完整藏文原文 · 德格版页 当前仅加载第 39 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་སྣ་ཚོགས་ཀྱིས་གནས་ནས་ལས་མངོན་པར་འདུ་བྱེད་དེ། གང་དག་འདུ་ཤེས་རྣམ་པ་སྣ་ཚོགས་དག་གིས་གནས་ནས་ལས་མངོན་པར་འདུ་བྱེད་པ་དེ་དག་བདག་ལ་ངའོ་སྙམ་དུ་འཛིན་པའི་ཕྱིར་རོ། །ཅིའི་ཕྱིར་ངའི་ཞེས་བྱ་ཞེ་ན། བརྣབ་སེམས་དང་ངའི་དང་འདོད་པ་རྣམས་
D45.039.0010b01.01ཀྱིས་འདུ་འཛི་ལ་མངོན་པར་གཏོད་པ་དང་། ཚུལ་ཁྲིམས་ཀྱི་ཕུང་པོ་འཇིག་པར་བྱེད་པ་དང་། གཞན་ལ་གནོད་སེམས་ཀྱི་སེམས་སུ་བྱེད་པ་དང་། ཁྲོ་བས་ཟིལ་གྱིས་ནོན་པ་དང་། དེ་ཡང་བདག་ལ་རྣམ་པར་ང་རྒྱལ་བྱེད་པ་དང་། འབྲུ་རྗེན་པ་བདག་གིར་བྱེད་པ་དང་། ལེན་པ་དང་།
D45.039.0010b02.01སྡུད་པ་དང་། ཉེ་བར་བྱེད་པ་སྟེ། དེའི་ཕྱིར་ངའི་ཞེས་བྱའོ། །གང་དག་ང་ཡིར་བྱེད་པ་དེ་དག་འཁྱམ་པའོ། །གང་དག་འཁྱམ་པ་དེ་དག་རྨོངས་པའོ། །གང་དག་རྨོངས་པ་དེ་དག་སྡང་བའོ། །གང་དག་སྡང་བ་དེ་དག་གཤེ་བའོ། །གང་དག་གཤེ་བ་དེ་དག་ཟ་བའོ། །གང་
D45.039.0010b03.01དག་ཟ་བ་དེ་དག་ཚིག་པའོ། །གང་དག་ཚིག་པ་དེ་དག་ཡོངས་སུ་ཆགས་པ་སྟེ། འདོད་པའི་འདོད་ཆགས་ཀྱིས་བུད་མེད་ཀྱི་འདུ་ཤེས་དང་། སྐྱེས་པའི་འདུ་ཤེས་དང་། སྲོག་གི་འདུ་ཤེས་ཀྱིས་བདག་གིར་བྱེད་དེ། དེའི་ཕྱིར་ངའི་ཞེས་བྱའོ། །ཡང་དོན་དུ་ན་དེ་ནི་བདག་ལ་
D45.039.0010b04.01མི་སྙན་པ་བརྗོད་པ་ཞེས་བྱ་སྟེ། བདག་གི་ཕྱིར་བྱིས་པའོ། །བྱིས་པའི་ཚུལ་བག་ལ་ཉལ་བར་བྱེད་དོ། །དེས་ན་ངའི་ཞེས་བྱའོ། །འོད་སྲུང་དེ་ལྟར་ན་གང་ཆོས་འདི་དག་མ་ཐོས་པར་བྱང་ཆུབ་ཏུ་ཁས་འཆེ་བ་འམ། བྱང་ཆུབ་སེམས་དཔའི་སྤྱོད་པར་ཁས་འཆེ་བ་དེ་སྤྱོད་པ་ཁས་འཆེ་
D45.039.0010b05.01བའོ། །འོད་སྲུང་བྱང་ཆུབ་སེམས་དཔའི་སྤྱོད་པ་གང་ཡིན་པ་དེ་ལ་སྤྱོད་པ་གང་ཡང་མེད་དེ། དེས་ན་བྱང་ཆུབ་སེམས་དཔའི་སྤྱོད་པ་ཞེས་བྱའོ། །འོད་སྲུང་བྱང་ཆུབ་སེམས་དཔའ་གང་གི་སྤྱོད་པ་ཡོངས་སུ་རྫོགས་པར་འགྱུར་བ་དང་། ཚང་བར་འགྱུར་བ་དང་། ཚོགས་པར་འགྱུར་བ་དང་།
D45.039.0010b06.01དག་པར་འགྱུར་བ་དང་། རྣམ་པར་དག་པར་འགྱུར་བ་དང་། ཡོངས་སུ་དག་པར་འགྱུར་བ་དང་། རྣམ་པར་གནོན་པར་འགྱུར་བའི་སྐབས་ཡོད་དོ། །དེ་དག་ཆོས་ཀྱང་སྟོན་ཏེ། ཆོས་དེ་དག་ནམ་མཁའ་ལྟར་བྱས་ཀྱི་ཆོས་དེ་དག་ཕུང་པོར་མ་བྱས་སོ། །དེ་དག་རིགས་པ་རྣམས་ལ་ཆོས་
D45.039.0010b07.01