完整藏文原文 · 德格版页 当前仅加载第 39 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་འཛེར། །འཛམ་བུའི་གླིང་དུ་བབས་གྱུར་ནས། །རྣམ་པར་འཇིག་པ་མཐོང་བར་འགྱུར། །སངས་རྒྱས་སྲས་རྣམས་བྲེལ་ཕོངས་ཏེ། །ཤིན་ཏུ་རྣམ་པར་འཇིག་པར་འགྱུར། །གྲོང་ཁྱེར་མཆོག་རྣམས་ཞག་བདུན་དུ། །ཁ་དོག་གཟི་བྱིན་མེད་པར་འགྱུར། །ཞག་བདུན་
D45.039.0034b01.01བར་དུ་ལྷ་རྣམས་ཀྱང་། །ཡང་དང་ཡང་དུ་ངུ་བར་འགྱུར། །ཀྱེ་མ་སངས་རྒྱས་དཔའ་ཆེན་པོ། །མངོན་སུམ་མཐོང་བར་གང་གྱུར་པ། །མགོན་པོ་དེ་ཡང་སྣང་མ་གྱུར། །བདག་མགོན་དེ་ཡང་མྱ་ངན་འདས། །མཉན་ཡོད་གནས་པར་གྱུར་པ་ན། གང་དག་ལྷགས་ནས་
D45.039.0034b02.01བསྙེན་བཀུར་བ། །དེ་དག་ས་དེར་གནས་ནས་སུ། །ཡང་དང་ཡང་དུ་ངུ་བར་འགྱུར། །འདི་ནི་སངས་རྒྱས་གདན་ཡིན་ཏེ། །འཕགས་པའི་བདེན་པ་བཞི་པོ་དག །མི་མཆོག་གིས་ནི་དེར་བཤད་པ། །བདག་ཅག་དེ་ཚེ་མངོན་སུམ་མོ། །འཇིག་རྟེན་དག་ཀྱང་ཡང་ལྡོངས་ཤིང་། །
D45.039.0034b03.01ཕན་ཚུན་གུས་པར་བྱེད་མི་འགྱུར། །སྡིག་པའི་ལས་རྣམས་བྱས་ནས་སུ། །དེས་ནི་ངན་འགྲོར་འགྲོ་བར་འགྱུར། །ལྷ་ཡི་གཞལ་མེད་ཁང་མང་རྣམས། །དེ་ཡི་ཚེ་ན་སྟོངས་པར་འགྱུར། །འཛམ་བུའི་གླིང་གི་སེམས་ཅན་རྣམས། །མགོན་མེད་སྐྱབས་ཀྱང་མེད་པར་
D45.039.0034b04.01འགྱུར། །འཆག་སར་གྱུར་པའི་གནས་འདི་དག །རྣམ་པར་ཞིགས་ཤིང་སྟོངས་པར་འགྱུར། །ཆོས་རྒྱལ་མྱ་ངན་འདས་གྱུར་པས། །འཇིག་རྟེན་འདི་དག་དགའ་བ་མེད། །སུམ་ཅུ་རྩ་གསུམ་གནས་ཀྱི་བདག །ལྷ་དབང་བརྒྱ་བྱིན་དེ་ཡི་ཚེ། །སྡུག་བསྔལ་གྱུར་ཅིང་
D45.039.0034b05.01ཡི་མུག་ནས། །སྒྲ་ཆེན་རབ་ཏུ་འབྱིན་པར་འགྱུར། །སུམ་ཅུ་རྩ་གསུམ་ལྷ་ཀུན་ཀྱང་། །ལག་པ་བསྒྲེང་ཞིང་རབ་ཏུ་ངུ་། །སྐྱེད་མོས་ཚལ་དུ་ཐོས་གྱུར་ནས། །དེ་མ་ཐག་ཏུ་རྒྱུག་པར་འགྱུར། །ཆོས་རྣམས་སྟོན་པ་གང་ཡིན་པ། །འཇིག་རྟེན་མགོན་དང་བྲལ་ལོ་ཞེས། །
D45.039.0034b06.01ལྷ་རྣམས་རྟག་པར་རྒྱུན་དུ་ཡང་། །ང་ནི་རྗོད་པར་བྱེད་པར་འགྱུར། །ལྷ་རྣམས་བདུད་རྩི་མི་ཟ་ཞིང་། །གླུ་ཡི་སྒྲ་ཡང་ལེན་མི་འགྱུར། །སུམ་ཅུ་རྩ་གསུམ་ལྷ་རྣམས་ནི། །ཟླ་བ་དྲུག་ཏུ་ཡིད་མི་བདེ། །བསྟན་པའི་བདག་པོ་མེད་གྱུར་ཅེས། །ལྷ་མ་ཡིན་གྱིས་དེར་ཐོས་ནས་
D45.039.0034b07.01