完整藏文原文 · 德格版页 当前仅加载第 39 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་སྟོན་ཏེ། མི་རིགས་པ་རྣམས་ལ་མ་ཡིན་ནོ། །ཡོན་ཏན་དང་ལྡན་པ་རྣམས་ལ་སྟེ། ཉེས་པར་གནས་པ་རྣམས་ལ་མ་ཡིན་ནོ། །ཚུལ་དང་ལྡན་པ་རྣམས་ལ་སྟེ། ཚུལ་ངན་པ་རྣམས་ལ་མ་ཡིན་ནོ། །ཁྱེད་ཀྱིས་ཆོས་དེ་དག་གཟུང་བར་བྱ་སྟེ།
D45.039.0011a01.01ཇི་ལྟར་ཆོས་ལ་མངོན་པར་ཞེན་པར་མི་འགྱུར་བ་དེ་ལྟར་ཟུང་ཤིག །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་མཆོག་གསུང་བའི་ཕྱིར་ཏེ། སེམས་ཅན་གཟུང་བར་འོས་པ་རྣམས་ཀྱི་དོན་གྱི་ཕྱིར་དྲིས་པ་དེ་ལ་ངས་ཆོས་ཀྱི་མཆོག་གིས་ལན་གདབ་པར་བྱའོ། །དེ་ལ་ཆོས་ཀྱི་
D45.039.0011a02.01མཆོག་གང་ཞེ་ན། གང་ལ་ཆོས་ཀྱི་འདུ་ཤེས་མེད་པའོ། །འོད་སྲུང་འདི་ལ་བྱང་ཆུབ་སེམས་དཔའ་ཐོག་མ་ཉིད་དུ་ཚུལ་ཁྲིམས་དང་ལྡན་པར་འགྱུར་རོ། །གང་གི་སེམས་ལ་རྗེས་སུ་འགྱོད་པ་ཡོད་པ་ནི་མཚམས་མེད་པ་བྱེད་པར་མི་འགྱུར། དགེ་སློང་མ་སུན་པར་བྱེད་པར་མི་འགྱུར།
D45.039.0011a03.01ཁྱིམ་གྱི་ནང་དུ་འདྲེ་བར་མི་འགྱུར། སྲོག་གཅོད་པར་མི་འགྱུར། མ་བྱིན་པར་ལེན་པར་མི་འགྱུར། འདོད་པ་ལ་ལོག་པར་གཡེམ་པར་མི་འགྱུར། {བརྫུན་,རྫུན་}སྨྲ་བར་མི་འགྱུར། ཕྲ་མ་སྨྲ་བར་མི་འགྱུར། ངག་རྩུབ་པོ་སྨྲ་བར་མི་འགྱུར། ཚིག་ཀྱལ་པ་སྨྲ་བར་མི་འགྱུར། བརྣབ་སེམས་ཅན་
D45.039.0011a04.01དུ་མི་འགྱུར། གནོད་སེམས་ཅན་དུ་མི་འགྱུར། ལོག་པར་ལྟ་བར་མི་འགྱུར། བདག་ལ་གནོད་པ་བྱ་བར་མི་སེམས། གཞན་ལ་གནོད་པ་བྱ་བར་མི་སེམས། འདུ་བ་འདོད་པར་མི་འགྱུར། ལོངས་སྤྱོད་ལ་འདོད་པར་མི་འགྱུར། རྒྱལ་བར་བྱ་བའི་རྩེད་མོ་རྣམས་གཞན་དག་ལ་རྗོད་པར་མི་བྱེད།
D45.039.0011a05.01བདག་ཀྱང་མི་བྱེད། མ་ནིང་དང་སྟེན་པར་མི་བྱེད། སྨད་འཚོང་མ་སྤྱོད་ཡུལ་བར་མི་འགྱུར། ཡུག་ས་མོ་སྤྱོད་ཡུལ་བར་མི་འགྱུར། ན་ཆུང་ཆེན་མོ་སྤྱོད་ཡུལ་བར་མི་འགྱུར། བྱ་པ་དང་འདྲེ་བར་མི་འགྱུར། ཉ་པ་དང་འདྲེ་བར་མི་འགྱུར། {རི་དགས་,རི་དྭགས་}ཀྱི་རྔོན་པ་དང་འདྲེ་བར་མི་
D45.039.0011a06.01འགྱུར། གསོད་པ་དང་འདྲེ་བར་མི་འགྱུར། གདོལ་པ་དང་འདྲེ་བར་མི་འགྱུར། གཞན་གྱི་ཆུང་མ་དང་སྟེན་པར་མི་འགྱུར། མི་ར་རོ་བའི་ལག་ནས་འཛིན་པ་འམ་རྩོད་པར་མི་བྱེད་དེ། དེ་དག་ཁྱི་དང་གདོལ་པ་ལྟར་ཡོངས་སུ་སྤང་བས་ཡོངས་སུ་སྤོང་ངོ་། །གང་དག་ཡོངས་སུ་སྤངས་
D45.039.0011a07.01