完整藏文原文 · 德格版页 当前仅加载第 39 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུ་བ། ཡེ་ཤེས་དམ་པའི་ཕ་རོལ་ཏུ་སོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཐོབ་པ། རྫུ་འཕྲུལ་གྱི་ཕ་རོལ་ཏུ་ཕྱིན་པས་འགྲོ་བ་མཆོག་ཐམས་ཅད་ཀྱི་ཕ་རོལ་ཏུ་སོན་པ། ཏིང་ངེ་འཛིན་མཆོག་ལ་དབང་ཐོབ་པ་ཤ་སྟག་གོ །དགེ་སློང་མ་ལྔ་བརྒྱ་དང་ཡང་ཐབས་ཅིག་པ་ལ་འདི་
D45.039.0007a01.01ལྟ་སྟེ། གཽ་ཏ་མཱི་སྐྱེ་དགུའི་བདག་མོ་ཆེན་མོ་དང་། དགེ་སློང་མ་བདེ་མ་དང་། དགེ་སློང་མ་ཨུད་པ་ལའི་མདོག་དང་། དགེ་སློང་མ་གཽ་ཏ་མཱི་སྐེམ་མོ་དང་། སྒྲ་གཅན་ཟིན་གྱི་མ་དགེ་སློང་མ་གྲགས་འཛིན་ལ་སོགས་པ་དགེ་སློང་མ་ལྔ་བརྒྱ་དང་ཡང་ཐབས་ཅིག་གོ །དགེ་བསྙེན་ལྔ་བརྒྱ་ཙམ་དང་
D45.039.0007a02.01ཡང་ཐབས་ཅིག་པ་ལ་འདི་ལྟ་སྟེ། དགེ་བསྙེན་གཟི་བརྗིད་བཟང་པོ་དང་། སའི་གཟི་བརྗིད་དང་། ཤེས་རབ་འོད་དང་། གྲགས་པའི་གཟི་བརྗིད་དང་། གྲགས་མཆོག་གཟི་བརྗིད་དང་། བློ་གྲོས་བཟང་དང་། ཟླ་བའི་དཔལ་དང་། ཟླ་བ་དགའ་དང་། ཆེར་དགའ་དང་། སྒྲ་གཅན་བཟང་དང་། ཆེར་
D45.039.0007a03.01བཟང་ལ་སོགས་པ་དགེ་བསྙེན་ལྔ་བརྒྱ་དང་ཡང་ཐབས་ཅིག་གོ །དགེ་བསྙེན་མ་ལྔ་བརྒྱ་ཙམ་ལ་འདི་ལྟ་སྟེ། དགེ་བསྙེན་མ་འོད་ཆེན་དང་། འོད་{བཟངས་,བཟང་}དང་། ལུས་{བཟངས་,བཟང་}དང་། མངོན་དགའ་ལུས་དང་། བཟང་མོ་དང་། བཟང་དཔལ་དང་། ཟླ་འོད་དང་། ཏོག་འོད་དང་། དཔལ་
D45.039.0007a04.01འོད་དང་། མིག་{བཟངས་,བཟང་}ལ་སོགས་པ་དགེ་བསྙེན་མ་ལྔ་བརྒྱ་དང་ཡང་ཐབས་ཅིག་གོ །དེ་བཞིན་དུ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་ཡོངས་སུ་བསྐོར་ཅིང་མདུན་གྱིས་བལྟས་
D45.039.0007a05.01ནས་བཅོམ་ལྡན་འདས་ཆོས་སྟོན་ཏེ། འདི་ལྟ་སྟེ། སྡོམ་པ་གསུམ་བསྟན་པ་ཞེས་བྱ་བའི་ཆོས་ཀྱི་སྒོའི་ལེའུ་ཡང་དག་པར་རབ་ཏུ་སྟོན་ཏོ། །དེ་བཞིན་གཤེགས་པ་ཐམས་ཅད་ཀྱི་ཡུལ། བྱང་ཆུབ་སེམས་དཔའི་སྤྱོད་པ་རབ་ཏུ་བརྗོད་པ། ཆོས་ཀྱི་དབྱིངས་ཀྱི་དཀྱིལ་འཁོར་ཐམས་ཅད་སྣང་བ།
D45.039.0007a06.01ཆོས་ཀྱི་དཀྱིལ་འཁོར་ཐམས་ཅད་ཡང་དག་པར་འདུ་བར་སྣང་བ། ཞིང་གི་དཀྱིལ་འཁོར་ཐམས་ཅད་རྣམ་པར་སྦྱོང་བའི་རྒྱན། ཕས་ཀྱི་རྒོལ་བ་ཐམས་ཅད་རྣམ་པར་འཐོར་བ། བདུད་ཀྱི་རྩོད་པའི་ཕ་རོལ་གྱི་དམག་ཚོགས་རབ་ཏུ་འཇོམས་པ། སེམས་ཅན་གྱི་ཁམས་ཐམས་ཅད་ཚིམ་པར་བྱེད་
D45.039.0007a07.01