完整藏文原文 · 德格版页 当前仅加载第 39 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་རིང་དུ་ཡོངས་སུ་སྤང་བར་བྱ་སྟེ། བཟླས་པའི་སྒྲ་ཡང་ཡོངས་སུ་སྤང་བར་བྱ་ན་བལྟ་བ་དང་མཉན་པ་ལྟ་ཅི་སྨོས་ཏེ་དེ་དག་ཡོངས་སུ་སྤང་བར་བྱའོ། །ཆོས་གཅིག་ཀུན་ཏུ་བསྟེན་པར་བྱ་སྟེ། ཆོས་གཅིག་པོ་གང་ཞེ་ན། ཆོས་ཐམས་ཅད་དངོས་པོ་མེད་པར་གྱུར་པ་སྟེ།
D45.039.0015a01.01གང་གི་ཚེ་བདག་ཀྱང་དེ་དང་འདྲ་བའི་ཚེ་ཆོས་ཐམས་ཅད་ལ་དངོས་པོ་མེད་པའི་བཟོད་པ་དང་ལྡན་པར་འགྱུར་ཏེ། དེ་མི་དེ་ལྟ་བུ་དེ་དག་དང་སྟེན་པར་མི་བྱེད། སྙེན་པར་མི་བྱེད། བསྙེན་བཀུར་མི་བྱེད་དོ། །དེས་ཆོས་གཉིས་ཀུན་ཏུ་བསྟེན་པར་བྱ་སྟེ། གཉིས་གང་ཞེ་ན། ཆོས་ཐམས་
D45.039.0015a02.01ཅད་ལ་དངོས་པོ་མེད་པའི་ཆོས་ཉིད་ཡོངས་སུ་བཙལ་བར་བྱ་བ་དང་། ཡོངས་སུ་བཙལ་བའི་སེམས་ཀྱང་བསྐྱེད་པར་མི་བྱའོ། །ཇི་ལྟ་བུར་ཡོངས་སུ་བཙལ་བར་བྱ་ཞེ་ན། ཇི་ལྟར་ཡོངས་སུ་བཙལ་བ་དེ་གཉིས་མི་དམིགས་པར་འགྱུར་བ་ལྟ་བུར་རོ། །དེ་ལ་མི་དམིགས་པས་མི་
D45.039.0015a03.01དམིགས་པའི་སེམས་ཀྱང་བསྐྱེད་པར་མི་བྱ་སྟེ། དེ་ནི་ལོག་པར་ལྟ་བ་ཡིན་པས་ཁམས་གསུམ་པ་ཐམས་ཅད་དང་བྲལ་བའི་སེམས་ཀྱིས་བྱང་ཆུབ་སེམས་དཔའི་སྤྱོད་པའི་རྗེས་སུ་འགྲོ་བར་བྱའོ། །མཚན་མ་ཐམས་ཅད་མེད་པའི་སེམས་ཀྱིས་བྱང་ཆུབ་སེམས་དཔའི་སྤྱོད་པའི་རྗེས་
D45.039.0015a04.01སུ་འགྲོ་བར་བྱའོ། །དེ་ལ་བྱང་ཆུབ་སེམས་དཔའི་སྤྱོད་པ་ནི་འདི་ཡིན་ཏེ། གང་འདི་དེའི་དུས་ན་བསྟན་པ་ཡིན་ནོ། །གང་དག་ཆོས་འདི་ལྟ་བུ་འདི་དག་ཐོས་ནས་ཡོངས་སུ་སྤོང་བས་ཡོངས་སུ་སྤོང་བ་དེ་དག་གིས་དེ་བཞིན་གཤེགས་པ་བྱམས་པ་མཉེས་པར་བྱས་ནས་མི་མཉེས་པར་མི་
D45.039.0015a05.01བྱེད། ཐུགས་བྱུང་བར་མི་བྱེད་པས་ཀྱེ་མའོ་བདག་ཅག་བདུད་ཀྱི་ཞགས་པ་དག་ལས་གྲོལ་ལོ། །ཀྱེ་མ་བདག་ཅག་ངན་འགྲོར་འགྲོ་བའི་རྒྱུ་རྣམས་ལས་གྲོལ་ཏེ། ཀྱེ་མ་བདེའོ་ཞེས་ཚིག་ཏུ་སྨྲའོ། །འོད་སྲུང་གང་དག་དེའི་དུས་ན་མདོ་སྡེ་འདི་ལྟ་བུ་འདི་དག་ཐོས་ནས་མི་སྐྲག་
D45.039.0015a06.01མི་དངང་ཞིང་དངང་བར་མི་འགྱུར་ལ། དེ་ལ་བདག་ཀྱང་རྗེས་སུ་མཐོང་བར་འགྱུར་ཞིང་གཟུངས་ཀྱི་བློ་ཡང་སྐྱེ་བར་འགྱུར་བ་དེ་དག་ཐམས་ཅད་ནི་དེ་བཞིན་གཤེགས་པས་མཁྱེན་ཏེ། དེ་དག་ཐམས་ཅད་ངའི་ཆོས་སྲུང་བ་དག་གོ །འོད་སྲུང་འདི་ལྟ་སྟེ། དཔེར་ན་ཁྱིམ་བདག་ཕྱུག་པོ་ནོར་ཆེ་བ་
D45.039.0015a07.01