完整藏文原文 · 德格版页 当前仅加载第 39 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡོག་ཅིང་མྱུར་དུ་ཉན་ཐོས་ཀྱི་ཐེག་པར་ཡོངས་སུ་མྱ་ངན་ལས་འདའ་བར་བྱེད་དོ། །འོད་སྲུང་གཞན་ཡང་འདི་ལ་ཁ་ཅིག་བྱང་ཆུབ་ཏུ་སེམས་བསྐྱེད་ནས་མང་དུ་ཐོས་པ་ཡོངས་སུ་བཙལ་བའི་ཕྱིར་བརྩོན་འགྲུས་མི་རྩོམ་གྱི། དེ་དགེ་བའི་རྩ་བ་ངན་ངོན་ཙམ་དེས་མྱུར་དུ་ཡོངས་སུ་མྱ་ངན་ལས་
D45.039.0042a01.01འདའ་བར་བྱེད་ན། འོད་སྲུང་ཆོས་གསུམ་པ་དེ་དང་ལྡན་པའི་བྱང་ཆུབ་སེམས་དཔའ་ཁྱིམ་པ་བྱང་ཆུབ་ལས་ལྡོག་ཅིང་མྱུར་དུ་ཉན་ཐོས་ཀྱི་ཐེག་པར་ཡོངས་སུ་མྱ་ངན་ལས་འདའ་བར་བྱེད་དོ། །དེ་ལ་འདི་སྐད་ཅེས་བྱ་སྟེ། །བྱང་ཆུབ་ཆེད་དུ་འདུན་བསྐྱེད་ལ། །འཐུན་པར་རྗེས་སུ་མི་སྒྲུབ་ན། །སངས་
D45.039.0042a02.01རྒྱས་ཐེག་ལས་ལྡོག་འགྱུར་ཏེ། །ཉན་ཐོས་ཐེག་པར་འགྲོ་བར་འགྱུར། །མ་དད་པ་དང་ལེ་ལོ་ཅན། །སེར་སྣ་ཅན་དང་ཤེས་རབ་འཆལ། །དེ་དག་ལ་ནི་བྱང་ཆུབ་མེད། །དེ་དག་བར་དུ་གཅོད་པ་ཡིན། །བྱས་པ་གཟོ་ཞིང་ཁྲིམས་དང་ལྡན། །སྦྱིན་ལ་ཡིད་ནི་དགའ་བ་དང་། །བྱིན་ནས་
D45.039.0042a03.01སེམས་ནི་ཚིམ་གྱུར་པ། །དེ་དག་བྱང་ཆུབ་དཀོན་མ་ཡིན། །སྡིག་པ་དག་ནི་སེམས་ཀྱིས་བྱེད། །སེམས་ཀྱིས་སྦྱིན་པ་སྦྱིན་པར་བྱེད། །སེམས་ཅན་སེམས་མཆོག་ལྡན་དེ་དག །འཇིག་རྟེན་མཆོད་རྟེན་འདྲ་བར་འགྱུར། །གང་དག་ཆོས་འདི་རྣམ་སྤངས་ནས། །བྱང་ཆུབ་ཏུ་ནི་སེམས་
D45.039.0042a04.01བཏུད་པ། །དེ་དག་འཇིག་རྟེན་རྣམས་ན་ནི། །སྦྱིན་གནས་བླ་མེད་སངས་རྒྱས་འགྱུར། །འོད་སྲུང་བྱང་ཆུབ་སེམས་དཔའ་ཁྱིམ་པ་ཆོས་གསུམ་དང་ལྡན་ན་བྱང་ཆུབ་ལས་ལྡོག་ཅིང་རང་སངས་རྒྱས་ཀྱི་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདའ་བར་བྱེད་དེ། གསུམ་གང་ཞེ་ན།
D45.039.0042a05.01འོད་སྲུང་འདི་ལ་ཁ་ཅིག་བྱང་ཆུབ་ཏུ་སེམས་བསྐྱེད་ནས་ཆོས་ལ་སེར་སྣ་བྱེད་དེ། འོད་སྲུང་ཆོས་དང་པོ་འདི་དང་ལྡན་པའི་བྱང་ཆུབ་སེམས་དཔའ་ཁྱིམ་པ་བྱང་ཆུབ་ལས་ལྡོག་ཅིང་རང་སངས་རྒྱས་ཀྱི་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདའ་བར་བྱེད་དོ། །འོད་སྲུང་གཞན་
D45.039.0042a06.01ཡང་འདི་ལ་ཁ་ཅིག་བྱང་ཆུབ་ཏུ་སེམས་བསྐྱེད་ནས་དགེ་མཚན་དང་ལྟས་ལ་ཆགས་ཏེ། འོད་སྲུང་ཆོས་གཉིས་པ་འདི་དང་ལྡན་པའི་བྱང་ཆུབ་སེམས་དཔའ་ཁྱིམ་པ་བྱང་ཆུབ་ལས་ལྡོག་ཅིང་རང་སངས་རྒྱས་ཀྱི་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདའ་བར་བྱེད་དོ། །འོད་
D45.039.0042a07.01