完整藏文原文 · 德格版页 当前仅加载第 39 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་ཤེས་ན་ངོ་མཚར་ཏེ། །ཁྱོད་ཀྱིས་འབྲས་བུ་དང་པོ་ཐོབ། །ཁྱིམ་པ་དགེ་སློང་སྟེན་དེ་དག །ཆོས་མཐོང་ཡིན་པ་སྙམ་དུ་སེམས། །དེ་ཡི་མདུན་དུ་སྦྱིན་པ་རྣམས། །དེ་དག་ཡང་ཡང་སྦྱིན་པར་འགྱུར། །དགེ་སློང་ཇི་ལྟར་བཤད་པ་དག །དེ་ནི་དེ་བཞིན་གཞན་དུ་མིན། །
D45.039.0033b01.01བདེན་པ་མཐོང་དེས་བདག་ཅག་ལ། །བཤད་པ་རྣམས་ནི་འཐུན་སྙམ་བྱེད། །སྦྱིན་པ་ཡོད་དེ་དགེ་སློང་རྣམས། །དམ་པའི་ཆོས་ལ་མི་གནས་ཏེ། །དེ་ཡི་ཚེ་ན་བྱུང་བ་རྣམས། །སངས་རྒྱས་བྱང་ཆུབ་འཇིག་པར་བྱེད། །དེ་ལ་མ་སྟེན་ང་ལ་སྟེན། །ང་ནི་ཁྱོད་ཀྱི་སྟོན་པ་ཡིན། །
D45.039.0033b02.01ང་ནི་ཇི་ལྟར་གྱུར་པ་བཞིན། །ཁྱོད་ཀྱིས་མྱུར་དུ་ཐོབ་པར་འགྱུར། །འདི་ནི་གནས་ཀྱི་དམ་པ་སྟེ། །ཞི་བ་ཡིན་ཞེས་ཕན་ཚུན་སྨྲ། །ཐམས་ཅད་གཅིག་ཏུ་འདུས་གྱུར་ནས། །ང་ཡི་བསྟན་པ་འཇིག་བྱེད་འགྱུར། །དཔེར་ན་གྲོང་འཇོམས་བྱེད་པ་ཡི། །ཆོམ་རྐུན་ཤིན་ཏུ་
D45.039.0033b03.01མི་བཟད་རྣམས། །གྲོང་ཁྱེར་རྣམས་དང་ཡུལ་འཁོར་དང་། །གྲོང་འདབ་དག་ནི་རྣམ་པར་འཇིག །དེ་བཞིན་དགེ་སློང་རྣམས་འབྱུང་བ། །བློ་ངན་དམན་ཞིང་ཤིན་ཏུ་རྨོངས། །ཤེས་རབ་ཆུང་ཞིང་སྡོམ་པ་འཆལ། །སྲོག་དང་གང་ཟག་ཤིན་ཏུ་རྟེན། །ང་ཡིས་གཡོ་
D45.039.0033b04.01བ་གང་བཤད་པ། །དེར་བརྟེན་འདི་ལ་ཉམས་པ་སྟེ། །དེ་དང་དེ་དག་དགྲ་བཅོམ་སྨྲ། །དེ་ཀུན་ལྷག་པའི་ང་རྒྱལ་ཅན། །དགེ་སློང་དགེ་འདུན་མདུན་དག་ཏུ། །དེ་དག་འདུས་པར་གྱུར་ཀྱང་ནི། །དེ་ནི་མིང་དུ་སྣང་བར་ཟད། །གཅིག་ཀྱང་དེ་ནི་ཤིན་ཏུ་དཀོན། །དེ་ཚེ་ཆོས་ཀྱི་རྒྱལ་
D45.039.0033b05.01པོ་ཡི། །བྱང་ཆུབ་རབ་ཏུ་སྤོང་བར་འགྱུར། །ལྷ་རྣམས་སྡུག་བསྔལ་ཡི་མུག་ཅིང་། །ཡང་དང་ཡང་དུ་ངུ་བར་འགྱུར། །ཆོས་མཆོག་ཤཱཀྱ་སེང་གེ་ཡི། །བསྟན་པ་འདི་ནི་རབ་འཇིག་ཅེས། །དེ་ན་ལྷ་གང་དད་པ་རྣམས། །ས་ལ་རབ་ཏུ་འགྱེལ་བར་འགྱུར། །ཀྱེ་མ་སངས་
D45.039.0033b06.01རྒྱས་ཞེས་སྨྲ་ཞིང་། །ཀྱེ་མ་ལེགས་པར་བཤད་པའི་ཆོས། །ཀྱེ་མ་དགེ་འདུན་སྦྱིན་པའི་གནས། །སངས་རྒྱས་ཐུགས་སྐྱེས་སྲས་ཞེས་སྨྲ། །ཆོས་ཀྱི་རྒྱལ་པོས་བསྟན་པ་ཡི། །ཆོས་ནི་ཕྱིན་ཅད་མི་ཐོས་སོ། །ཀུན་ཏུ་རྨོངས་ཤིང་མུན་པར་གྱུར། །ཐུབ་པ་འདི་ནི་མྱ་ངན་འདའ། །
D45.039.0033b07.01