完整藏文原文 · 德格版页 当前仅加载第 39 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་འདྲ་འདི་དག་སྤོང་། །ཤཱཀྱ་སེང་གེའི་བསྟན་པ་ལ། །ཕྱིར་ཞིང་དད་པར་མི་འགྱུར་རོ། །གཅིག་ལ་གཅིག་ནི་གནོད་པའི་སེམས། །ཤིན་ཏུ་ཆེན་པོ་བྱེད་པར་འགྱུར། །གཅིག་ལ་གཅིག་ནི་མི་སྙན་པ། །ཕྱོགས་ཕྱོགས་དག་ཏུ་སྒྲོགས་པར་འགྱུར། །ཡོད་པ་མ་ཡིན་སྐུར་
D45.039.0021b01.01འདེབས་ཤིང་། །དེ་ལ་དེ་དག་ཁྲེལ་བར་འགྱུར། །སྡིག་པའི་བཤེས་གཉེན་དཔུང་སྐྱེ་ཞིང་། །དེ་ན་དེས་པ་མཐུ་ཆུང་འགྱུར། །དམ་ཆོས་མཐུ་ཆུང་བྱས་ནས་སུ། །སྡིག་པ་ཅན་དག་དཔུང་སྐྱེས་ནས། །ང་སྲས་ཐུགས་ལས་སྐྱེས་པ་ཡི། །དགེ་སློང་དེ་དག་འདོང་བར་
D45.039.0021b02.01འགྱུར། །ཕྱོགས་གང་དུ་ནི་འདོང་སྙམ་ཞིང་། །གང་དུ་དགེ་བར་འགྱུར་བ་དང་། །སྡིག་པ་རྣམས་ལས་གྲོལ་འགྱུར་ཞེས། །དེ་ལ་སྙིང་རྗེ་སྐྱེ་བར་འགྱུར། །དེ་ཕྱིར་དེ་དག་མདོ་སྡེ་འདི། །དེ་ཡི་ཚེ་ན་ཡིད་ལ་འཛིན། །མཐའ་འཁོབ་ཏུ་ནི་དགའ་གྱིས་ཤེས། །འཇིག་
D45.039.0021b03.01རྟེན་མགོན་གྱིས་བཀའ་སྩལ་གྱིས། །ཚུར་ཤོག་སངས་རྒྱས་བསྔགས་པ་ཡི། །མཐའ་འཁོབ་དེར་ནི་འདོང་བར་བྱ། །རྣམ་པར་འཇིག་པའི་དུས་བབ་པ། །ད་ལྟར་དེས་པ་ཤིན་ཏུ་དཀོན། །དེ་ན་ཁ་ཅིག་འདི་སྐད་འཛེར། །གང་དུ་དྲང་སྲོང་ཆེན་པོ་དེས། །བླ་མེད་བྱང་
D45.039.0021b04.01ཆུབ་བརྙེས་གྱུར་པ། །དེར་ནི་མྱུར་འདོང་ཚུར་ཤོག་ཤིག །དེ་ན་ཁ་ཅིག་འདི་སྐད་འཛེར། །དེས་པ་འདི་ནི་ལེགས་པར་སྨྲས། །ཡུལ་རྒྱུ་འབྲས་བུ་ཡོད་དོ་ཞེས། །འཇིག་རྟེན་མགོན་གྱིས་བཀའ་སྩལ་ཏོ། །བྱང་ཆུབ་ས་ནི་ཡིད་འོང་བ། །དེར་འདོང་བ་ནི་ཆེས་སླ་ཡི། །
D45.039.0021b05.01གནོད་པའི་སེམས་ཀྱིས་འདིར་གཙེས་ནས། །འཆི་འགྱུར་དེ་ལྟ་མ་ཡིན་ཞེས། །ང་ཡི་ཕྱིར་ནི་ཡུལ་རྒྱུ་ཞིང་། །དགེ་སློང་དེ་དག་འདོང་བར་འགྱུར། །སངས་རྒྱས་བཞུགས་བཞུགས་རབ་བཟང་བ། །གནས་ནི་དེར་ཡང་འདོང་བར་འགྱུར། །འཆག་ས་དང་ནི་བཞུགས་ས་དང་། །
D45.039.0021b06.01རྡོ་ལེབ་ཤིང་དྲུང་སྟོངས་གྱུར་པ། །དེར་ནི་དེ་དག་འདུས་ནས་སུ། །ཡང་དང་ཡང་དུ་ངུ་བར་འགྱུར། །འདིར་ནི་དྲང་སྲོང་ཆེ་དེ་ཡི། །འཆག་ས་ཡོངས་སུ་སྤྱད་པ་སྟེ། །དེ་ཡི་ཚེ་ན་དེར་བྱུང་བ། །སངས་རྒྱས་དེ་ནི་མ་མཐོང་ངོ་། །འདིར་ནི་དྲང་སྲོང་ཆེན་པོ་དེས། །འདུས་བྱས་
D45.039.0021b07.01