完整藏文原文 · 德格版页 当前仅加载第 39 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་པའོ། །གང་རྣ་བ་དང་། སྣ་དང་། ལྕེ་དང་། ལུས་དང་། ཡིད་དམིགས་ནས་ཡིད་དགག་པའི་ཕྱིར་མངོན་པར་བརྩོན་ཞིང་མངོན་པར་འདུ་བྱེད་པ་དེ་ནི་གནས་གསུམ་དམིགས་ཏེ། བསྒྲུབ་པ་ཡིད་ལ་བྱེད་པ་དེ་དག་གིས་གནས་གསུམ་ལ་རྟོག་གོ །གང་ལ་
D45.039.0032a01.01མཐོང་བས་རྟོག་པ་ཡོད་པ་དེ་ལ་སེམས་རྩེ་གཅིག་པ་ག་ལ་ཡོད། འོད་སྲུང་སངས་རྒྱས་ཀྱི་བྱང་ཆུབ་འདི་ནི་ཟབ་སྟེ། རྟོགས་པར་དཀའ་བའོ། །ཚོགས་ནི་ཉམས་སུ་ལེན་པར་དཀའ་བའོ། །འོད་སྲུང་སེམས་རྩེ་གཅིག་པ་ཞེས་བྱ་བ་ཇི་ཙམ་གྱིས་ན་སེམས་རྩེ་གཅིག་པ་ཞེས་བྱ་ཞེ་ན།
D45.039.0032a02.01ཡོངས་སུ་བཙལ་ན་ཆོས་གཅིག་ཀྱང་མི་དམིགས་པ་སྟེ། མིག་ལ་སྙིང་པོ་མི་དམིགས་སོ། །རྣ་བ་དང་། སྣ་དང་། ལྕེ་དང་། ལུས་དང་། ཡིད་ལ་སྙིང་པོ་མི་དམིགས་སོ། །ཆོས་ཐམས་ཅད་ལ་སྙིང་པོ་མེད་པར་ཡང་མི་དམིགས་སོ། །དེ་ཅིའི་ཕྱིར་ཞེ་ན། སེམས་ཀྱི་རང་བཞིན་སྐྱེ་བ་མེད་
D45.039.0032a03.01པ་གང་ཡིན་པ་འདི་ནི་དེའི་རང་བཞིན་ཡིན་པའི་ཕྱིར་རོ། །ཆོས་ཐམས་ཅད་ནི་སྙིང་པོ་མེད་པ། དམིགས་པ་མེད་པ་སྟེ། དེ་དག་ནི་འདས་པ་ཡང་རུང་། མ་འོངས་པ་ཡང་རུང་། ད་ལྟར་བྱུང་བ་ཡང་རུང་། སེམས་ལ་མི་དམིགས་སོ། །མི་དམིགས་པ་དང་མངོན་པར་འདུ་མི་བྱེད་པས་
D45.039.0032a04.01དེའི་ཕྱིར་མངོན་པར་འདུ་མི་བྱེད་པ་ཞེས་བྱའོ། །ཅིའི་ཕྱིར་མངོན་པར་འདུ་མི་བྱེད་པ་ཞེས་བྱ་ཞེ་ན། རྙིང་པ་དང་། གསར་པ་མངོན་པར་འདུ་མི་བྱེད་དེ། དེའི་ཕྱིར་མངོན་པར་འདུ་མི་བྱེད་པ་ཞེས་བྱའོ། །དེ་ལ་འདས་པའི་སེམས་ཀྱང་རྣམ་པར་མི་འགྲོལ། མ་འོངས་པའི་སེམས་ཀྱང་རྣམ་
D45.039.0032a05.01པར་མི་འགྲོལ། ད་ལྟར་བྱུང་བའི་སེམས་ཀྱང་རྣམ་པར་མི་འགྲོལ་ལོ། །གང་སེམས་མི་དམིགས་པ་དེའི་ཕྱིར་སེམས་རྩེ་གཅིག་པ་ཞེས་བྱ་སྟེ། འདི་ནི་སེམས་ཀྱི་བགྲང་བར་བྱས་པའོ། །འོད་སྲུང་མ་འོངས་པའི་དུས་ན་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་
D45.039.0032a06.01མར་ལུས་ཁས་འཆེ་ཞིང་དངོས་པོ་དེ་དང་དེ་རྣམ་པར་འཇིག་པར་འདོགས་པ་དག་བྱུང་སྟེ། དེ་དག་ཕུང་པོ་ལྔར་འདུ་ཤེས་པར་འགྱུར་ཏེ། དེ་བཞིན་གཤེགས་པས་ཕུང་པོ་ལྔ་ནི་རྨི་ལམ་ལྟ་བུར་གསུངས་ན། དེ་དག་དེའི་ཚེ་འདི་ལྟར་རྨི་ལམ་ཞེས་བྱ་བའི་ཐ་སྙད་ཡོད་པས་རྨི་ལམ་འདི་ནི་ཡོད་དོ། །རྨི་
D45.039.0032a07.01