完整藏文原文 · 德格版页 当前仅加载第 39 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་གསུམ་ཡང་དག་པར་བླངས་ནས་བསླབ་པར་བྱ་སྟེ། གསུམ་གང་ཞེ་ན། དེས་རྒྱུན་མི་འཆད་པར་སངས་རྒྱས་ལ་གཞོལ་བར་བྱ་བ་དང་། ལུང་མནོས་ཏེ་ཁ་ཏོན་བྱ་བ་ལ་མངོན་པར་བརྩོན་པར་བྱ་བ་དང་། དེས་སེམས་ཅན་རྣམས་ལ་བྱམས་པའི་སེམས་བསྐྱེད་པར་བྱ་ཞིང་
D45.039.0037b01.01བསྒོམ་པར་བྱ་བ་སྟེ། ཆོས་གསུམ་པོ་དེ་དག་ཡང་དག་པར་བླངས་ནས་བསླབ་པར་བྱའོ། །གཞན་ཡང་ཆོས་གསུམ་ཀུན་ཏུ་བསྟེན་པར་བྱ་སྟེ། གསུམ་གང་ཞེ་ན། དེས་ཁུ་ཚུར་དང་ཐལ་ལྕག་གིས་བརྡེག་པ་སྤང་བར་བྱ་བ་དང་། དེས་གཞན་ལ་དམན་པར་གྱུར་པས་སྨྲ་
D45.039.0037b02.01བར་མི་བྱ་བ་དང་། སེམས་ཅན་འཇིགས་པ་རྣམས་ལ་མི་འཇིགས་པ་སྦྱིན་པར་བྱ་བ་སྟེ། ཆོས་གསུམ་པོ་དེ་དག་ནི་ཀུན་ཏུ་བསྟེན་པར་བྱའོ། །དེ་ལ་འདི་སྐད་ཅེས་བྱ་སྟེ། སེམས་ཅན་དམན་པ་རྣམས་མི་བསྟེན། །གང་དག་ལྟ་བ་མི་དྲང་བ། །མཐོང་ནས་རིང་དུ་
D45.039.0037b03.01སྤང་བྱ་སྟེ། །སྦྲུལ་གདུག་གཏུམ་པ་ཇི་བཞིན་ནོ། །གང་དག་དེ་དག་ཕྱག་འཚལ་བ། །དེ་དག་རྗེས་སུ་བསླབ་མི་བྱ། །ཁྱི་ཟ་མཐོང་བ་ཇི་ལྟ་བར། །དེ་དག་རིང་དུ་སྤང་བར་བྱ། །གང་དག་དམིགས་པ་ཅན་གྱུར་པ། །སེམས་ཅན་དེ་དག་ངན་འགྲོར་འགྲོ། །གང་དག་
D45.039.0037b04.01དེ་དག་རྗེས་སློབ་པ། །དེ་དག་འགྲོ་བའང་དེ་འདྲའོ། །རྒྱལ་བའི་བསྟན་པ་ཐོས་གྱུར་ནས། །སྟོང་པའི་ཆོས་ལ་དོགས་མེད་ཅིང་། །དགེ་སློང་གང་དག་སྟོང་དགའ་བ། །དེ་དག་ལ་ནི་གུས་པར་བྱེད། །དེ་དག་ལས་ནི་ཐོས་པ་འཕེལ། །དེ་དག་ཤེས་རབ་རྣོ་བར་འགྱུར། །
D45.039.0037b05.01བྱང་ཆུབ་ལ་ནི་ཉེ་འགྱུར་ཏེ། །སེམས་ཅན་ཀུན་གྱིས་ཕྱག་བྱས་སོ། །མྱུར་དུ་གསོ་སྦྱོང་བྱེད་པར་འགྱུར། །ལུང་ནོད་པལ་མྱུར་དུ་སྤྱོད། །དེ་ཡི་ཤེས་རབ་ཤིན་ཏུ་འཕེལ། །ཆུ་ལས་ཨུད་པལ་ཇི་བཞིན་ནོ། །མྱུར་དུ་གསོ་སྦྱོང་བྱེད་པར་འགྱུར། །ཆོས་ཀྱང་མྱུར་
D45.039.0037b06.01དུ་ཉན་པར་བྱེད། །དེ་ཡི་ཤེས་རབ་རབ་ཏུ་འཕེལ། །དེས་ནི་ཟག་པ་ཆད་པར་བྱེད། །ཤེས་རབ་ཆེ་ཞིང་བརྩོན་འགྲུས་ཆེ། །གཟི་བརྗིད་ཆེ་ཞིང་འཇིགས་པ་མེད། །གང་དག་ལ་ནི་བྱེད་འདོད་དང་། །བདག་གི་དོན་ཀྱང་རབ་ཏུ་བྱེད། །འདི་ལ་ཁྱིམ་པ་ཁུ་ཚུར་དང་།།
D45.039.0037b07.01