །ཤཱ་
D123.054.0191a01.01རིའི་བུ་ངའི་སློབ་མ་ལ་ནི་བདག་ཏུ་ལྟ་བ་དང་། གང་ཟག་ཏུ་ལྟ་བ་དང་། སེམས་ཅན་དུ་ལྟ་བ་དང་། ཚེ་སྲོག་ཏུ་ལྟ་བ་དང་། ཆད་པར་མཐོང་བ་དང་། རྟག་པར་མཐོང་བ་མེད་དེ། ངའི་སློབ་མ་རྣམས་ཀྱིས་སྟོང་པ་དང་། མཚན་མ་མེད་པ་དང་། སྨོན་པ་མེད་པ་དང་། ཅི་ཡང་ཐོབ་པ་
D123.054.0191a02.01མེད་པ་འབའ་ཞིག་བཤད་དེ། སེམས་ལ་འཇུག་པའི་གནས་མེད་པར་འཆད་དོ། །ཤཱ་རིའི་བུ་ལ་ལ་ཞིག་དེ་ལྟ་བུའི་བཟོད་པ་འབྱོར་གྲུབ་པ་ཞིག་ཡོད་ན་ངས་མི་དེ་ལྟ་བུ་ཁྱིམ་ནས་བྱུང་ཞིང་ཚུལ་ཁྲིམས་ནོད་དུ་གནང་སྟེ། ཡོན་གོས་དང་། ཟས་དང་། མལ་ཆ་དང་། རྩི་སྨན་ཕུལ་བ་
D123.054.0191a03.01བླང་དུ་རུང་ངོ་། །མི་དེ་ལྟ་བུ་བཟོད་པ་མེད་པ་ནི་སྔོན་དུ་སད་པའི་རིགས་ཏེ། སྔར་ཆོས་སོ་ཅོག་ལ་ང་མེད་པ་ལ་གནས་སུ་བཅུག་གོ། །ཤཱ་རིའི་བུ་ལ་ལ་ཞིག་དེ་ལྟ་བུའི་བཟོད་པ་ལ་སེམས་མི་དགའ་ཞིང་མཆོག་གི་གཞུང་སྟོང་པ་བཤད་པ་ཐོས་ན་དངངས་ཤིང་དོགས་ལ་ཟུར་ཐེལ་གྱིས་གཤེའོ། །
D123.054.0191a04.01བདག་ཏུ་ལྟ་བ་འཆད་པ་ཐོས་ན་སེམས་དགའ་བར་འཛིན་ན་དེ་ལྟ་བུའི་མི་ནི་བདུད་ཀྱིས་བཀོལ་བར་མངོན་ཏེ། མུར་འདུག་ལས་ཀྱང་འདས་སོ། །ཤཱ་རིའི་བུ་ཤེས་རབ་ཅན་ནི་དེ་ལྟ་བུ་ལ་ཞེ་སྡང་སྐྱེ་བར་མི་རིགས་ཀྱི་དེ་ལྟ་བུ་ལ་སྙིང་རྗེའི་སེམས་སྐྱེ་བར་རིགས་སོ། །ཅིའི་ཕྱིར་ཞེ་ན། ཤཱ་རིའི་བུ་མི་
D123.054.0191a05.01ལ་ལ་ཞིག་གིས་དེ་ལྟ་བུའི་ངན་པ་འབྱོར་གྲུབ་པ་ནི་ངན་པའི་ལམ་ཐོབ་བོ། །ཆོས་བཤད་ཀྱིས་མི་ཟད་དེ་མི་དེ་ལ་བསོད་ནམས་ཀྱི་སེམས་བསྐྱེད་ཅིང་ཆོས་སོ་ཅོག་ལ་ཡང་ང་མེད་པ་དང་། ཆོས་སོ་ཅོག་སྟོང་པ་ཞི་བ་དང་། ཆོས་སོ་ཅོག་ལ་བྱ་བ་མེད་པ་དང་། ཐོབ་པ་མེད་པས་བསྟན་ཏོ། །མི་
D123.054.0191a06.01དེས་སངས་རྒྱས་ཀྱི་ཆོས་མནོས་ལ་དོན་འདི་ཐོས་ཏེ། སེམས་དགའ་ཞིང་དད་ན་ནི་གཞན་སྟོང་པ་སྤྱད་པ་དགེ་སློང་གིས་ཅི་ཡང་ཐོབ་པ་མེད་པ་ཀུན་བསྟན་བསླབས་ཏེ་ཕན་ཞིང་དགའ་བར་སེམས་དགའ་བའི་རིགས་སོ། །ཆོས་སོ་ཅོག་ལ་ཅི་ཡང་མེད་པ་སྟོང་པ་བཤད་པ་ཐོས་ན་དངངས་སྐྲག་སྟེ།
D123.054.0191a07.01