完整藏文原文 · 德格版页 当前仅加载第 39 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་མངོན་པར་འདུ་མི་བྱེད་པ་ཤེས་པར་དཀའ་བའི་ཕྱིར་རོ། །བདག་ཏུ་ལྟ་བ་འམ། སེམས་ཅན་དུ་ལྟ་བ་འམ། སྲོག་ཏུ་ལྟ་བ་འམ། གང་ཟག་ཏུ་ལྟ་བ་འམ། འབྱུང་བར་ལྟ་བ་འམ། ཕུང་པོ་ལ་མངོན་པར་རྟེན་པ་འམ། ཚུལ་ཁྲིམས་སུ་
D45.039.0020a01.01ལྟ་བ་འམ། སངས་རྒྱས་སུ་ལྟ་བ་འམ། ཆོས་སུ་ལྟ་བ་འམ། དགེ་འདུན་དུ་ལྟ་བ་འམ། མྱ་ངན་ལས་འདས་པར་ལྟ་བ་འམ། གང་ལ་ལ་མྱ་ངན་ལས་འདས་པར་ལྟ་བ་དེ་དག་ཐམས་ཅད་ནི་དེ་བཞིན་གཤེགས་པས་ལོག་པར་ལྟ་བར་མཁྱེན་ཏོ། །དེ་ཅིའི་ཕྱིར་ཞེ་ན། འོད་
D45.039.0020a02.01སྲུང་དེ་བཞིན་གཤེགས་པ་ནི་མྱ་ངན་ལས་འདས་པ་ལ་མི་དགོངས་ཤིང་མྱ་ངན་ལས་འདས་པ་མི་དམིགས་པའི་ཕྱིར་རོ། །འོད་སྲུང་གང་དག་མྱ་ངན་ལས་འདས་པ་ལ་སེམས་ཤིང་དམིགས་པ་དེ་དག་ཐམས་ཅད་ནི་དེ་བཞིན་གཤེགས་པས་ལོག་པར་ལྟ་བར་མཁྱེན་ཏོ། །གང་
D45.039.0020a03.01དག་ལོག་པར་ལྟ་བ་དེ་དག་ནི་མི་ཤེས་པ་ཞེས་བྱའོ། །གང་དག་མི་ཤེས་པ་དེ་དག་ནི་སྨས་པའོ། །གང་དག་སྨས་པ་དེ་དག་ནི་བྱིས་པའོ། །བྱིས་པ་གང་ཡིན་པ་དེ་དག་ལ་སངས་རྒྱས་ཀྱི་བྱང་ཆུབ་ཀྱིས་ཅི་ཞིག་བྱ་སྟེ། དེ་དག་ནི་ཐ་ན་མཐོ་རིས་སུ་སྐྱེ་བ་དང་ཡང་རིང་ངོ་། །
D45.039.0020a04.01འོད་སྲུང་མ་འོངས་པའི་དུས་ན་དགེ་སློང་ལོ་ཉི་ཤུ་འམ། ལོ་བཞི་བཅུ་འམ། ལོ་ལྔ་བཅུ་འམ། དྲུག་ཅུ་འམ། བདུན་ཅུ་འམ། བརྒྱད་ཅུ་འམ། དགུ་བཅུ་འམ། ལོ་བརྒྱ་ཐུབ་སྟེ། རྒ་བས་ཟིལ་གྱིས་ནོན་པ། ཆོས་གོས་ཀྱིས་བརྒྱན་པ། མགོ་བྲེགས་པ། ལུས་བསླུས་
D45.039.0020a05.01པ། རྒས་པ། གནས་བརྟན་དུ་ཆུད་པ། གཏི་མུག་པ། འཁོགས་པ། གཟི་བརྗིད་ཉམས་པ། ལོག་པར་ཞུགས་པ་དག་འབྱུང་སྟེ། དེ་དག་འཆི་བའི་དུས་ཀྱི་ཚེ་སྡིག་པ་འདོད་པས་ཟིལ་གྱིས་ནོན་ནས་བསམ་བཞིན་དུ་ལྷོད་པའི་ཆོས་རྣམས་ཀྱིས་གནས་ཏེ། དེ་དག་གནས་གསུམ་
D45.039.0020a06.01གྱིས་རྟོགས་པ་བརྗོད་པར་འགྱུར་རོ། །གསུམ་གང་ཞེ་ན། འདི་ལྟ་སྟེ། ཡང་ན་སྤྱོད་ལམ་ཀུན་ཏུ་སྟོན་པས་སམ། ཡང་ན་སྤྱོད་པ་འཛིན་པས་སམ། ཡང་ན་མཛུབ་མོ་བསྒྲེང་བ་སྟེ། གནས་གསུམ་པོ་འདི་དག་གིས་རྟོགས་པ་བརྗོད་པར་འགྱུར་རོ། །དེ་དག་ལྷག་པའི་ང་
D45.039.0020a07.01